________________ - जीवाजीवाभिगमे प० 3 175 किण्होभासाओ जाव रम्माओ महामेहणिउरुंबभूयाओ जाव महई गंधद्धणि मुयंतीओ पासाईयाओ 4 / एगूरुयदीवे णं दीवे तत्थ २"बहवे मत्तंगा णाम दुमगणा पण्णत्ता समणाउसो! जहा से चंदप्पभ-मणिसिलागवरसीहुपवरवारुणि-सुजातफलपत्तपुष्फचोयणिजा ससारबहुदत्वजुत्तसंभारवालसंधयासवा महुमेरगरीट्टाभदुद्धजाई. घमण्णमेल्लगसयाउ खज्जूरमुद्दियासारकाविसायणसुपक्कखोयरसवरसुरावण्णरसगंधपरिसजुत्तबलवीरियपरिणामा मजविहित्थबहुप्पगारा तदेवं ते मत्तंगयावि दुमगणा अणेगबहुविविहवीससापरिणयाए मजविहीए उववेया फलेहिं पुण्णा वीसंदंति कुसविकुसविसुद्धरुक्खमूला जाव चिट्ठति 1 / एगोरुयदीवे. तत्थ २"बहवो भिंगगया णाम दुमगणा पण्णत्ता समणाउसो !, जहा से बारगघडकरगकठसकक्करिपायंकंचणिउदंकवद्ध णिसुप (इट्टक) विट्ठरपारीचसगभिंगारकरोडिसरगथरगपत्तीथालणत्थगववलियअवपदगवारयविचित्तवट्टगमणिवदृगसुत्तिचार पिणयाकंचणमणिरयणभत्तिचित्ता भायणविहीए बहुप्पगारा तहेव ते भिंगगयावि दुमगणा अणेगबहुविविहवीससाए परिणयाए भायण विहीए उववेया फलेहिं पुण्णाविव विसटेंति कुसविकुस० जाव चिटुंति 2 / एगोरुयदीवे णं दीवे तत्थ २"बहवे तुडियंगा णाम दुमगणा पण्णत्ता समणाउसो !, जहा से आलिंगमुयंगपणवपडहदद्दरगकरडिडिंडिमभंभाहोरंभकण्णियासखरमुहिमुगुंदसंखियपरिलीवव्वगपरिवाइणिवंसावेणुवीणासुघोसविवंचिमहइकच्छभिरगसगातलतालकंसतालसुसंपउत्ता आओजविहीणिउणगंधव्वसमयकुसलेहिं फंदिया तिट्ठाणकरणसुद्धा तहेव ते तुडियंगयावि दुमगणा अणेगबहुविविहवीससापरिणामाए ततविततघणझुसिराए चउन्विहाए आओजविहीए उववेया फलेहिं पुण्णा विसटेंति कुसविकुसविसुद्धरुवखमूला जाव चिटुंति 3 / एगोरुयदी. तत्थ २"बहवे दीवसिहा णाम दुमगणा पण्णत्ता समणाउसो !, जहा से संझाविरागसमए णवणिहिपइणो दीविया चक्कवालविंदे पभूयवट्टिपलित्तणेहे धणिउजालियतिमिरमद्दए कणगणिगरकुसुमियपालियातयवणप्पगासो कंचणमणिरयणविमलमहरिहतवणिज्जुजलविचित्तदंडाहि दीवियाहिं सहसा पजलिऊ. सवियणिद्धतेयदिपंतविमलगहगणसमप्पहाहिं वितिमिरकरसूरपसरिउल्लोयचिल्लियाहिं जावुजलपहसियाभिरामाहिं सोहेमाणा तहेव ते दीवसिहावि दुमगणा अणेगबहुविविहवीससापरिणामाए उजोयविहीए उववेया फलेहिं पुण्णा विसटेंति बुसविकुसवि० जाव चिट्ठति 4 / एगूरुयदीवे० तत्थ २"बहवे जोइसिहा णाम दुमगणा पत्ता