________________ [ 276 ] पञ्चकल्प-भाष्ये मा होज चरणभेदो पुण्णातीतमि संवसंताणं / अतिचिरसंवासेणं सिणेहमादीहिं दोसेहिं // 2479 // एसो उ कालकप्पो एवं वक्खाणिओ समासणं / अहुणा हु उवहिकप्पं गुरूवदेसेण वोच्छामि 2480 उपगिण्हति उवकारं करेति उवहीयतेण उवही तु। किं कारणंतु उवही उद्दिसिओ भएणती सुणसु 2481 जीवाणऽणुग्गहट्ठा एवं खलु वण्णितो इहं तित्थे। कातूणऽणुग्गहपदं पडिणीयपदे अभावो तु // 2482 // रसयादणुकंपट्टा अगणीमादीण चेव रक्खट्ठा / असहूणऽणुकंपट्टा य उवहीगहणं जिणा बेंति // आह जहणुग्गहट्ठा वत्थादीगहण देसियं समये। तो असहूणं कम्हा थीपरिभोगोणऽणुण्णाओ 2483 भन्नति पवित्ति कम्हिऽवि कम्हिवि पुण होति अपवित्ती उ। संजमपडिणीयत्ता मेहुणमादीण णाऽणुण्णा // 2484 // नाणचरणठिताणं उवग्गहं कुणति णाणचरणाणं / आहार उवहिसेन्जा तेण उ उवाहित्तणं बेति // 2485 // जस्स पुणोवहिगहिता उवघायकरीतु तस्स उबघातो। कह उवघाय करेती अतिरित्त गहो य मुच्छा य 2486
