________________ [184] पञ्चकल्प-भाष्ये णामणि थंभणि लेसणि वेताली चेव अद्भवेताली। आदाणपाडणेसु य अण्णेसु य एवमादीसु // 1650 // तसएगिदियमुच्छण संसेइममच्छमरणमहिओगे। रोद्दाऽऽहव्वणनह बंभदंडथंभे य अगणिस्स 1651 णामणि रुक्खफलाई पडिमाणं देउलाण थूभादी। धभणि पदमवि ण चलति लेसणि लेसति अंगाई // विणिहिट्ठाण य आणणि अहव णिलुक्कावणम्मि वेताली। उट्ठविऊण णिवातोतक्खण एसऽद्धवेताली॥ गम्भाणं आदाणं करेति तह साडणं च गम्भाणं / अभिजोग वसीकरणे विज्जाजोगादिहिं कुणति // विच्छिगमच्छिगभमरे मंडुक्के मच्छए तहा पक्खी / सम्मुच्छावेमादी जो जोणीपाहुडेणं च // 1655 // पसु उद्दविडं जागं आहव्वण मंत रोदकम्मे य / कोहादि बंभदंडो थंभणि अगणिस्स मंनेणं // 1656 // एमादि अकरणिज्जं णिकारणे जो करेति तू भिक्खू / सव्वो सो उक्कप्पो एत्तोऽकप्पं तु वोच्छामि // 1957 // णिकिव णिरणुकंपो पुप्फफलाणं च साडणं कुणनि / जं चण्ण एवमादी सव्वं तं जाणसु अकप्पं :1658 //
