________________ [182] पञ्चकल्प-भाष्ये उत्तर उत्तरिएहिं व चारित्तगुणेहिं कह णु विहरेज्जा। एसो उ चरित्तम्मी संकप्पो सस्थगो भणिओ। दा०॥ सद्दादिइंदियत्थाण पत्थणा तह य रागगमणं तु / कोहादिकसायाण य अज्झप्पं होति अपसत्थं 1633 एसो खलु संक्रप्पो एत्तो वोच्छामहं तु उवकप्पं / उवकप्पती करति उवणेइ व होंति एगट्ठा // 1634 // भत्तेण व पाणेण व उवकरणेण व उवग्गहं कुणति / उवकप्पति गुणधारी उवकप्पं तं वियाणाहि 1635 // खुहिओ पिवासिओ वा सीतभिभूतो व ण तरती पढिउं। तस्स करेति उवग्गह पडंत कुड्डुस्स वा थूणा // जो उप्पाए समाहिं चउव्विहं णाणदंसणे धरणे / तत्तो य तवसमाहि तस्स खमे णिज्जरा होइ 1637 भत्तेणं व पाणेणं व उवकरणेण उवग्गहियदेहो / जो कुणति सि समाहिं तस्सावरणं हणति दाता // भत्तस्स व पाणस्त व उवकरणस्स व उवग्गहकरस्स। जो कुणति अंतरायं तस्सावरणं पवड्ढेति // 1639 // एसुवकप्पो भणितो एत्तो वोच्छं अहं तु अणुकप्पं / अणुसद्दो तू तहियं पच्छाभावे मुणेयव्वो // 1640 //
