________________ वाचनाविधिः जं अण्णाणी कम्म खवेति बहुयाहिं वासकोडीहिं / तं णाणी तिहिं गुत्तो खवेइ उस्सासमेत्तेणं // 1213 // बारसविहम्मि वि तवे सम्भितरबाहिरे कुसलदिठे। णवि अत्थि णवि य होही सज्झायसमं तवोकम्मं / / दारं // 1214 // मुयणाणुवदेसेणं बाएंतेणं व गेण्हगेणं च / सुतपूजा होति कया तं च जितं होति वायंते 1215 सुतपूजाए य पुणो सुतोवएसेण य वट्टमाणणं / वाएंतमहिज्जंते आणा उ कया जिणिंदाणं / दारं // सुयणाणुवदेसेणं वायंतो गेण्हतो य पंतेहिं / ण चइज्जती छलेउं वंतरमादीहिं देवेहिं / दारं / वायणगुणा तु एते समासतो वण्णिता मए कमसो / वायणविहिं तु एत्ता वोच्छामि अहाणुपुवीए // 1218 अत्ताण परिस पुरिसं हितऽणिस्सिय परिजितं जितं काले / दिद्रुत्थं फुडवंजण णिव्वावण णिव्वहणसुद्धं // तवुसी गंधियपुत्तो रण्णो रयणघरिए दओभासे / देवीआभरणविही दिट्ठता होंति आयरिए // 1220 //
