________________ [124] पञ्चकल्प-भाष्ये कह दातु पुणो मग्गति जम्हा सो अप्पभू तु णाणस्स। तम्हा तस्सायरिओ मग्गति सेज्झंतियादी वा 1114 अहवा जाहे सयं चिय सो सेहो जाओ होति गीयत्यो। तोजाणति आभव्वो अयं पुव्विल्लयाणं तु / दा 1115 उडुवासवुड्ढवासे एसो भणितो तु कालकप्पविही / परियायकालकप्पं एत्तो वोच्छं समासेणं // 1116 // कोराइणितो होती? कों वावी होति ओमराइणिओ?। भण्णति सुणसु विसेसं रायणिय ओमराईणं // 1117 // संजमसेढीअंतो जो उ ठितो सो भवे हु रायणिओ। जो बाहिं सो ओमो एवं अतिसेसिता जाणे // 1118 // तम्हा छउमत्थाणं जो पुत्वं ठावितो वएसुं तु / सो होति रायणिओ जो पच्छा सो भवे ओमो 1119 सामइयसंजयाणवि सामाइयं जस्स पुव्वमुच्चरियं / सो होती रायणिओ इतरो ओमो मुणेयव्यो / परियागकप्पत्ति गतं // 1120 // अठुस्सास जहन्नो काउस्सग्गो उ होति बोधव्वा / अट्ठसहस्सुकोसो अहवा संवच्छरं वावि। दा // 1121 // पडिकमणं देसिय राइय पक्खिय चउमासि तय वरिसे य। एतेसिं वक्खाणं पुव्वं आवस्सए भणितं / /
