________________ माहणीए जालंधरसगुत्ताए कुच्छीओ खत्तिअकुंडग्गामे नयरे नायाणं / खत्तिआणं सिद्धत्थस्स खत्तिअस्स कासवगुत्तस्स भारिआए तिसलाए। खत्तिआणीए वासिट्ठसगुत्ताए पुव्वरत्ता-वरत्त-कालसमयंसि हत्थुत्तराहिं नक्खत्तेणं जोग-मुवागएणं अव्वाबाहं अव्वाबाहेणं दिव्वेणं पहावेणं कुच्छिसि गब्भत्ताए साहरिए॥सू.२९॥ ते णं काले णं ते णं समएणं / समणे भगवं महावीरे तिन्नाणोवगए आवि होत्था, साहारीजस्सामि त्ति जाणइ, साहरिज्जमाणे नो जाणइ, साहरिएमि त्ति जाणइ ॥सू.३०॥
