________________ 16] [ श्रीमदागमसुधासिन्धुः / अष्टमी विमाना यपडउत्तरिज्जे मुद्दियापिंगुलंगुलिए नाणामणिकणगरयण-विमलमहरिह-निउणोविय-मिसिमिसिंत-विरइय-सुसिलिट्ठ-विसिट्ठ-लट्ठ-श्राविद्धवीर-वलए, किं बहुणा ?, कप्परुक्खए चेव प्रलंकियविभूसिए सुइपयए भवित्ता अम्मापियरो अभिवादइजा, तए णं तं पुरिसं अम्मापियरो एवं वइजा-जीव पुत्ता ! वाससयंति, तंपि पाउं तस्स नो बहुयं भवइ, कम्हा ?, वाससयं जीवंतो वीसं जुगाई जीवइ, वीसं जुगाई जीवंतो दो अयणसयाई जीवइ, दो अयणसयाई जीवंतो छ उऊसयाई जीवइ, छ उऊसयाइं जीवंतो वारस माससयाई जीवइ, बारस माससयाई जीवंतो चउवीसं पक्खसयाई जीवइ, चउवीसं पक्खसयाई जीवंतो छत्तीसं राइंदिग्रसहस्साइं जीवइ, छत्तीसं राइंदियसहस्साई जीवंतो दस असीयाई मुहुत्तसयसहस्साई जीवइ, दससीआई मुहुत्तसयसहस्साई जीवंतो चत्तारि ऊसासकोडिसए सत्त य कोडीयो अडयालीसं च सयसहस्साई चत्तालीसं च ऊसाससहस्साई जीवइ, चत्तारि य ऊसासकोडिसए जाव चत्तालीसं च ऊसाससहस्साई जीवंतो अद्ध तेवीसं तंदुलवाहे भुजइ, कहमाउसो ! श्रद्धतेवीसं तंदुलवाह भुजइ ?, गोयमा ! दुब्बलाए खंडियाणं बलियाए छडि. याणं खइरमुसलपच्चाहयाणं ववगयतुसकणियाणं अखंडाणं अफुडियाणं फलगसरियाणं इक्विकबीयाणं श्रद्धत्तेरसपलियाणं पत्थए, सेऽविय णं पत्थए मागहए, कल्लं पत्थे 1 सायं पत्थो 2, चउसट्ठिसाहस्सीयो मागहयो पत्थो, बिसाहस्सिएणं कवलेणं बत्तीस कवला पुरिसस्स थाहारो, अट्ठावीसं इत्थियाए, चउवीसं पंडगस्त, एवामेव अाउसो ! एयाए गणणाए दो असईयो पसई, दो पसईयो य सेइया होइ, चत्तारि सेइया कुलश्रो, चत्तारि कुलया पत्थो, चत्तारि पत्थगा श्रादगं, सट्ठिए बाढगाणं जहन्नए कुंभे, असीईए श्रादयाणं मज्झिमे कुंभे, श्रादगसयं उक्कोसए कुभे, अट्ठव य श्राढगसयाणि वाहे, एएणं वाहप्पमाणेणं अद्धत्तेवीसं तंदुलवाहे भुजइ / / सू० 15 // ते य गणियनिहिट्टा-चत्तारि य कोडिसया सद्धिं चेव य हवंति कोडीयो।
