________________
चन्द्रप्रज्ञप्ति सूत्र कुलं जोएमाणे अस्सिणी णक्खत्ते जोएइ, उवकुलं जोएमाणे रेवई णक्खत्ते जोएइ, आसोई णं पुण्णिमं कुलं वा जोएइ उवकुलं वा जोएइ, कुलेण वा जुत्ता उवकुलेण वा जुत्ता अस्सोई णं पुण्णिमा जुत्ताति वत्तव्वं सिया, एवं णेयव्वाउ, पोसं पुणिमं जेट्ठामूलं पुण्णिमं च कुलोवकुलंपि जोएइ, अवसेसासु णत्थिं कुलोवकुलं जाव आसाढी पुण्णिमा जुत्ताति वत्तव्वं सिया । ता साविट्टिणं अमावासं कई णक्खत्ता जोएंति ? ता दुण्णि णक्खत्ता जोएंति, तंजहा-अस्सेसा य महा य, एवं एएणं अभिलावणं णेयव्वं, पोट्ठवयं दो णक्खत्ता जोएंति, तंजहा-पुन्वाफग्गुणी उत्तराफग्गुणी, अस्सोई दो० हत्थो चित्ता य कत्तियं० साई विसाहा य, मग्गसिरं० अणुराहा जेट्टा मूलो, पोसिं० पुव्वासादा उत्तरासादा, माहि० अभीई सघणो धणिट्ठा, फगुणिं० सयभिसया पुव्वापोडक्या उत्तरापोट्टवया, चेति रेवई अस्सिणी य, विसाहि० भरणी कत्तिया य, जेट्ठामूलं० रोहिणी मिगसिरे च ता आसाढिं णं अमावासिं कइ गवखत्ता जोएंति ? ता तिण्णि णक्खत्ता जीएंति, तं०-अद्दा पुणव्वसू पुस्सो, ता साविहिँ णं अमावासं किं कुलं जोएइ उवकुलं बोएइ कुलोवकुलं जोएइ १ ता कुलं वा चोएइ उपकुलं वा जोएइ णो लभइ कुलोवकुलं, कुलं जोएमाणे महा णक्खत्ते जोएइ, उवकुलं जोएमाणे असिलेसा० जोएइ, कुलेण वा जुत्ता उवकुलेण वा जुत्ता साविट्ठी अमावासा जुत्ताति वत्तव्वं सिया, एवं णेयव्वं, णवरं मग्गसिराए माहीए फग्गुणीए आसाढीए य अमागसाए कुलोवकुलंपि जोएइ, सेसेसु णत्थि जाव आसाढी अमावासा जुत्ताति वत्तव्वं सिया ॥३७॥ दसमस्स पाहुडस्स छठे पाहुड. पाहुडं समत्तं ॥१०-६।।
ता कहं ते सण्णिवाए आहिएति वएजा ? ता जया णं साविट्ठी पुण्णिमा भवइ तया णं माही अमावासा भवइ, जया णं माही पुण्णिमा भवइ तया णं साविट्ठी अमावासा भवइ, जया णं पुट्ठवई पुण्णिमा भवइ तया णं फगुणी अमावासा भवइ, जया णं फरगुणी पुण्णिमा भवइ तया णं पुट्ठवई अमावासा भवइ, जया णं आसोई पुण्णिमा भवइ तया णं चेत्ती अमावासा भवइ, जया णं चेत्ती पुण्णिमा भवइ तयाणं आसोई अमावासा भवइ, जया णं कत्तिई पुण्णिमा भवइ तयाणं वेसाही अमावासा भबइ, जया णं वेसाही पुण्णिमा भवइ तया णं कत्तिया अमावासा भवह, जया णं मांगसिरी पुण्णिमा भवह तया णं जेट्टामूली अमावासा भवइ, जया णं जेट्ठामूली पुणिमा भवइ तया णं मग्गसिरी अमावासा भवइ, जया णं पोसी पुण्णिमा भवइ
www.jainelibrary.org
For Personal & Private Use Only
Jain Education International
