________________
चन्द्रप्रज्ञप्ति सूत्र बाहिरं उत्तरं अद्धमंडलसंठिई उवसंकमित्ता चारं चरइ तया णं उत्तमकट्टपत्ता उक्को- .. सिया अट्ठारसमुहत्ता राई भवइ, जहण्णए दुवालसमुहुत्ते दिवसे भवइ । एस णं पढमे छम्मासे, एस णं पढमछम्मासस्स पजवसाणे, से पविसमाणे सूरिए दोच्चं . छम्मासं अयमाणे पढमंसि अहोरतसि उत्तराए अंतरभागाए तस्साइपएसाए बाहिराणंतरं दाहिणं अद्धमंडलसंठिइं उवसंकमित्ता चारं चरह, ता जया णं सूरिए बाहिराणंतरं दाहिणअद्धमंडलसंठिई उवसंकमित्ता चारं चरइ तया णं अट्ठारसमुहुत्ता राई भवइ दोहिं एगट्ठिभागमुहुत्तेहिं ऊणा, दुवालसमुहत्ते दिवसे भवइ दोहिं एगट्ठिभागमुहुत्तेहिं अहिए, से पविसमाणे सूरिए दोच्चंसि अहोरसि दाहिणाए अंतराए भागाए तस्साइपएसाए बाहिरंतरं तच्चं उत्तरं अद्धमंडलसंठिई उवसंकमित्ता चारं चरइ, ता जया सूरिए बाहिरं तच्चं उत्तरं अद्धमंडलसंठिई उवसंकमित्ता चारं चरइ तया णं अट्ठारसमुहुत्ता राई भवइ चउहिं एगट्ठिभागमुहुत्तेहिं अहिया, एवं खलु एएणं उवाएणं पविसमाणे सूरिए तयाणंतराओ तयाणंतरं०तंसि २ देसंसि तं तं अद्धमंडलसंठिई संकममाणे २ उत्तराए अंतराभागाए तस्साइपएसाए सव्वभतरं दाहिणं अद्धमंडलसठिई उवसंकमित्ता चारं चरह, ता जया णं सूरिए सबमतरं दाहिणं अद्धमंडलसंठिई उवसंकमित्ता चारं चरइ तया णं उत्तमकट्ठपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राई भवइ, एस णं दोच्चे छम्मासे, एस णं दोबस्स छम्मासस्स पजवसाणे, एस णं आइच्चे संवच्छरे, एस.णं आइञ्चसंवच्छरस्स पजवसाणे ॥ १० ॥ ता कहं ते उत्तरा अद्धमंडलसंठिइं आहिताति वएजा. १ ता अयं णं जंबूदीवे दीवे सव्वदीव जाव परिक्खेवेणं, ता जया णं सूरिए सव्व तरं उत्तरं अद्धमंडलसंठिई उक्संकमित्ता चारं चरइ तया णं उत्तमकट्टपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राई भवइ, जहा दाहिणा तहा चेव णवरं उत्तरहिओ अभितराणंतरं दाहिणं उवसंकमइ, दाहिणाओ अभितरं तच्चं उत्तरं उवसंकमद, एवं खलु एएणं उवाएणं जाव सव्वबाहिर दाहिणं उवसंकमइ सव्वबाहिरं दाहिणं उवसंकमित्ता दाहिणाओ बाहिराणंतरं उत्तरं उवसंकमइ, उत्तराओ बाहिरं तच्चं दाहिणं तच्चाओ दाहिणाओ संकममाणे २ जाव सव्वभंतरं उवसंकमइ, तहेव । एस णं दोच्चे छम्मासे, एस णं दोच्चस्स छम्मासस्स पजवसाणे, एस णं आइच्चे संवच्छरे, एस णं आइश्चस्स संवच्छरस्स पजवसाणे, गाहाओ ॥११॥ पढमस्स पाहुडस्स बीयं पाहुड. पाहु समत्तं ॥१.२॥ . . .. .
Jain Education International
For Personal & Private Use Only
www.jainelibrary.org
