Page Text
________________
चन्द्रप्रज्ञप्ति सूत्र दुवालसमुहुचा राई भवइ, से णिक्खममाणे सूरिए णवं संवच्छरं अयमाणे पदमंसि -अहोरत्तसि अमितराणंतरं मंडलं उवसंकमित्ता चारं चरह, ता नया णं सूरिए
अमितराणंतरं मंडलं उवसंकमित्ता चारं चरइ तया णं अट्ठारसमुहुत्ते दिवसे भवद .. दोहिं एगट्ठिभागमुहुत्तेहिं ऊणे, दुवालसमुहुत्ता राई भवइ दोहिं एगट्ठिभागमुहुत्तेहिं अहिया, से णिक्खममाणे सूरिए दोच्चंसि अहोरत्तंसि आभितरं तच्चं मंडलं उवसंकमित्ता चारं चरइ, ता जया णं सूरिए आभितरं तच्चं मंडलं उवसंकमित्ता चारं चरइ तया णं अट्ठारसमुहुत्ते दिवसे भवइ चउहिं एगट्ठिभागमुहुत्तेहिं ऊणे, दुवालसमुहुत्ता राई भवइ चउहिं एगट्ठिभागमुहुत्तेहिं अहिया, एवं खलु एएणं उवाएणं णिक्खमाणे सूरिए तयाणंतराओ तयाणंतरं मंडलाओ मंडलं संकममाणे २ दो २ एगट्ठिभागमुहत्ते एगमेगे मंडले दिवसखेत्तस्स णिवुहेमाणे २. रयणिक्खेत्तस्स अभिबुद्देमाणे २ सव्वबाहिरमंडलं उवसंकमित्ता चारं जरइ, ता जयाणं सूरिए सव्वभंतराओ मंडलाओ सव्वबाहिरं मंडलं उवसंकमित्ता चारं चरइ तया णं सव्वव्भंतरमंडलं पणिहाय एगेणं तेसीएणं राइंदियसएणं तिणिछावट्ठएगट्ठिभागमुहुत्ते सए 'दिवसखेत्तस्स णिवुट्टित्ता रयणिक्खेत्तस्स अभिवुट्टित्ता चारं चरइ, तया णं उत्तमकढपत्ता उक्कोसिया अट्ठारसमुहुत्ता राई भवइ, जहण्णए बारसमुहुत्ते दिवसे भवइ, एस गं पढमे छम्मासे, एस णं पढमस्स छम्मासस्स पजवसाणे। से पविसमाणे सूरिए दोच्चं छम्मासं अयमाणे पढमंसि अहोरत्तंसि बाहिरागंतरं मंडलं उवसंकमित्ता चारं.चरइ, ता जया णं सूरिए बाहिराणतरं मंडलं उवसंकमित्ता चारं चरइ तया णं अट्ठारसमुहत्ता राई भवह दोहिं एगट्ठिभागमुहुत्तेहिं ऊणा, दुवालसमुहुत्ते दिवसे भवइ दोहिं एगट्ठिभागमुहुत्तेहिं अहिए, से पविसमाणे सूरिए दोच्चसि अहोरसि बाहिरं तच्च मंडलं उवसंकमित्ता चारं चरइ, ता जया णं सूरिए बाहिरं तच्चं मंडलं उवसंकमित्ता चारं चरइ तया णं अट्ठारसमुहुत्ता राई भवइ चउहि एगट्ठिभागमुहुत्तेहिं ऊणा, दुवालसमुहुत्ते दिवसे भवइ चउहिं एगट्ठिभागमुहुत्तेहिं अहिए । एवं खलु एएणुवाएणं पविसमाणे सूरिए तयाणंतरओ तयाणंतरं मंडलाओ मंडलं संकममाणे २ दो दो एगट्ठिभागमुहत्ते एगमेगे मंडले रयणिखेत्तस्स णिबुट्टेमाणे २ दिवसखेत्तस्स अमिवढेमाणे २ सव्वळतरं मंडलं उवसंकमित्ता चारं चरइ, ता जया णं सूरिए सव्वबाहिराओ मंडलाओ सव्वमंतर मंडलं उपसंकमित्ता चारं चरइ तया ण सव्वबाहिरं मंडलं पणिहाय एगेण तेसीएणं राइंदियसएणं तिण्णिछावढे एगट्ठिभागमुहुत्तसए रयणिखेत्तस्स णिवुट्टित्ता दिवसखेत्तस्स अमिवहित्ता चारं चरइ, तया णं उत्तमकट्टपत्ते उक्कोसए अट्ठारसमुहत्ते
Jain Education International
For Personal & Private Use Only
www.jainelibrary.org
| SR No. | 004193 |
| Book Title | Chandra Pragnapti Surya Pragnapti Sutra |
| Original Sutra Author | N/A |
| Author | Nemichand Banthiya, Parasmal Chandaliya |
| Publisher | Akhil Bharatiya Sudharm Jain Sanskruti Rakshak Sangh |
| Publication Year | 2007 |
| Total Pages | 98 |
| Language | Hindi, Sanskrit |
| Classification | Book_Devnagari & agam_chandrapragnapti |
| File Size | 15 MB |