Page Text
________________
६१२
पउमचरियं नूणं चिय अन्नभवे, पावं समुवज्जियं विदेहाए । तेणेत्थ माणुसत्ते, अणुहूयं दारुणं दुक्खं ॥५१॥ परतत्तिरयस्स इहं, जणस्स अलियं पभासमाणस्स |वासीफलं व जीहा, कह व न पडिया धरणिवढे ? ॥५२॥ सुणिऊण वयणमेयं, अणङ्गलवणो मुणिं भणइ एत्तो । साहे हि इहन्ताओ, केदूरे कोसला नयरी ? ॥५३॥ सो भणइ जोयणाणं, सयं ससद्धं इमाउ ठाणाओ। साएया वरनयरी, जत्थ य परिवसइ पउमाभो ॥५४॥ सुणिऊण वयणमेयं, भणइ लवो वज्जजङ्घनरवसभं । मामय मेलेहि भडा, सएयं जेण वच्चामो ॥५५॥ एयन्तरम्मि पिहुणा, दिन्ना मयणङ्कसस्स निययसुया । वत्तं पाणिग्गहणं, तत्थ कुमारस्स तद्दियहं ॥५६॥ गमिऊण एगरत्ति, तत्तो वि विणिग्गया कुमारवरा । परदेसे य जिणन्ता, पत्ता आलोगनयरं ते ॥५७॥ तत्तो वि य निग्गन्तुं, अब्भण्णपुरं गया सह बलेणं । तत्थ वि कुबेरकन्तं, जिणन्ति समरे नरवरिन्दं ॥५८॥ गन्तूण य लम्पागं, देसं बहुगाम-नगरपरिपुण्णं । तत्थ वि य एगकण्णं, नराहिवं निज्जिणन्ति रणे ॥५९॥ तं पि य अइक्कमेउं, पत्ता विजयथलि महानयरिं । तत्थ वि जिणन्ति वीरा, भाइसमं नरवरिन्दाणं ॥६०॥ गङ्गं समुत्तरेउं, कइलासस्सुत्तरं दिसं पत्ता । जाया य सामिसाला, लव-ऽङ्कसा णेयदेसाणं ॥६१॥
झस-कंबु-कुंत-सीहल-पण-णंदण-सलहलंगला भीमा।
भूया य वामणा वि य, जिया य बहुवाइया देसा ॥६२॥ उत्तरिऊण य सिन्धुं, अवरेण जिणन्ति ते बहू देसा । आरिय-अणारिया वि य, इमेहि नामेहि नायव्वा ॥६३॥
नूनमेवान्यभवे पापं समुपार्जितं विदेह्या । तेनात्र मनुष्यत्वे अनुभूतं दारुणं दुःखम् ॥५१॥ परचिंतारतस्येह जनस्यालिकं प्रभाषमाणस्य । वासीफलमिव जिव्हा कथं न पतिता धरणिपृष्टे ? ॥५२॥ श्रुत्वा वनचमेतदनङ्गलवणो मुनि भणतीतः । कथयात्रान्तात् के दूरे कोशला नगरी ? ॥५३॥ स भणति योजनानां शतं ससार्द्धमस्मात्स्थानात् । साकेतावनरनगरी यत्र च परिवसति पद्माभः ॥५४॥ श्रुत्वा वचनमेतद्भणति लवो वज्रजयनरवृषभम् । माम ! मेलय भटान् साकेतं येन गच्छामः ॥५५।। एतदन्तरे पृथुना दत्ता मदनाङ्कुशस्य निजसुता । वृत्तं पाणिग्रहणं तत्र कुमारस्य तद्दिवसम् ॥५६॥ गमयित्वैकरात्रिं ततोऽपि विनर्गतौ कुमारवरौ । परदेशांश्च जयन्तौ प्राप्तावालोकनगरं तौ ॥५७॥ ततोऽपि निर्गत्याभ्यर्णपुरं गतौ सह बलेन । तत्रापि कुबेरकान्तं जयतः समरे नरवरेन्द्रम् ॥५८॥ गत्वा च लम्पाकं देशं बहुग्राम-नगरपरिपूर्णम् । तत्रापि चैककर्णं नराधिपं निर्जयन्ति रणे ॥५९॥ तमपि चाक्राम्य प्राप्तौ विजयस्थलिं महानगरम् । तत्रापि जयन्तौ वीरौ भ्रातृसमं नरवरेन्द्राणाम् ॥६०॥ गगां समुत्तीर्य कैलासस्योत्तरां दिशां प्राप्तौ । जातौ च स्वामिनौ लवणाङ्कुशावनेकदेशानाम् ॥६१॥ झस-कंबु-कुंत-सिंहल-पण-नंदन-शलभ लाङ्गला भीमाः । भूताश्च वामना अपि च जिताश्च बहुवादिका देशाः ॥६२॥ उत्तीर्य च सिन्धुमपरेण जयतस्तौ बहू देशान् । आर्याऽनार्यानपि चेमै मिभि तिव्याः ॥६३॥
१. मेलेह-प्रत्य० । २. नरेंदवरं-प्रत्य० । ३. ०हमंगला-मु० । ४. वाहणा-प्रत्यः ।
Jain Education Interational
For Personal & Private Use Only
wwwjainelibrary.org
| SR No. | 004027 |
| Book Title | Paumchariyam Part 04 |
| Original Sutra Author | N/A |
| Author | Parshvaratnavijay |
| Publisher | Omkarsuri Aradhana Bhavan |
| Publication Year | 2012 |
| Total Pages | 166 |
| Language | Hindi, Sanskrit |
| Classification | Book_Devnagari |
| File Size | 20 MB |