________________
सिद्धं सिद्धत्थाणं 1 ठाणमणोवमसुहं उवगयाणं । कुसमयविसासणं सासणं जिणाणं भवजिणाणं ॥१॥ समयपरमत्थवित्थरविहाडजणपज्जुवासणसयण्णो । आगममलारहियओ जह होइ 3 तमत्थमुण्णेसु ॥२॥ तित्थयरवयणसंगहविसेसपत्थारमूलवागरणी । दवट्टिओ य पज्जवणओ य सेसा वियप्पा सिं ॥ ३ ॥ दव्वट्ठियणयपयडी सुद्धा संगहपरूवणाविसओ। पडिरूवे पुण वयणत्थणिच्छओ तस्स 4 ववहारो ॥४॥ मूलणिमेणं पज्जवणयस्स उज्जुसुयवयणविच्छेदो । तस्स उ सद्दाईआ साहपसाहा सुहमभेया ॥५॥ णामं ठवणा दविए त्ति एस 6 दव्वढियस्स णिक्खेवो । भावो उ पज्जवट्ठियस्स परूवणा? एस परमत्थो ॥६॥ पज्जवणिस्सामण्णं 8 वयणं दवट्टियस्स अत्थि त्ति । अवसेसो वयणविही पज्जवभयणा सपडिवक्खो ॥ ७॥ पज्जवणयवोक्कतं वत्थु दव्वट्ठियस्स वयणिज्ज। जाव दविओवओगो अपच्छिमवियप्पणिव्वयणो ॥ ८॥ दवदिओ ति तम्हा णत्थि णओ णियमसुद्धजाईओ। ण य पज्जवढिओ णाम कोइ भयणाय उ विसेसो ॥९॥ दव्वट्ठियवत्तव्वं अवत्थु णियमेण पज्जवणयस्स। तह पज्जववत्थु अवत्थुमेव दवट्ठियणयस्स ॥१०॥ उप्पज्जति वियंति 10 य भावा णियमेण पज्जवणयस्स ।
दवट्ठियस्स सव्वं सया अणुप्पण्णमविणटुं ॥११॥ 1) B सिद्धट्टाणं. 2) A सयन्नो, B सयण्हो. 3) B होति. 4) B सेस for तस्स. 5) B विख्खेवो. 6) B तिएसु. 7) B पज्जवट्टिअपरूवणा. 8) B पज्जवनीसामन्नं. 9) B होइ पज्जाए for पज्जवणयस्स. 10) B वयंति.
Jain Education International
For Personal & Private Use Only
www.jainelibrary.org
