Page Text
________________
दारए वेदणाभिभूए समाणे महता २ सदेणं आरसति, तते णं सेणिए राया तस्स दारगस्स आरसितसई सोचा निसम्म जेणेव से दारए तेणेव उपा० तातं दारगं करतलपुडेणं गिण्हइ नातं अागुलियं आसयंसि पक्विवति त्ता पूर्व च सोणियं च आसएर्ण आमुसति, तते णं से दारए निथुए निवेदणे तुसिणीए संचिट्ठइ, जाहेत्रिय णं से दारए वेदणाए अभिभूते समाणे महता २ सद्देणं आरसति वाहेविय णं सेणिए राया जेणेव से दारए तेणेच उचात्तात दारगं करतलपुडेणं गिष्हति तं व जाच निवेयणे तुसिणीए सचिट्ठइ, ते णे तस्स दारगस्स अम्मापियरो ततिए दिवसे चंदसूरदंसणिय करति जाव संपत्ते वारसाहे दिवसे अयमेयारूवं गुणं गुणनिष्फन्नं नामधिज करेंति-जहाणं अम्हं इमस्स दारगस्स एगते उकुरुडियाए उजिमजमाणस्स अगंगुलिया कुकुडपिच्छएणं दूमिया त होउ अम्हं इमस्स दारगस्स नामघेज कूणिए, तते णं तस्स दारगस्स अम्मापियरो नामधिज करेंति-कूणियत्ति २, तते णं तस्स कूणियस्स आणुपुत्रवेणं ठितिवडियं च जहा मेहस्स जाव उप्पि पासायवरगए विहरति, अट्टओ दाओ।१३। तते णं तस्स कूणियस्स कुमारस्स अन्नदा पुश्वरत्ता जाप समुप्पजिस्था-एवं खलु अहं सेणियस्स रन्नो वाघाएणं नो संचाएमि सयमेव रजसिर करेमाणे पालेमाणे विहरित्तए त सेयं खलु मम सेणियं रायं नियलबंधणं करेत्ता अप्पाणं महता २ रायाभिसेएणं अभिसिंचावित्तएत्तिकद एवं संपेहेति त्ता सेणियस्स रन्नो अंतराणि य छिड्डाणि य विवराणि य पडिजागरमाणे विहरति, तते णं से कृणिए कुमारे सेणियस्स रन्नो अंतरं वा जाव मर्म वा अलभमाणे अन्नदा कयाई कालादीए दस कुमारे नियघरे सदावेति त्ता एवं वदासी-एवं खलु देवाणुप्पिया! अम्हे सेणियस्स रन्नो वाघाएणं नो संचाएमो सयमेव रज्जसिरिं करेमाणा पालेमाणा विहरित्तए त सेयं खलु देवाणुप्पिया ! अम्हं सेणियं रायं नियलबंधर्ण करेत्ता रज चर8 च चलं च वाहणं च कोसं च कोट्ठागारं च जणवयं च एकारसभाए चिरिचित्ता सयमेव रजसिरिं करेमाणाणं पालेमाणाणं जाव चिहरित्तए, तते णं ते कालादीया दस कुमारा कृणियस्स कुमारस्स एवमर्ल्ड विणएणं पडिसुणेति, तते णं से कृणिए कुमारे अन्नदा कदाई सेणियस्स रन्नो अंतरं जाणति त्ता सेणियं रायं नियलधणं करेति ता अप्पाणं महता २ रायाभिसेएणं अभिसिंचावेति, तते णं से कृणिए कुमारे राजा जाते महता, तते णं से कृणिए राया अन्नदा कदाई हाए जाव सवालंकारविभूसिए चोषणाए देवीए पायदए हक्मागच्छति। १४ । तते णं से कृणिए राया चेणं देवि ओहय जाब झियायमाणिं पासति त्ता चेलणाए देवीए पायग्गहणं करेति त्ता चेलणं देवि एवं वदासी-किं णं अम्मो ! तुम्हं न तुट्ठी वान ऊसए(व) वान हरिसे या नाणदे वा? जंणं अहं सयमेव रजसिरिं जाव विहरामि, तते णं सा बोलणा देवी कृणिय रायं एवं क्यासी-कहणं पुत्ता ! ममं तुट्ठी वा उस्सए वा हरिसे वा आणंदे वा भविस्सति ? ज णं तुम सेणियं रायं पियं देवयं गुरुं जणगं अर्थतनेहाणुरागरतं नियलपंधर्ण करित्ता अप्पाणं महता २रायाभिसेएणं अभिसिंचावेसि, सतेणं से कृणिए राया चित्रणं देषि एवं वदासी-पातेउकामेणं अम्मो ! ममं सेणिए राया, एवं मारेतुबंधितुं णिच्छुभिउकामए णं अम्मो ! मर्म सेणिए राया, तं कन्नं अम्मो! ममं सेणिए राया अर्थतनेहाणुरागरते?, तते णं सा चेलणा देवी कृणियं कुमार एवं वदासी-एवं खलु पुत्ता! तुर्मसि ममं गम्मे आहूते समाणे तिण्हं मासाणं बहुपडिपुत्राणं ममं अयमेयारूचे दोहले पाउम्भूते.
वसेस माणिया जाव जाहावय णं तुम बयणाएभिभूत महता जाव तुसिणीए सचिट्ठसि, एव खलु तव पुत्ता : साणएराया अबतनहाणुरागरत, तते ण सकृणिए राया चोरणाए देवीए अंतिए एयम१ सोचा निसम्म चिालणं देषि एवं वदासी-बुट्ठणे अम्मो ! मए कयं सेणियं रायं पियं देवयं गुरुं जणगं अर्थतनेहाणुरागरत्तं नियलबंधणं करतेणे, तं गच्छामि णे सेणियस्स रन्नो सयमेव नियलाणि छिंदामित्तिकटु परमुहत्यगते जेणेव चारगसाला तेणेव पहारिस्थ गमणाए, तते णं सेणिए राया कूणियं कुमारं परसुहत्थगयं एजमाणं पासति त्ता एवं वयासी-एस णं कृणिए कुमारे अपस्थियपत्थए जाव सिरिहिरिपरिवजिए परसुहत्थगए इह हामागच्छति तं न नजइ णं ममं केणई कुमारेणं मारिस्सतीतिकद भीए जाच संजायभए तालपुडगं विसं आसगंसि परिक्खबह, तते से सेणिए राया तालपुडगविसे आसगंसि पक्खिते समाणे मुहुर्ततरेण परिणममाणसि निप्पाणे निचे? जीवविष्पजढे ओइन्ने, तते णं से कृणिए कुमारे जेणेच चारगसाला तेणेव उवागए, सेणियं रायं निप्पाणं निचेहूँ जीवविप्पजढं ओइन्नं पासति ना महता पितिसोएणं अप्फुण्णे समाणे परसुनियत्तेषित्र चंपगवरपाडवे धसत्ति धरणीतलंसि सवंगेहिं संनिचडिए, तते ण से कूणिए कुमारे मुहुतंतरेणं आसत्ये समाणे रोयमाणे कंदमाणे सोयमाणे विलवमाणे एवं वदासी-अहो णं मए अपनेणं अपुग्नेणं अकयपुत्रेणं दुछ कयं सेणियं रायं पिय देवयं अचंतनेहाणुरागरत्तं नियलबंधर्ण करतणं मम मूलार्ग व णे सेणिए राया कालगतेत्तिकद ईसर जाच संधिवाल सदिसंपरिखुडे रोयमाणे महया इढिसकारसमुदएणं सेणियम्स रन्नो नीहरा किच्चाई करेति, नते णं से कृणिए कुमारे एतेणं महया मणोमाणसिएणं दुक्खेणं अभिभूते समाणे अन्नदा कदाई अंतेउरपरियालसंपरिखुडे सभंडमत्तोक्करणमाताए रायगिहातो पडिनिक्समनि ना जेणेव चंपा नगरी तेणेव उवाग
छइ. तत्थविणं विपुलभोगसमितिसमन्नागए काले णं अप्पसोए जाए याचि होत्था।१५। तते णं से कूणिए राया अन्नया कयाई कालादीए दस कुमारे सदावेति ना रजच जाच जणश्यं च एकारसभाए चिरिचनि ना सयमेव रजसिरिं करेमाणे पालेमाणे विहरति । १६ । तत्थ णं चंपाए नगरीए सेणियस्स रन्नो पुत्ते चेलणाए देवीए अत्तए कृणियस्स रन्नो सहोयरे कणीयसे भाया वेहाडे नाम कुमारे होत्था सोमाले जाव सुरूवे, नने णं नस्स हाउस कुमारम्स सेणिएणं रन्ना जीवंतएणं चेष सेयणए गंधहत्थी अट्ठारसवंके य हारे पुरदिन्ने, तएणं से बेहाले कुमारे सेयणएणं गंधहत्थिणा अंतेउरपरियालसंपरिखुडे चंपं नगरिमझमज्मेणं निग्गयाइना अभिक्सणं २ गंगं महानई मजणय ओयरइ, तते णं से सेयणए गंधहत्थी देवीओ सोंडाए गहाय ताओ उद्घयत्तइ त्ता अप्पेगइयाओ पुढे ठवेति अप्पेगइयाओ संघे ठचेति एवं अप्पे० कुभे ठवेति अप्पे सीसे ठवेनि अपेईनमुसले ठवेनि अप्पे सोडाए गहाय उइदं येहार्स उबिहह अपे० सोडागयाओ अंदोलावेति अपे० देततरेसु नीति अप्पे० सीभरण व्हाणेति अप्प० अणेगाह कीलावहि कीलावति, तते णं चंपाए नयरीए सिंघाडगांत एवमाइक्खा जाच परवेति-एवं खलु देवाणुप्पिया ! वहाले कुमारे सेयणएणं गंधहस्थिणा अंतेउरं ते व जाव णेगेहिं कीलावणएहिं कीलावेति तं एस णं बेहाले कुमारे रजसिरिफलं पमणुष्भत्रमाणे विहरनि, नो कृणिए राया, नने णं तीसे पउमावईए देवीए इमीसे कहाए लबहाए समाणीते अपमेयारूवे जाव समुष्पजित्या-एवं खलु बेहाले कुमारे सेयणएर्ण गंधहत्थिणा जाच अणेगेहि कीलावणएहिं कीलाचेनि नं एस णं बेहाडे कुमारे रजसिरिफल (२२४) ८९६ निरयावल्याधुपांगपंचक-गिराजलवा
मुनि दीपरत्नसागर
2018
| SR No. | 003919 |
| Book Title | Aagam Manjusha 19 Uvangsuttam Mool 08 Nirayaavaliyaam |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 9 |
| Language | Prakrit |
| Classification | Book_Devnagari, Agam, Canon, & agam_nirayavalika |
| File Size | 8 MB |