Page Text
________________
अंचेइ जाव पणामं करेइ त्ता आउहघरसालाओ पडिणिक्खमइ त्ता जेणेव बाहिरिआ उबट्टागसाला जेणेव सीहासणे तेणेव उपागच्छइ त्ता सीहासणवरगए पुरत्याभिमुद्दे सण्णिसीअइ ता अट्ठारस सेणिपसेणीओ सदावेइ ता एवं बयासी खिप्पामेव भो देवाणुप्पि ! उस्सुंकं उक्कर उक्किटं अदिजं अमितं अभडप्पवेसं अदंडकोदंडिमं अधरिमं गणिआवरणाडइज्जकलिमं अणेगतालायराणुचरिअं अणुद्धअमुडंगं अमिलायमइदामं पमुइअपक्कीलिअस - पुरजणजाणवयं विजयवेजयंतचक्करयणस्स अट्टाहियं महामहिमं करेह ता ममेअमाणत्तिअं खिप्पामेव पञ्चप्पिणह, तए णं ताओ अट्ठारस सेणिप्पसेणीओ भरहेणं रत्ना एवं वृत्ताओ समाणीओ हट्टाओ जाय त्रिणएणं पडिमुणति ता मरहस्त रण्णो अंतिआओ पडिणिक्खमेन्ति ता उस्मुक्कं जाव करेंति अ कावंति अ ता जेणेव भरहे राया तेणेव उवागच्छति ता जाव तमाणत्तिअं पचप्पियंति । ४४ । तए णं से दिवे चकरयणे अट्टाहिआए महामहिमाए निवत्ताए समाणीए आउघरसालाओ पडिणिक्खमइ त्ता अंत लिक्ख पडिवण्णे जक्खसहस्ससंपरिवुडे दिवतुडिअसद्दसण्णिणाएवं आपूतं चैव अंचरतलं विणीआए रायहाणीए मज्झमज्झेणं णिमाच्छ ता गंगाए महाणईए दाहिणिलेणं कूलेणं पुरत्थिमं दिसिं मागहतित्याभिमुहं पयाते आचि होत्था, तए णं से भरहे राया तं दिवं चक्करयणं गंगाए महाणईए दाहिणिलेणं कूलेणं पुरस्थिमं दिसिं मागहतित्याभिमुहं पयातं पास ना हतुहियए कोईत्रिअरिसे सहावे त्ता एवं क्यासी- खिप्पामेव भो देवाणुप्पि ! आभिसेकं हत्थिरयणं पडिकप्पे ह्यगयरह्पवर जोहकलिअं चाउरंगिणि सेण्णं सण्णा हेह ता एतमाणत्तिअं पञ्चप्पिण, तए णं ते कोडुंबिज जात्र पञ्चप्पिणंति, तए णं से भरहे राया जेणेव मज्जणघरे तेणेव उवागच्छइ त्ता मज्जणघरं अणुपविसइ त्ता समुत्तजालाउलाभिरामे तत्र जात्र धवलमहामेहणिग्गए इव ससिव पियदंसणे णरवई मज्जणघराओ पडिणिक्खमइ ता हयगयरहपवरवाणभडचडगरपहकरसंकुलाए सेणाए पहिअकित्ती जेणेव बाहिरिआ उबट्टाणसाला जेणेव आभिसेके हत्थिरयणे तेणेत्र उवागच्छइ त्ता अंजणगिरिकडगसण्णिभं गयवरं णरवई दुरूडे, तए णं से भरहाहित्रे णरिंदे हारोत्थयसुकयरइयवच्छे कुंडलउज्जोइ आणणे मउडदित्तसिरए णरसीहे णरवई परिंदे णरवसहे मरुअरायवसभकप्पे अम्महिअरायते अलच्छीए दिप्पमाणे पसत्थमंगलसएहिं संयुवमाणे जयसद्दकयालोए हस्थिखंधवरगए सकोरंटमइदामेण छत्तेण धरिजमाणेणं सेअवरचामराहिं उद्ध्रुवमाणीहिं २ जक्खसहस्ससंपरिबुडे बेसमणे चेव घणवई अमरवइसण्णिभाए इइडीए पहिअकित्ती गंगाए महाणईए दाहिणिणं कूलेणं गामामरणगरखेड कब्बडम डंबदोणमुह पट्टणासमसंवाहसहस्समं - डिजं थिमिअमेडणी वसुहं अभिजिणमाणे २ अम्गाई वराई रयणाई पढिच्छमाणे २ तं दिवं चकरयणं अणुगच्छमाणे २ जोजणंतरिआहिं वसहीहि वसमाणे २ जेणेव मागतित्थे तेणेव उवागच्छइ त्ता मागतित्थस्स अदूरसामंते दुवालसजोयणायामं णवजोअणविच्छिण्णं वरणगरसरिच्छं विजयखंधावारनिवेस करेइ त्ता बढइरयणं सदावेइ त्ता एवं वयासी खिप्पामेव भो देवाणुप्पि ! ममं आवासं पोसहसालं च करेहि ता ममेअमाणत्तिअं पचप्पिणाहि. तए णं से बढइरयणे भरहेणं रण्णा एवं वृत्ते समाणे हतुट्ट जाव वयणं पडिसुणेइ ता भरहस्स रण्णो आवसहं पोसहसालं च करेइ त्ता एअमाणत्तिअं खिप्यामेव पचप्पिणति, तए णं से भरहे राया अभिसेकाजो हत्थिरयणाओ पचोरुहइ ता जेणेव पोसहसाला तेणेव उवागच्छइ त्ता पोसहसालं अणुपविसद् त्ता पोसहसालं पमजइ त्ता दम्भसंधारगं संघरइ त्ता दम्भसंधारगं दुरूहइ ता मागहतित्थकुमारस्स देवस्स अट्ठमभत्तं पगिन्हइ ता पोसहसालाए पोस हिए बम्हारी उम्मुकमणिसुवण्णे ववगयमालावण्णगविलेवणे णिक्खित्तसत्थमुसले दम्भसंथारोबगए एगे अबीए अट्टमभत्तं पडिजागरमाणे २ विहरइ, तए णं से भरहे राया अट्टमभत्तंसि परिणममाणंसि पोसहसालाओ पडिणिक्खमड ना जेणेव बाहिरिआ उवट्टाणसाला तेणेव उवागच्छ त्ता कोडुंचिअपुरिसे सहावेइ ता एवं बयासी खिप्पामेव भो देवाणुप्पि ! हयगयरहपवरजोहकलिअं चाउरंगिणिं सेणं सण्णाहेह चाउग्घंटं च आसरहं पडिकप्पेहत्तिकट्ट मज्जणघरं अणुपचिस त्ता समुत्त तहेव जाव धवलमहामेहणिग्गए जाव मज्जणपराओ पडिणिक्खमइ ता हयगयरहपत्ररजोहवाहण जाव सेणाइ पहिअकित्ती जेणेव बाहिरिआ उवट्टाणसाला जेणेव चाउघंटे आसरहे तेणेव उचागच्छ ता चाउग्र्घटं आसरहं दुरूढे । ४५ । तए णं से भरहे राया चाउग्घंट आसरहं दुरुदे समाणे हयगयरहपत्ररजोहकलिआए सद्धिं सेणाए संपरिवुडे महयाभडचडगरपहगरवंदपरिक्खित्ते चक्करयणदेसिअमग्गे अणेगरायवरसहस्ताणु आयमग्गे महया उकिसीहणायचोलकलकलरवेणं पक्लुझिअमहासमुदरवभूअंपित करेमाणे २ पुरत्थिमदिसाभिमुहे मागतित्येणं लवणसमुदं ओगाहइ जाव रहबरस्स कुप्परा उल्ला, तए णं से भरहे राया तुरगे निगिण्हइ त्ता रहं वेइ त्ता धणुं परामुसइ, तए णं तं अइरुम्गयचालचन्दइंदधणुसन्निकासं वरमहिसदरिअदप्पिअदढघणसिंगग्गरइअसारं उरगवरपवर गबलपचरपरहुअभ्रमरकुलणीलिणिदधंतधोअप णिउणोवि अमिसिमिसितमणिरयणघंटि आजालपरिक्खित्तं तडितरुणतरणिकिरणतवणिवदधिं ददरमलयगिरिसिहरकेसरचामरवालद्धचंदचिंधं कालरिअरत्तपी अकिल चहारुणिसंपिणद्धजीवं जीविअंतकरणं धणुं गहिऊण से णरवई उसुं च वरवरकोडिजं बहरसारतॉर्ड कंचणमणिकणगरयणधोइसकयपुंखं अणेगमणिरयणविविहसुबिरइयनामचिंधं वइसाहं ठाइऊण ठाणं आयतकण्णायतं च काऊण उमुमुदारं इमाई वयणाई तत्थ भणिज से णरवई 'हंदि सुतु भव॑तो बाहिरओ खन्दु सरस्स जे देवा। णागासुरा सुवण्णा ते खुण (प्र० श्रुणि )मो पणिवयामि ॥ १२ ॥ हंदि सुणंतु भवंतो अग्भितरओ सरस्स जे देवा । णागासुरा सुवण्णा सवे मे ते विसयवासी ॥ १३ ॥ इतिकट उसुं णिसिरइत्ति- परिगरणिगरिअमज्झो बाउसोभमाणकोसेजो। चित्तेण सोभए धणुवरेण इंदोच्च पञ्चकखं ॥ १४ ॥ तं चंचलायमाणं पंचमिचंदोवमं महाचावं । छज्जइ वामे हत्थे णरवणो तंमि विजयंमि ॥ १५ ॥ तए णं से सरे भरहेणं रण्णा जिसट्टे समाणे खिप्पामेत्र दुबास जोअणाई गंता मागहतित्याधिपतिस्स देवस्स भवणंसि निवइए, तए णं से मागहतित्थाहिवई देवे भवणंसि सरं शिवइअं पासइ ता आसुरुते रुहे चंडिकिए कुत्रिए मिसिमिसेमाणे निवलिअं भिउडिं पिडाले साहरइ ला एवं बयासी केस णं भो एस अपस्थिअपत्थए दुरंतपंतलक्खणे हीणपुण्णचाउदसे हिरिसिरिपरिवजिए जेणं मम इमाए एआणुरूवाए दिशाए देविदीए दिखाए देवजुईए दिवेणं दिवाणुभावेणं लदाए पत्ताए अभिसमण्णा गयाए उपि अप्पस्सुए भवसि सरं णिसिरइत्तिकट्टु सीहासणाओं उट्ठेइ त्ता जेणेव से णामाहयंके सरे तेणेव उवागच्छ ता तं णामाहयक सरं गेण्हइ त्ता णामंक अणुपवाएछ नामक अणुष्पवाएमाणस्स इमे एआरुवे अम्भस्थिए चिंतिए पन्थिए मणोगए संकप्पे समुप्पजित्था उप्पण्णे खलु भो ! जंबुद्दीवे दीवे भरहे वासे भरहे णामं राया चाउरंतचकवट्टी तं जीअमेजं तीअपचुप्पण्णमणाग्याणं मागहृतित्थकुमाराणं देवाणं राईणमुवत्थाणीयं करेत्तए, तं (२१२) ८४८ जम्बूद्वीपप्रज्ञप्तिः, वक्खारो-३
मुनि दीपरत्नसागर
演出が
| SR No. | 003918 |
| Book Title | Aagam Manjusha 18 Uvangsuttam Mool 07 Jambuddivpannatti |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 60 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 46 MB |