Page Text
________________
याहिवईणं चउण्हं चउरासीणं आयरक्सदेवसाहसीणं अनेसिं च बहूणं सोहम्मकप्पवासीणं वेमाणियाणं देवाण य देवीण य आहेवच्चं पोरेखेचं० कुव्वेमाणे जाव विहरइ ।५२। कहिं गं भंते ! ईसाणाणं देवाणं पजत्तापजत्ताणं ठाणा पं० कहिं ण भंते ! ईसाणगा देवा परिवसंति ?, गो०! जंबुद्दीवे दीवे मंदरस्स पञ्चयस्स उत्तरेणं इमीसे रयणप्पमाए पुढवीए बहुसमरमणिज्जाओ भूमिभागाओ उड्ढं चंदिमसूरियगहनक्खत्ततारारुवाणं बहूई जोयणसयाइंबहूइं जोयणसहस्साइं जाच उड्ढं दूरं उप्पइत्ता एस्थ णं ईसाणे णामं कप्पे पं० पाईणपडीणायए उदीणदाहिणविच्छिष्णे एवं जहा सोहम्मे जाव पडिरूवे, तत्थ णं ईसाणगदेवाणं अट्ठावीसं विमाणावाससयसहस्सा भवन्तीतिमक्खायं, ते णं विमाणा सवरयणामया जाब पडिरूवा, तेसिं गं बहुमज्झदेसभागे पंच वडिंसया पं० सं०-अंकवर्डिसए फलिहवडिंसए रयणवडिंसए जातरूववडिंसए मझे य इत्थ ईसाणवर्डिसए, ते णं वडिंसया सवस्यणामया जाय पडि. रूवा, एत्थ णं ईसाणगदेवाणं पज्जत्तापज्जत्ताणं ठाणा पं० तिमुवि लोगस्स असंखेजइमागे, सेसं जहा सोहम्मगदेवाणं जाव विहरंति, ईसाणे इत्थ देविंद देवराया परिवसइ मूलपाणी वसहवाहणे उत्तरड्ढलोगाहिबई अट्ठावीसविमाणावाससयसहस्साहिवई अरयंवरखत्यधरे सेसं जहा सकस्स जाव पभासेमाणे, सेणं तत्थ अट्ठावीसाए विमाणावाससयसहस्साणं असीईए सानाणियसाहस्सीणं० चउण्डं असीईणं आयरक्खदेवसाहस्सीणं अन्नेसिं च बहूर्ण इंसाणकप्पवासीर्ण वेमाणियाणं देवाण य देवीण य आहेवचं जाव चिहरइ, कहिण भंते! सर्णकुम वाणं पज्जत्तापजत्ताणं ठाणा पं० कहिणं भंते! सर्णकुमारा देवा परिवसंति?,गो० सोहम्मस्स कप्पस्स उप्पि सपक्खि सपडिदिसिंबहई जोयणाई बहई जोयण णकोडाकोडीओ उड्ढं दुरं उप्पइत्ता एत्थ णं सर्णकुमारे णामं कप्पे पं० पाईणपडीणायए उदीणदाहिणविच्छिण्णे जहा सोहम्मे जाव पडिरूवे, तत्थ णं सर्णकुमाराणं देवाणं वारस विमाणावाससयसहस्सा भवन्तीतिमक्खायं, ते णं विमाणा सवरयणामया जाव पडिरूवा, तेसिं णं विमाणाणं बहुमज्झदेसभागे पंच वडिंसगा पं० तं०-असोगवडिसए सत्तवन्न च. पग० चूय० मज्झे य एत्य सणंकुमारचडिंसए, ते णं बडिंसया सबरयणामया अच्छा जाव पडिरूवा, एत्थ णं सर्णकुमारदेवाणं पज्जत्तापजत्ताणं ठाणा पं०. तिसुवि लोगस्स असंखेजइभागे, तत्थ णं बहवे सर्णकुमारदेवा परिवसंति महिड्ढिया जाव पभासेमाणा विहरति, नवरं अग्गमहिसीओ णस्थि, सणंकमारे इत्थ देविंद देवराया परिवसइ अरयंचरवत्थधरे सेसं जहा सकस्स, से णं तत्थ वारसण्हं विमाणावाससयसहस्साणं पावत्तरीए सामाणियसाहस्सीणं सेसं जहा सकस्स अग्गभहिसीवजं नवरं चउण्डं बावत्तरीणं आयरक्खदेवसाहस्सीणं जाव वि. । हरइ, कहिं णं भंते ! माहिंददेवाणं पज्जत्तापजत्ताणं ठाणा पं० कहिं णं भंते ! माहिंदगदेवा परिवसंति?, गो! ईसाणस्स कप्पस्स उप्पिं सपक्खि सपडिदिसिं बहइं जोयणाई जाव बहुयाओ जोयणकोडाकोडीओ उड्ढं दुरं उप्पइत्ता इत्थ णं माहिंदे नामं कप्पे० पाईणपडीणायए जाव एवं जहेव सणकुमारे नवरं अट्ट विमाणावाससयसहस्सा वडिंसया जहा ईसाणे नवरं मज्झे इत्थ माहिंदवडिसए, एवं जहा सणंकुमाराणं देवाणं जाव विहरंति. माहिंदे इत्य देविंदे देवराया परिवसइ अरयंचरवत्यधरे एवं जहा सणकुमाराणं देवाणं जाव विहरड नवरं अट्ठण्हं विमाणावाससयसहस्साणं सत्तरीए सामाणियसाहस्सीणं चउण्हं सत्तरीणं आयरक्खदेवसाहस्सीणं जाब विहरइ, कहिं णं भंते ! पंभलोगदेवाणं पजत्तापज्जत्ताणं ठाणा पं० कहिं णं भंते ! बंभलोगदेवा परिवसंति , गो०! सणंकुमारमाहिंदाणं कप्पाणं उप्पिं सपक्खि सपडिदिसि बहूई जोयणाई जाव उप्पइत्ता एत्थ णं बंभलोए नामं कप्पे पाईणपडीणायए उदी. णदाहिणविच्छिण्णे पडिपुन्नचंदसंठाणसंठिए अचिमालिभासरासिप्पमे अवसेसं जहा सणंकमाराणं नवरं चत्तारि विमाणावाससयसहस्सा वडिसया इत्थ भलोयवडिंसए, एत्य णं बंभलोगदेवाणं ठाणा पं० सेसं तहेव विहरंति, चंभे इत्थ देविंद देवराया परिवसइ अरयंचरवत्थधरे एवं जहा सणंकुमारे जाव विहरइ, नवरं चउण्हं विमाणावाससयसहस्साणं सट्ठीए सामाणियसाहस्सीणं चउण्हं सट्ठीए आयरक्खदेवसाहस्सीणं अन्नेसिं च बहूणं जाब बिहरइ, कहिं णं भंते ! लंतगदेवाणं पजत्तापजत्ताणं ठाणा पं० कहिं णं भंते ! लंतगदेवा परिक्संति ?, गो० ! बंभलोगस्स कप्पस्स उप्पिं सपक्खि सपडिदिसि बहूई जोयणाई जाव बहुगाओ जोयणकोडाकोडीओ उड्ढं दूर उप्पइत्ता एल्थ णं लंतए नाम कप्पे पं० पाईणपडीणायए जहा बंभलोए नवरं पण्णासं विमाणावाससहस्सा भवन्तीतिमक्खायं वडिंसगा जहा ईसाणवडिंसगा नवरं मज्झे इत्थ लंतगबडिंसए देवा तहेब जाव विहरंति, लंतए एत्थ देविंद देवराया परिवसइ जहा सणकुमारे, नवरं पण्णासाए विमाणावाससहस्साणं पण्णासाए सामाणियसाहस्सीणं चउण्ह य पण्णासाणं आयरक्खदेवसाहस्सीणं अग्नेसिं च बहूणं जाव विहरइ, कहिं णं भंते ! महासुकाण ठाणा० कहिं णं महासुक्का देवा परिवसंति ?, गो० ! लंतगस्स कप्पस्स उप्पि सपक्खि सपडिदिसि जाव एत्थ णं महासुक्के नामं कप्पे पं० पाईणपडीणायए उदीणदाहिणविच्छिण्णे जहा बंभलोए नवरं चत्तालीसं विमाणावाससहस्सा भवन्तीतिमक्खायं वडिंसगा जहा सोहम्मवडिंसगा, नवरं मज्झे इत्थ महासुक्वडिसए जाव विहरंति, महासुके इत्थ देविंदे देवराया जहा सर्णकुमारे, नवरं चत्तालीसाए विमाणावाससहस्साणं चत्तालीसाए सामाणियसाहस्सीणं चउण्ह य चत्तालीसीणं ६९१ प्रज्ञापना, पदर
मुनि दीपरत्नसागर
| SR No. | 003915 |
| Book Title | Aagam Manjusha 15 Uvangsuttam Mool 04 Pannavanaa |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 107 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 76 MB |