Page Text
________________
तमापुढवीनेरइयाणं पजत्तापजत्तार्ण ठाणा ५०, उववाएणं समुग्धाएणं सटाणेणं लोयस्स असंखेजइभागे, तत्थर्ण बहवे तमप्पभापुढवीनेरइया परिवसंति, काला विहरन्ति, कहिं णं भंते ! तमतमापुढवीनेरइयाणं पजत्तापजत्ताणं ठाणा पं० कहिं णं भंते ! तमतमापुढवीनेरइया परिवसति?, गो ! तमतमाए पुढयीए अट्ठोत्तरजोयणसयसहस्सवाहालाए उरि अदतेव जोयणसहस्साई ओगाहित्ता हेद्वावि अदतेवनं जोयणसहस्साई वजित्ता मझे तीसु जोयणसहस्सेसु एत्य णं तमतमापुढवीनेहयाण पजत्तापजत्तार्ण पंचदिसि पंच अणुत्तरा महइमहालया महानिरया ५० त०-काले महाकाले रोरुए महारोरुए अपइहाणे, ते णं गरगा अंतो वट्टा०, एत्थ णं तमतमापुढवीनेरइयाण ठाणा पं०, उबवाएणं लोयस्स असंखेजहभागे समग्याएर्ण सद्राणेणं लोयस्स असंखेजहभागे, तत्थर्ण बहवे तमतमापुढवीनेरइया परिवसंति, काला कालोभासा०विहरन्ति, 'आसीयं बत्तीसं अट्ठावीसंच इंति वीसं च। अट्ठारस सोलसर्ग अठुत्तरमेव हिहिमिया ॥१३४॥ अठ्ठत्तरं च तीसं छवीसं चेव सयसहस्सं तु । अट्ठारस सोलसगं चउद्दसमहियं तु छट्ठीए ॥५॥ अद्धतिवनसहस्सा उवरिमहे बजिऊण तो भणियं। मझे तिसहस्सेमुं होन्ति उ नरगा तमतमाए॥६॥ तीसा य पचवीसा पत्नरस दसेव सयसहस्साई। तिनि य पंचूणेगं पंचेव अणुत्तरा नरगा ॥१३७॥४३॥ कहिं णं भंते ! पंचिंदियतिरिक्खजोणियाणं पजत्तापजत्ताणं ठाणा पं०१, गो ! उड्ढलोए तदेकदेसभाए अहोलोए तदेकदेसभाए तिरियलोए अगडेसु तलाये० समुद्देसु सक्वेसु चेव जलासएसु जलठाणेसु एत्थ णं पंचिंदियतिरिक्खजोणियाणं पजत्तापज्जत्ताणं ठाणा पं०, उववाए लोयस्स असंखेजइभागे समुग्घाएणं लोयस्स असंखेजइभागे सट्ठाणेणं लोयस्स असंखेजइ. भागे।४४॥ कहिणं भंते ! मणुस्साणं पजत्तापजत्ताणं ठाणा पं०१, गो०! अंतो मणुस्सखेते पणयालीसाए जोयणसयसहस्सेसु अड्ढाइजेसु दीवसमुद्देसु पनरससु कम्मभूमीसुतीसाए अकम्मभूमीसु छप्पनाए अंतरदीयेसु एत्यक मणुस्सार्ण पजत्तापजत्ताणं ठाणा पं०,उववाएण लोयस्स असंखेजइमागे समुग्धाएणं सबलोए सहाणेणं लोयस्स असंखेजइभाए।१५। कहिं णं भंते ! भवणवासीणं देवाणं पजत्तापजत्ताणं ठाणा पं०१ कहिं णं भंते ! भवणवासी देवा परिवसंति ?, गो० ! इमीसे स्यणप्पभाए पुढवीए असीउत्तरजोयणसयसहस्सचाहाडाए उवरि एग जोयणसहस्सं ओगाहित्ता हेहा चे जोयणसहस्सं वजित्ता मज्झे अहहुत्तरे जोयणसयसहस्से एत्य णं भवणवासीणं देवाणं सत्त भवणकोडीओ बावत्तरि भवणावासस यसहस्सा भवन्तीतिमक्खाय, ते णं भवणा बाहिं बट्टा अंतो चउरंसा अहे पुक्खरकनियासंठाणसंठिया उकिनंतरविउलगंभीरखातफलिहा पागारद्वालयकवाडतोरणपडिदुवारदेसभागा जंतसयग्घि(प्र० मुसल)मुसंढिपरियारिया अउज्झा सदाजया सदागुत्ता अडयालकोढगरइया अडयालकयवणमाला खेमा सिवा किंकरामरदंडोवरक्खिया लाउडोइयमहिया गोसीससरसरत्तचंदणदहरदिनपंचंगुलितला उवचियचंदणकलसा चंदणघडसुकयतोरणपडिदुवारदेसभागा आसत्तोसत्तविउलवडवग्धारियमल्छदामकलावा पंचवन्नसरसम वयारकलिया कालागुरुपवरकुंदुरुकतुरुकधूवमघमघतगंधुदुयाभिरामा सुगंधवरगंधिया गंधवहिभूया अच्छरगणसंघसंविगिन्ना दिव्बतुडियसदसंपणातिया सव्वस्यणामया अच्छा सण्हा लण्हा घट्ठा मट्ठा णीस्या निम्मला निप्पंका निकंकडच्छाया सप्पहा ससिरिया समिरिया सउज्जोया पासादीया दरिसणिज्जा अभिरूवा पडिरूबा, एत्य णं भवणवासिदेवाण पजनापजत्ताणं ठाणा पं०, उववाएर्ण लोयस्स असंखेजइभागे समुग्धाएणं लोयस्स असंखेजइभागे सहाणेणं लोयस्स असंखेजइभागे, तत्थ णं बहवे भवणवासी देवा परिवसंति, तं० - 'असुरा नाग सुवन्ना विजू अग्गी य दीव उदही य। दिसिपवणथणियनामा दसहा एए भवणवासी ॥१३८॥ चूडामणिमउडस्यणभूसणणागफडागरूलबइरपुनकलसंकउप्फेसा सीह. मगरगयंकअस्सवरवद्धमाणनिजुत्तचित्तचिंधगता सुरूचा महड्ढिया महजुइआ महब्बला महायसा महाणुभावा महेसक्ला (महासोक्खा, महासक्खा पा०) हारविराइअवच्छा कडगतुडियर्थभियभुजा अंगदकुंडलमट्ठगंडतला कन्नपीढधारी विचित्तहत्याभरणा विचित्तमालामउलिमउडा कडाणगपववत्थपरिहिया कहाणगपवरमाणुलेवणधरा भासुरबोंदी पलंबवणमालधरा दिवेणं वनेणं दिवेणं गंधेणं दिवेणं फासेणं दिशेणं संघयणेणं दिवेणं संठाणेणं दिवाए इड्डीए दिवाए जुईए दिवाए पभाए दिखाए छायाए दिवाए अचीए दिवेणं तेएणं दिखाए लेसाए दस दिसाओ उज्जोवेमाणा पभासेमाणा ते णं तत्य साणं २ भवणावाससयसहस्साणं सार्ण २ सामाणियसाहस्सीणं साणं २ तायत्तीसाणं साणं २ लोगपालाणं साणं २ अगमहिसीर्ण साणं २ परिसाणं साणं २ अणिआणं साणं २ अणिआहिबईणं साणं २ आयरक्खदेवसाहस्सीणं अन्नेसिं च बहूणं भवणवासीणं देवाण य देवीण य आहेवचं पोरेवचं सामित्तं भट्टितं महत्तरगतं आणाईसरसेणावचं कारेमाणा पालेमाणा महताहतनगीयवाइयतंतीतलतालतुडियषणमुइंगपटुप्पवाइयरवेणं दिवाई भोगभोगाई भुंजमाणा विहरंति। कहि णं भंते ! असुरकुमाराणं देवाणं पज्जत्तापजत्ताणं ठाणा पं० कहिं र्ण भंते ! असुरकुमारा देवा परिवर्सति?, गो०! इमीसे रयण पुढवीए असीउत्तरजोयणसयसहस्सबाहलाए उरिएर्ग जोयणसहस्सं ओगाहित्ता हेवा चेगं जोयणसहस्सं वजित्ता मझे अट्ठहुत्तरे जोयणसयसहस्से एत्यणं असुरकुमाराणं देवाणं चउसट्टि भवणावाससयसहस्सा भवन्तीतिमक्खायं, ते णं ६८६ प्रज्ञापना, पद-र
मुनि दीपरत्नसागर
| SR No. | 003915 |
| Book Title | Aagam Manjusha 15 Uvangsuttam Mool 04 Pannavanaa |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 107 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 76 MB |