Page Text
________________
HOTODaक
र
हवा परिभाइजमाणाण वा भंडाओवाभंडं साहरिजमाणाण वा ओराला मणुण्णा मणहरा घाणमणनितिकरा सबतो समंतागंधा अभिनिस्सर्वति, भवे एयारूवे सिया?.णो इणटेसमटे,
तेणं मणी एत्तो इतराए चेव गंधेणं पं०, तेसि णं मणीणं इमेयारूवे फासे पण्णत्ते, से जहानामए आइणेति वा रुएति वा बूरेइ वा णवणीएइ वा हंसगमतूलियाइ वा सिरीसकुसुमनिचयेइ वा चालकुसुमपत्तरासीति वा, भये एयारुवे सिया?,णो इणद्वे समढे, ते णं मणी एतो इद्रुतराए चेव जाव फासेणं पं०, तए णं से आभियोगिए देवे तस्स दिवस्स जाणविमाणस्स बहुमज्झदेसभागे एत्य णं महं पिच्छाघरमंडवं विउबइ अणेगखंभसयसंनिविट्ठ अम्भुग्गयसुकयवरवेइयातोरणवररइयसालभंजियागं सुसिलिट्ठविसिट्ठलहसंठियपसत्यवेरुलियविमलखंभं णाणामणिखचियउज्जलबहुसमसुविभत्तदेसभायं ईहामिय उसमतुरगनरमगरविहगवालगकिन्नररुरुसरभचमरकुंजरवणलयपउमलयभत्तिचित्तं (प० खंभुमायवइवेइयपरिगयाभिरामं विजाहरजमलजुगलजन्तजुत्तपिव अचीसहस्समालिणीयं रूवगसहस्सकलितं भिसमार्ण भिब्भिसमाणं चक्खुल्लोयणलेसं सुहफासं सस्सिरीयरूब) कंचणमणिरयणथूभियागं णाणाविहपंचवण्णघंटापडागपरिमंडियग्गसिहरं चवलं मरीतिकवयं विणिम्मुयंत लाउलोइयमहियं गोसीस(सरस)रत्तचंदणदहरदिनपंचंगुलितलं उवचियचंदणकलसं चंदणघडकयतोरणपडिदुवारदेसभागं आसत्तोसत्तविउलववग्धारियमलदामकलावं पंचवष्णसरससुरभिमुक्कपुष्फजोवयारकलियं कालागुरुपवरकुंदुरुकतुरुकधूवमघमघतगंधुयाभिरामं सुगंधवरगंधियं गंधवडिभूतं दिवं तुडियसहसंपणाइयं अच्छरगणसंघविप्पकिण्णं पासाइयं दरिसणिजं जाव पडिरूवं, तस्स णं पिच्छाघरमंडवस्स बहुसमरमणिजभूमिभागं विउबति जाव मणीणं फासो, तस्स णं पेच्छाघरमंडवस्स उडोयं विउति पउमलयभत्तिचित्तं जाव पडिरूवं, तस्स णं बहुसमरमणिजस्स भूमिभागस्स बहुमज्झदेसभाए एस्थ णं महं एग वइरामयं अक्खाडगं विउव्वति. तस्स णं अक्खाइयस्स बहुमज्झदेसभागे एत्थं णं महेर्ग मणिपेढियं विउचति अट्ट जोयणाई आयामविखंभेणं चत्तारि जोयणाई चाहदेणं सबमणिमयं अच्छं सण्हं जाव पडिरूवं. तीसे णं मणिपेढियाए उवरि एत्य णं महेगं सिंहासणं विउबइ, तस्स णं सीहासणस्स इमेयारुवे वण्णावासे पं०-तवणिज्जमया चकला स्ययामया सीहा सोचण्णिया पाया णाणामणिमयाई पायसीसगाई जंबूणयमयाई गत्ताई वइरामया संधी णाणामणिमयं वेचं, से णं सीहासणे इहामियउसभतुरगनरमगरविहगवालगकिन्नररुरुसरभचमरकुंजरवणलयपउ
सारावचियमणिरयणपायवीढे अच्छरगमिउमसूरगणवतयकुसंतलिम्बकेसरपचत्थुयाभिरामे सुविरइयरयत्ताणे उबचियखोमदुगुलपट्टपडिच्छायणे रसुअर्सबुए सुरम्मे आइणगायबूरणवणीयतूलफासे मउए पासाईए०, तस्स णं सिंहासणस्स उवरि एत्थ णं महेगं विजयदूसं विउति संखंककुंवदगरयअमयमहियफेणपुंजसंनिगासं सबरयणामयं अच्छं सहं पासादीयं दरिसणिजं अभिरुवं पडिरूवं, तस्स णं सीहासणस्स उवार विजयदूसस्स य बहुमज्झदेसभागे एत्थ णं वयरामयं अंकसं विउव्वंति, तस्सि च णं वयरामयंसि अंकुसंसि कुंभिक मुत्तादामं विउव्वंति, से गं कुंभिके मुत्तादामे अनेहिं चउहिं अद्धकुंभिकेहिं मुत्तादामेहिं तदबत्तपमाणेहिं सवओ समंता संपरिक्खित्ते, ते णं दामा तवणिजलंबूसगा सुवण्णपयरगमंडियग्गा णाणामणिरयणविविहहारदहारउवसोभियसमुदाया ईसिं अण्णमण्णमसंपत्ता वाएहिं पुव्यावरदाहिणुत्तरागएहिं मंदाय २ एइजमाणा २ पलंत्रमाणा २ पेजंज(पज्झंझ) माणा २ उरालेणं मणुनेणं मणहरेणं कण्णमणणिबुतिकरणं सदेणं ते पएसे सब्बओ समंता आपूरेमाणा सिरीए अतीव २ उपसोभेमाण चिटुंति, तए णं से आभिओगिए देवे तस्स सिंहासणस्स अवरुत्तरेणं उत्तरेणं उत्तरपुरच्छिमेणं एत्थ णं सरिआभस्स देवस्स चउण्हं सामाणियसाहस्सीणं चत्तारि महासणसाहस्सीओ पिउब्बइ, तस्स णं सीहासणस्स पुरच्छिमेणं एत्थ णं सूरियाभस्स देवस्स चउण्हं अम्गमहिसीणं सपरिवाराणं चत्तारि भद्दासणसाहस्सीओ विउबइ, तस्स णं सीहासणस्स दाहिणपुरच्छिमेणं एत्थ णं सूरियाभस्स देवस्स अम्भितरपरिसाए अट्टण्हं देवसाहस्सीणं अट्ट भद्दासणसाहस्सीओ विउबइ, एवं दाहिणेणं मज्झिमपरिसाए दसहं देवसाहस्सीणं दस भदासणसाहस्सीओ विउच्चति, दाहिणपचस्थिमेणं बाहिरपरिसाए वारसण्हं देवसाहस्सीणं चारस भदासणसाहस्सीओ विउन्नति, पञ्चस्थिमेणं सत्तहँ अणियाहिवतीर्ण सत्त भदासणे विउच्चति, तस्स णं सीहासणस्स चउदिसि एत्थ णं सूरियाभस्स देवस्स सोलसण्हं आयरक्खदेवसाहस्सीणं सोलस महासणसाहस्सीओ विउवति, तं०-पुरच्छिमेणं चत्तारि साहस्सीओ दाहिणणं चत्तारि साहस्सीओ पचस्थिमेणं चत्तारि साहस्सीओ उत्तरेणं चत्तारि साहस्सीओ, तस्स दिवस्स जाणविमाणस्स इमेयारूवे वण्णावासे पं० से जहानामए अइरुग्गयस्स वा हेमंतियवालसूरियस्स वा खयरिंगालाण वा रति पजलियाण वा जावाकुसुमवणस्स वा किंसुयवणस्स वा पारियायवणस्स वा सवतो समंता संकुसुमियस्स, भवे एयारूवे सिया ?, णो इणढे समढे, तस्सण दिवस्स जाणविमाणस्स एत्तो इतराए चेव जाव बण्णणं पं०, गंधो य फासो य जहा मणीर्ण, तए णं से आमिओगिए देवे दिवं जाणविमार्ण विउबइ त्ता जेणेव सूरियामे देवे तेणेव उवागच्छइत्ता सुरियामं देवं करयलपरिग्गहियं जाच पचप्पिणंति ।१५। तए णं से सूरिआमे देवे आभिओगस्स देवस्स अंतिए एयमहूँ सोचा निसम्म हट्ठजावहियए दिवं जिणिदाभिगमणजोग्गं उत्तरवेउशियरूवं ५७५ राजपनीय रियाभदेव
मुनि दीपरत्नसागर
| SR No. | 003913 |
| Book Title | Aagam Manjusha 13 Uvangsuttam Mool 02 Rayppaseniy |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 33 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 22 MB |