Page Text
________________
लियमणोहरं मउयरिभियपयसंचारं सुणति वरचारुरूवं दिव्वं ण सज गेयं पगीयाणं, भवे एयारूचे सिया?.हंता सिया।३१। तेसिं णं वणसंडाणं तत्य २ तहिं २ देसे २ बहुओ खुड्डाखुड्डियातो बावीयाओ पुक्खरिणीओ दीहियाओ गुंजालिआओ सरपंतिआओ सरसरपंतिआओ बिलपंतियाओ अच्छाओ सण्हाओ स्ययामयकूलाओ समतीरातो वयरामयपासाणातो तवणिजताओ सुवण्णसुम्भरययवालयाओ बेरुलियमणिफालियपडलपच्चोयडाओ सुओयारसुउत्ताराओ णाणामणिसुबद्धाओ चउक्कोणाओ अणुपुष्वसुजातवप्पगंभीरसीयलजलाओ संछन्नपत्तभिसमुणालाओ बहुउप्पलकुमुयनलिणसुभगसोगंधियपोंडरीयसयवत्तसहस्सपत्तकेसरफुल्लोवचियाओ छप्पयपरिभुजमाणकमलाओ अच्छविमलसलिलपु
णोयगाओ अप्पे खीरोयगाओ अप्पे० घओयगाओ अप्पे०लोदोयगाओ अप्पे० सारोयगाओ अप्पे उयगरसेण पं० पासादीयाओ 17 दरिसणिज्जाओ अभिरुवाओ पहिरुवाओ, तासिं णं वाचीणं जाव बिलपंतीणं पत्तेयं २ चउहिसिं चत्तारि तिसोवाणपहिरूवगा पं०, तेसि णं तिसोवाणपटिरूवगाणं बन्नओ तोरणाणं झया छत्ताइच्छत्ता य णेयब्वा, तासु णं खुड्डाखुड्डियासु वावीसु जाव बिलपंतियासु तत्थ २ तहिं २ देसे २ बहवे उप्पायपज्वया नियइपव्वया जगइपव्वया दारुपायगा दगमंडवा दगणालगा दगमंचगा उसड्डा सुड्डसुड्डगा अंदोलगा पक्खंदोलगा सवरयणामया अच्छा जाव पडिरूवा, तेसु णं उप्पायपत्रएसु जाव पक्खंदोलएसु बहूई हंसासणाई कोंचासणाई गरुलासणाई उण्णयासणाई पणयासणाई दीहासणाई पक्खासणाई भदासणाई उसभासणाई सीहासणाई पउमासणाई दिसासोबत्थियासणाई सबरयणामयाई अच्छाई जाव पडिरूवाई, तेसु णं वणसंडेसु तत्य २ तहिं २ देसे २ वहवे आलियघरगा मालियघरगा कयलिघरगा लयाघरगा अच्छणघरगा पिच्छणघरगा मंडणघरगा पसाहणघरगा गम्भघरगा मोहणघरगा सालघरमा जालघरगा चित्तघरगा कुसुमघरमा गंधवघरगा आयंसघरगा सयरयणामया अच्छा जाव पडिरुवा, तेसु णं आलियघरगेसु जाव आयंसघरगेसु बहूई हंसासणाई जाव दिसासोबत्थिआसणाई सबरयणामयाई जाव पडिरूवाई, तेसु णं वणसंडेसु तत्थ २ देसे २ तहिं २ बहवे जातिमंडवगा जूहियमंडवगा णवमालियमंडवगा वासंतियमंडवगा सूरमछियमंडवगा दहिवासुयमंडवगा तंबोलिमंडवगा मुडियामंडवगा णागलयामंडवगा अतिमुत्तयलयामंडवगा आप्फोवगा० मालुयामंडवगा अच्छा सबरयणामया जाव पडिरूवा, तेसु णं जालिमंडवएमु जाव मालुयामंडवएसु बहवे पुढवीसिलापट्टगा हंसासणसंठिया जाव दिसासोवत्थियासणसंठिया अण्णे य चहवे मंसलघुट्टविसिट्ठसठाणसंठिया पुढवीसिलापट्टगा पं० समणाउओ! आइणगायबरणवणीयतूलफासा सबरयणामया अच्छा जाय पडिरूवा, तत्य र्ण बहवे वेमाणिया देवा य देवीआय आसयति सति ।
ति किइंति मोहेंति पुरा पोराणाणं सुचिण्णाणं सुपडि(र)कतार्ण सुभार्ण कडाणं कम्मार्ण कल्लाणाणं कछाणं फलविवागं पचणुभवमाणा विहरति । ३२। तेसिं णं वणसंडाणं बहुमज्झदेसभाए पत्तेयं २ पासायवडंसगा पं०, ते णं पासायवडेंसगा पंचजोयणसयाई उड्ढंउच्चत्तेणं अड्ढाइजाई जोयणसयाई विक्खंभेणं अन्भुग्णयमूसियपहसियाइव तहेव बहुसमरमणिजभूमिभागो उल्लोओ सीहासणं सपरिवारं, तत्थ णं चत्तारि देवा महिड्ढिया जाव पलिओवमट्टितीया परिवसंति, तं०-असोए सत्तपण्णे चंपए चूए, सूरियाभस्स णं देवविमाणस्स अंतो बहुसमरमणिजे भूमिभागे पं० त०-वणसंडविहणे जाव बहवे वेमाणिया देवा य देवीओ य आसयंति जाव विहरति, तस्स णं बहुसमरमणिजस्स भूमिभागस्स बहुमझदेसे एत्य णं महेगे उवगारियालयणे पं० एग जोयणसयसहस्सं आयामविक्खंभेणं तिषिण जोयणसयसहस्साई सोलस सहस्साई दोणि य सत्तावीसं जोयणसए तिन्नि य कोसेस अट्ठावीसं च घणुसयं तेरस य अंगुलाई अद्धंगुलं च किंचिविसेसूर्ण परिक्खेवेणं जोयणे बाहलेणं सबजंबूणयामए अच्छे जाव पडिरूवे ।३३। से णं एगाए पउमचरवेइयाए एगेण यस वणसंडेण य सबतो समंता संपरिक्खित्ते, साणं पउमवरवेइया अदजोयणं उड्ढउच्चत्तेणं पंचधणुसयाई विक्खंभेणं उवकारियलेणसमा परिक्खेवेणं, तीसे णं पउमबरवेइयाए इमेयारुवे वण्णाचासे पं० (तं०. वयरामया णिम्मा रिहामया पतिट्ठाणा वेफलियामया खंभा सुवण्णरुप्पमया फलगा लोहियक्खमईओ सूईओ नाणामणिमया कडेवरा णाणामणिमया कडेवरसंघाडगा णाणामणिमया रूवा णाणामणिमया रूवसंघाडगा अंकामया पक्खचाहाओ जोइरसामया वंसा वंसकवेलगा रहयामईओ पहियाओ जातरूवमई ओहाडणी वइरामया उवरिप। च्छणी सधरयणामई अच्छायणे पा०), सा णं पउमवरखेडया एगमेगेणं हेमजालेणं गवक्खजालेणं खिंखिणीजालेणं घंटाजालेणं मुत्ताजालेणं मणिजालेणं कणगजालेणं रयणजालेणं पउमजालेणं सबतो समंता संपरिक्खित्ता, ते णं (दामा पा०) तवणिजलंबूसगा जाव चिट्ठति, तीसे णं पउमवरखेड्याए तत्थ २ देसे २ तहिं २ बहवे हयसंघाडा जाब उसभसंघाडा सबस्यणामया अच्छा जाव पडिरूवा पासादीया जाव वीहीतो पंतीतो मिहणाणि लयाओ, से केपट्टेणं भंते! एवं बुचति-पउमवरचेड्या २१.गोयमा ! पउमवरवेझ्या णं तत्य २ देसे २ तहिं २ वेड्यासु बेइयावाहासु य वेडयफलतेसु य वेइयपुडंतरेसु य खंभेसु खंभवाहासु खंभसीसेसु खंभपुडंतरेसु सुयीसु सुयीमुखेसु सूईफलएसु सूइपुर्डतरेसु पक्खेसु पक्खबाहासु पक्खपेरतेसु ५८२ राजपनीयं, मूरिामदय
मुनि दीपरत्नसागर
| SR No. | 003913 |
| Book Title | Aagam Manjusha 13 Uvangsuttam Mool 02 Rayppaseniy |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 33 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 22 MB |