Page Text
________________
O
सोउयपुप्फफलसमिद्धे रम्मे नंदणवणप्पगासे पासातीए ४, तस्स णं उज्जाणस्स बहुमज्झदेसभाए सुरप्पिए नाम जक्खाययणे होत्था दिवे वन्नओ, तत्य णं बारवतीए नयरीए कण्हे नाम वासुदेवे (राया) परिवसति, से णं तत्थ समुदविजयपामोक्खाणं दण्डं दसाराणं बलदेवपामोक्खाणं पंचण्डं महावीराणं उग्गसेणपामोक्खाणं सोलसण्डं राईसहस्साणं पजुन्नपामोक्खाणं अधुद्वाणं कुमारकोडीणं संवपामोक्खाणं सहीए दुदंतसाहस्सीणं वीरसेणपामोक्खाणं एकवीसाए वीरसाहस्सीणं महासेणपामोक्खाणं छप्पन्नाए बलवगसाहसी रुप्पिणीपामोक्खाणं बत्तीसाए महिलासाहस्सीणं अगंगसेणापामोक्खाणं अणेगाणं गणियासाहस्सीणं अन्नेसिं च बहूणं ईसरतलवरजावसत्यवाह ( प्र० सत्याह ) पभिईणं वेयढगिरिसायरपेरंतस्स य दाहिणभरहस्स बारवतीए नयरीए य आहेबचं जाव पालेमाणे विहरति । ५८ । तत्थ णं बारवईए नयरीए बावच्चा णामं गाहावतिणी परिवसति अड्ढा जाव अपरिभूता, तीसे णं यावच्चाए गाहावतिणीए पत्ते थावच्चापुत्ते णामं सत्थवाहदारए होत्या सुकुमालपाणिपाए जाव सुरूबे, तते गं सा थावच्चागाहावइणी तं दारयं सातिरेगअट्ठवासजाययं जाणित्ता सोहणंसि तिहिकरणणक्खत्तमुत्तंसि कलायरियस्स उवर्णेति, जाव भोगसमत्यं जाणित्ता बत्तीसाए इन्भ (कुल)बालियाणं एगदिवसेणं पाणिं गेण्हावेति बत्तीसतो दाओ जाव बत्तीसाए इन्भकुलबालियाहिं सद्धिं विपुले सहफरिसरसरून (वन्न) गंधे जाव भुंजमाणे विहरति, तेणं कालेणं० अरहा अरिद्वनेमी सो चेव वण्णओ दसधणुस्सेहे नीलुप्पलगवलगुलियअयसियकुसुमप्पगासे अट्ठारसहिं समणसाहस्सीहिं सद्धिं संपरिवुडे चत्तालीसाए अजियासाहस्सीहिं सद्धिं संपरिवुडे पुत्राणुपुत्रिं चरमाणे जाव जेणेव बारवती नगरी जेणेव रेवयगपए जेणेव नंदणवणे उज्जाणे जेणेव सुरप्पियस्स जक्खस्स जक्खाययणे जेणेव असोगवरपायवे तेणेव उवागच्छद्द ता अहापडिरूवं उग्गहं ओगिव्हित्ता संजमेणं तवसा अप्पाणं भावेमाणे विहरति, परिसा निम्गया धम्मो कहिओ, तते णं से कहे वासुदेवे इमीसे कहाए लट्टे समाणे कोटुंबियपुरिसे सहावेति त्ता एवं वदासी- खिप्पामेव भो देवाणुप्पिया! सभाए मुहम्माए मेघोघरसियं गंभीरं महुरसह कोमुदितं मेरिं तालेह, तते णं ते कोटुंबियपुरिसा कण्हेणं वासुदेवेणं एवं वृत्ता समाणा हट्टु जाव मत्थए अंजलि कट्टु एवं सामी! तइत्ति जाव पडिसुर्णेति त्ता कण्हस्स वासुदेवस्स अंतियाओ पडिनिक्समंति त्ता जेणेव सहा मुहम्मा जेणेव कोमुदिया भेरी तेणेव उवागच्छंति तं मेघोघरसियं गंभीरं महरसह कोमुदितं (सामुमाइगीं पा०) भेरिं तार्लेति, ततो निदमहुरगंभीरपडिएपिव सारइएणं बलाइएपिव जणुरसियं भेरीए, तते णं तीसे कोमुदियाए भेरियाए तालियाए समाणीए बारवतीए नयए नवजोयणविच्छिनाए दुवालसजोयणायामाए सिंघाडगतियच उकचच्चरकंदरदरीए विवरकुहरगिरिसिहरनगरगोउरपासातदुवारभवणदेउलपडिस्यासयसहस्ससंकुलं सर्व करेमाणे बारवतिं नगरिं सम्भितरबाहिरियं सङ्घतो समंता से सद्दे विप्पसरित्था, तते णं बारवतीए नयरीए नवजोयणविच्छिनाए बारसजोयणायामाए समुहविजयपामोक्खा दस दसारा जाव गणिया सहरसा कोमुदीयाए भेरीए सह सोचा णिसम्म हद्वतुद्वा जाव व्हाया आविदवग्वारियमलदामकलावा अहतवत्यचंदणोकिलगायसरीरा अप्पेगतिया हयगया एवं गयगया रहसीयासंदमाणीगया अप्पेगतिया पायविहारचारेण पुरिसवम्गुरापरिक्खित्ता कव्हरस वासुदेवस्स अंतियं पाउन्भवित्था, तते णं से कण्हे वासुदेवे समुदविजयपामोक्खे दस दसारे जाव अंतियं पाउच्भवमाणे पासति सा हट्ट जाव कोटुंबियपुरिसे सहावेति ता एवं वयासी खिप्पामेव भो देवाणुप्पिया! चाउरंगिणीं सेणं सज्जेह विजयं च गंधहत्थि उबटुवेह, तेवि तहत्ति उवटुवेंति, जाब पज्जुवासंति । ५९ । यावच्चापुत्तेवि णिग्गए जहा मेहे तहेव धम्मं सोचा णिसम्म जेणेव थावच्चागाहावतिणी तेणेव उबागच्छति त्ता पायग्गहणं करेति जहा मेहस्स तहा चेव निवेयणा जाहे नो संचाएति विसयाणुलोमाहि य विसयपडिकूलाहि य बहूहिं आघवणाहि य पचवणाहि य सन्नवणाहि य विष्णवणाहि य आघवित्तए वा ४ ताहे अकामिया चैव थावच्चापुत्तदारगस्स निक्खमणमणुमन्नित्था, नवरं निक्खमणाभिसेयं पासामो, तए णं से थावच्चापुते तुसिणीए संचिदृइ, तते णंसा यावच्चा आसणाओ अम्मुट्ठेति २ महत्वं महग्धं महरिहं रायरिहं पाहुडं गेष्हति त्ता मित्त जाव संपरिवुडा जेणेव कण्हस्स वासुदेवस्स भवणवरपरिवारदेसभाए तेणेव उवागच्छति त्ता पडिहारदेसिएणं मम्गेणं जेणेव कण्हे वासुदेवे तेणेव उवागच्छति त्ता करयल० वद्धावेति त्ता तं महत्थं महग्धं महरिहं रायरिहं पाहुडं उवणेइ त्ता एवं वदासी एवं खलु देवाणुप्पिया! मम एगे पुत्ते थावचापुत्ते नामं दारए इडे जाव से णं संसारभयडब्बिग्गे इच्छति अरहओ अरिट्ठनेमिस्स जाव पव्वतित्तए, अहण्णं निक्खमणसकारं करेमि इच्छामि णं देवाणुप्पिया ! थावथापुत्तस्स निक्खममाणस्स छत्तमउडचामराज य विदिनाओ, तते णं कण्हे वासुदेवे थावचागाहावतिणीं एवं वदासी- अच्छाहि णं तुमं देवाणुप्पिए! सुनिव्वुया वीसत्या, अहण्णं सयमेव चावचापुत्तस्स दारगस्स निक्खमणसकारं करिस्सामि, तते गं से कण्हे वासुदेवे चाउरंगिणीए सेणाए विजयं हत्थिरयणं दुरूडे समाणे जेणेव थावचाए गाहावतिणीए भवणे तेणेव उवागच्छति ता यावच्चापुत्तं एवं वदासी मा णं तुमे देवाणुप्पिया! मुंडे भवित्ता पब्वयाहि, भुंजाहि णं देवाणुप्पिया ! विउले माणुस्सए कामभोए मम बाहुच्छायापरिम्गाहिए, केवलं देवाणुप्पियस्स ४२९ ज्ञातधर्मकथांगं, अज्झय-५
मुनि दीपरत्नसागर
| SR No. | 003906 |
| Book Title | Aagam Manjusha 06 Angsuttam Mool 06 Nayadhammkaha |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, & agam_gyatadharmkatha |
| File Size | 55 MB |