Aagam Manjusha 06 Angsuttam Mool 06 Nayadhammkaha

SR No.: 003906
Original Sutra Author: N/A
Author: Anandsagarsuri, Sagaranandsuri
Publisher: Deepratnasagar
Publication Year: 2012
Total Pages: 85
Language: Prakrit
Classification: Book_Devnagari, Agam, Canon, & agam_gyatadharmkatha
File Size: 55 MB

Page 19

gade
मार्स अट्ठमंअट्टमेणं० चउत्थं मासं दसम २ अणिक्खित्तेणं तबोकम्मेणं दिया ठाणुकुहुए सूराभिमूहे आयावणभूमीए आयावेमाणे रत्तिं वीरासणेणं अवाउडएणं पंचमं मासं दुबालसमं २ अणिक्खित्तेणं तवोकम्मेणं दिया ठाणुक्कडुए सूराभिमुहे आयावणभूमीए आयावेमाणे रतिं वीरासणेणं अवाउडतेणं, एवं खलु एएणं अभिलावेणं छट्टे चोडसम २ सत्तमे सोलसमं २ अट्ठमे अट्ठारसमं २ नवमे वीसतिम २ दसमे बावीसतिमं २ एकारसमे चउव्वीसतिमं २ वारसमे छब्बीसतिमं २ तेरसमे अट्ठावीसतिम २ चोइसमे तीसइमं २ पंचदसमे बत्तीसतिमं २ सोलसमे चउत्तीसतिमं २ अणिक्खित्तेणं तवोकम्मेणं दिया ठाणुकडएणं सूराभिमुहे आयावणभूमीए आयामाणे रत्तिं वीरासणेण य अवाउडतेण य, तते णं से मेहे अणगारे गुणरयणसंवच्छरं तवोकम्मं अहामुत्तं जाव सम्म काएणं फासेइ पालेइ सोमेइ तीरेइ किट्टेइ अहासुत्तं अहाकप्पं जाव किट्टेत्ता समणं भगवं महावीरं वंदति नमंसति त्ता बहूहिं घउत्थ छहमदसमदुवालसेहिं मासद्धमासखमणेहिं विचित्तेहिं तवोकम्मे हि अप्पाणं भावेमाणे विहरति ।३४। तते णं से मेहे अणगारे तेणं उरालेणं विपुलेणं सस्सिरीएणं पयत्तेणं पग्गहिएणं कडाणेणं सिवेणं घनेणं मंगलेणं उदमोणं उदारएणं उत्तमेणं महाणुभावेणं तबोकम्मेणं सुक्के मुक्खे लुक्खे निम्मंसे निस्सोणिए किडिकिडियाभूए अट्ठिचम्मावणद्धे किसे धमणिसंतए जाते यावि होत्था, जीवंजीवेणं गच्छति जीवंजीवेणं चिट्ठति भासं भासित्ता गिलायति भासं भासमाणे गिलायति भासं भासिस्सामित्ति गिलायति से जहा नामए इंगालसगडियाइ वा कट्ठसगडियाइ वा पत्तसगडियाइ वा तिलसगडियाइ वा एरंडकट्ठसगडियाइ वा उण्हे दिन्ना सुक्का समाणी ससई गच्छइ ससई चिट्ठति एवामेव मेहे अणगारे ससह गच्छइ ससई चिट्ठइ उवचिए तवणं अवचिते मंससोणिएणं हुयासणे इव भासरासिपरिच्छिन्ने लवेणं तेएणं तवतेयसिरीए अतीव अतीव उबसोभेमाणे २ चिट्ठति, तेणं कालेणं० समणे भगवं महावीरे आइगरे तित्थगरे जाव पुवाणुपुचि चरमाणे गामाणुगामं दूतिजमाणे सुहंसुहेणं विहरमाणे जेणामेव रायगिहे नगरे जेणामेव गुणसिलए चेतिए तेणामेव उवागच्छति त्ता अहापडिरूवं उम्गहं उम्गिण्हित्ता संजमेणं तवसा अप्पाणे भावेमाणे विहरति, तते णं तस्स मेहस्स अणगारस्स राओ पुबरतावरत्तकालसमयंसि धम्मजागरियं जागरमाणस्स अयमेयारूवे अज्झस्थिते जाच समुप्पजित्था-एवं खलु अहं इमेणं उरालेणं तहेव जाव भासं भासिस्वामीति गिलामि तं अत्यि ता मे उहाणे कम्मे चले वीरिए पुरिसकारपरकमे सद्धा घिई संवेगे तंजाव ता मे अस्थि उहाणे कम्मे चले वीरिए पुरिसगारपरकमे सद्धा घिई संवेगे जाव इमे धम्मायरिए धम्मोक्डेसए समणे भगवं महावीरे जिणे सुहत्थी विहरति तावताव मे सेयं कई पाउप्पभायाए रयणीए जाच तेयसा जलते सूरे समर्ण ३ वंदित्ता नमंसित्ता समणेणं भगगता महावीरेणं अभणुन्नायस्स समाणस्स सयमेव पंच महव्वयाई आरहित्ता गोयमादिए समणे निरगंथे निमगंधीओ य खामेत्ता तहारूबंहि कडाइहि थेरहिं सद्धि विउलं पव्ययं संलेहणामूसणाए झुसियस्स भत्तपाणपडियाइक्खितस्स पाओवगयस्स कालं अणवखमाणस्स विहरित्तए, एवं संपहेति त्ता कई पाउप्पभायाए रयणीए जाव जलंते जेणेच समणे भगवं महावीरे तेणेव उवागच्छति त्ता समणं ३ तिक्खुत्तो आदाहिणं पदाहिणं करेइ त्ता वंदति नमसति त्ता नचासो नातिदूरे सुस्सूसमाणे नमसमाणे अभिमुहे विणएणं पंजलियपुडे पजुवासति, मेहेत्ति समणे भगवं महावीरे मेहं अणगारं एवं वदासी-से णूणं तव मेहा ! राओ पुव्वरत्तावरत्तकालसमयंसि धम्मजागरियं जागरमाणस्स अयमेयारूवे अज्झस्थिते जाव समुप्पजित्था एवं खल अहं इमेणं ओरालेणं जाव जेणेव अहं तेणेव हव्यमागए, से शृणं मेहा! अद्वे समढे?, हंता अस्थि, अहासुहं देवाणुप्पिया ! मा पडिबंध करेह, तते णं से मेहे अणगारे समणेणं भगवया० अब्मणुचाए समाणे हट्ठजावहियए उहाइ उद्वेइ त्ता समणं २ विक्खुत्तो आयाहिणं पयाहिणं करेइत्ता बंदइनमंसइ त्ता सयमेव पंच महब्बयाई आरुभेड त्ता गोयमाति समणे निग्गंथे निम्गंधीओ य खामेति खामेत्ता य तहारूवेहिं कडाईहिं थेरेहिं सद्धिं विपुलं पव्वयं सणियं २ दुरूहति त्ता सयमेव मेहरणसन्निगासं पुढवीसिलापट्टयं पडिलेहति त्ता उच्चारपासवणभूमि पडलेहति त्ता दब्भसंथारंग संथरति त्ता दम्भ० तुरुहति त्ता पुरत्याभिमुहे संपलियंकनिसन्ने करयलपरिग्गहियं सिरसावत्तं मत्थए अंजलिं कटू एवं वदासी-नमोऽत्थु णं अरिहंताणं भगवंताणं जाव संपत्ताणं, णमोऽत्यु णं समणस्स भगवओ महावीरस्स जाप संपाविउकामस्स मम धम्मायरियस्स, वंदामिण भगवंतं तत्थगर्य इहगए पासउ मे भगवं तत्वगते इहगतंतिकटु वंदति नमसइ त्ता एवं बदासी-पुब्बिंपिय णं मए समणस्स ३ अंतिए सब्वे पाणाइवाए पञ्चक्खाए मुसावाए अदिन्नादाणे मेहुणे परिग्गहे कोहे माणे माया लोभे पेजे दोसे कलहे अब्भक्खाणे पेसुन्ने परपरिवाए अरतिरती मायामोसे मिच्छादसणसल्ले पञ्चक्खाते, इयाणिपि णं अहं तस्सेव अंतिए सव्वं पाणातिवायं पञ्चक्खामि जाव मिच्छादसणसळ पच्चक्खामि, सञ्चं असणपाणखादिमसातिमं चउव्विहंपि आहारं पचक्खामि जावजीवाए, जंपिय इमं सरीरं इ8 कंतं पियं जाव विविहा रोगायंका परीसहोवसग्गा फुसंतीतिकटु एयंपिय णं चरमेहिं ऊसासनिस्सासेहिं बोसिरामित्तिकटु संलेहणाफासए(झूसणासिए पा०) भत्तपाणपडियाइक्खिए पाओवगए कालं अणवर्कखमाणे विहरति, तते णं ते थेरा भगवंतो मेहस्स अणगारस्स अगिलाए वेयावडियं करेंति, तते णं से मेहे अणगारे समणस्स भगवओ महावीरस्स तहारूवाणं थेराणं (१०५) ४२० ज्ञातधर्मकथांगं,- अन्याय
मुनि दीपरत्नसागर
44