Page Text
________________
२४३
सिय दव्वं सिय दधदेसे अट्ठवि भंगा भाणियवा जाब सिय दवाई च दवदेसा य, जहा चत्तारि भणिया एवं पंच छ सत्त जाब असंखेज्जा, अनंता भंते! पोम्गलत्थिकायपएसा किं द० ? एवं चेत्र जाव सिय दवाई च दवदेसा य । ३५५ । केवतिया णं भंते! लोयागासपएसा पं० १, गोयमा ! असंखेज्जा लोयागासपएसा पं०, एगमेगस्स णं भंते! जीवस्स केवइया जीवपएसा पं० १, गोयमा ! जावतिया लोगागासपएसा एगमेगस्स णं जीवस्स एवतिया जीवपएसा पं० । ३५६ । कति णं भंते! कम्मपगडीओ पं० १, गोयमा ! अट्ठ कम्मपगडीओ पं० तं० नाणावर णिज्जं जाव अंतराइयं, नेरइयाणं भंते! कइ कम्मपगडीओ पं० १, गोयमा ! अट्ट, एवं सव्वजीवाणं अट्ठ कम्मपगडीओ ठावेयव्वाओ जाव वेमाणियाणं, नाणावरणि जस्स णं भंते! कम्मस्स केवतिया अविभागपलिच्छेदा पं० १, गोयमा अनंता अविभागपलिच्छेदा पं०, नेरइयाणं भंते! णाणावर णिज्जस्स कम्मस्स केवतिया अविभागपलिच्छेया पं० १. गोयमा ! अनंता अविभागपलिच्छेदा पं० एवं सव्वजीवाणं जाव बेमाणियाणं पुच्छा, गोयमा ! अणता अविभागपरिच्छेदा पं०, एवं जहा णाणावरणिजस्स अविभागपलिच्छेदा भणिया तहा अट्टहवि कम्मपगडीणं भाणियव्वा जाव वैमाणियाणं, एगमेगस्स णं भंते! जीवस्स एगमेगे जीवपएसे णाणावर णिज्जस्स कम्मस्स केवइएहिं अविभागपलिच्छेदेहिं आवेढिए परिवेढिए सिया ?, गोयमा ! सिय आवेढियपरिवेढिए सिय नो आवेढियपरिवेढिए, जइ आवेदियपरिवेढिए नियमा अणतेहि, एगमेगस्स णं भंते! नेरइयस्स एग मेगे जीवपएसे णाणावरणिज्जस्स कम्मस्स केवइएहि अविभागपलिच्छेदेहिं आवेढिए परिवेडिते ?, गोयमा ! नियमा अणतेहिं, जहा नेरइयस्स एवं जाव वैमाणियस्स, नवरं मणूसस्स जहा जीवस्स, एगमेगस्स णं भंते! जीवस्स एगमेगे जीवपएसे दरिसणावरणिज्जस्स कम्मस्स केवतिएहिं एवं जहेव नाणावरणिजस्स तहेव दंडगो भाणियब्वो जाव वेमाणियस्स, एवं जाव अंतराइयस्स भाणियव्वं, नवरं वेयणिज्जस्स आउयस्स णामस्स गोयस्स एएसिं चउण्डवि कम्माणं मणूसस्स जहा नेरइयस्स तहा भाणियव्वं, सेसं तं चैव । ३५७। जस्स णं भंते! नाणावर णिज्जं तस्स दरिसणावरणिज्जं जस्स दंसणावरणिज्जं तस्स नाणावरणिजं ?, गोयमा ! जस्स णं नाणावरणिजं तस्स दंसणावरणिजं नियमा अत्थि, जस्स णं दरिसणावरणिज्जं तस्सवि नाणावर णिज्जं नियमा अस्थि, जस्स णं भंते! णाणावरणिजं तस्स वेयणिजं जस्स वेयणिज्जं तस्स णाणावरणिज्जं ?, गोयमा ! जस्स नाणावरणिजं तस्स वेयणिजं नियमा अस्थि जस्स पुण वेयणिज्जं तस्स णाणावरणिज्जं सिय अस्थि सिय नत्थि, जस्स णं भंते! नाणावरणिज्जं तस्स मोहणिज्जं जस्स मोहणिजं तस्स नाणावरणिज्जं ?, गोयमा ! जस्स नाणावर णिज्जं तस्स मोहणि सिय अस्थि सिय नत्थि जस्स पुण मोदणिज्जं तस्स नाणावरणिज्जं नियमा अस्थि, जस्स णं भंते! णाणावरणिज्जं तस्स आउयं एवं जहा वेयणिज्जेणं समं भणियं तहा आउएणवि समं भाणियब्वं, एवं नामेणवि, एवं गोएणवि समं, अंतराइएण समं जहा दरिसणावरणिजेणं समं तहेब नियमा परोप्परं भाणियव्वाणि, जस्स णं भंते! दरिसणावरणिज्जं तस्स वेणि जस्स वेयणिज्जं तस्स दरिसणावरणिज्जं ?, जहा नाणावरणिज्जं उवरिमेहिं सत्तहिं कम्मेहिं समं भणियं तहा दरिसणावरणिज्वंपि उवरिमेहिं छहिं कम्मेहिं समं भाणियव्वं जाव अंतराइएणं, जस्स णं भंते! श्रेयणिज्जं तस्स मोहणिज्जं जस्स मोहणिज्जं तस्स वेयणिज्जं ?, गोयमा ! जस्स वेयणिज्जं तस्स मोहणिज्जं सिय अस्थि सिय नत्थि जस्स पुण मोहणिज्जं तस्स वेयणिज्जं नियमा अत्थि, जस्स णं भंते! बेयणिज्जं तस्स आउयं० १, एवं एयाणि परोप्परं नियमा, जहा आउएण समं एवं नामेणवि गोएणवि समं भाणियां, जस्स णं भंते! वेयणिज्जं तस्स अंतराइयं० पुच्छा, गोयमा ! जस्स वेयणिज्जं तस्स अंतराइयं सिय अत्थि सिय नत्थि जस्स पुण अंतराइयं तस्स वेयणिज्जं नियमा अत्थि, जस्स णं भंते! मोहणिजं तस्स आउयं जस्स आउयं तस्स मोहणिज्जं १, गोयमा ! जस्स मोहणिज्जं तस्स आउयं नियमा अत्थि जस्स पुण आउयं वस्स पुर्ण मोहणिज्जं सिय अत्थि सिय नत्थि, एवं नामं गोयं अंतराइयं च भाणिय, जस्स णं भंते! आउयं तस्स नाम० पुच्छा, गोयमा! दोऽवि परोप्परं नियमं एवं गोत्तेणवि समं भाणियचं, जस्स णं भंते! आउयं तस्स अंतराइयं० पुच्छा, गोयमा ! जस्स आउयं तस्स अंतराइयं सिय अस्थि सिय नत्थि जस्स पुण अंतराइयं तस्स आउयं नियमा, जस्स णं भंते! नामं तस्स गोयं जस्स णं गोयं तस्स णं नामं पुच्छा, गोयमा ! जस्स णं णामं तस्स णं नियमा गोयं जस्स णं गोयं तस्स नियमा नामं गोयमा ! दोऽवि एए परोप्परं नियमा, जस्स णं भंते! णामं तस्स अंतराइयं० पुच्छा, गोयमा ! जस्स नाम तस्स अंतराइयं सिय अस्थि सिय नत्थि जस्स पुण अंतराइयं तस्स नामं नियमा अत्थि, जस्स णं भंते! गोयं तस्स अंतराइयं पुच्छा, गोयमा ! जस्स णं गोयं तस्स अंतराइयं सिय अस्थि सिय नत्थि जस्स पुण अंतराइयं तस्स गोयं नियमा अत्थि । ३५८ । जीवे णं भंते! किं पोग्गली पोग्गले ?, गोयमा ! जीवे पोग्गलीचि पोग्गलेऽवि, से केणट्टेणं भंते! एवं बुच्चइ जीवे पोग्गलीवि पोग्गलेऽवि ?, गोयमा ! से जहानामए छत्ते छत्ती दंडेणं दंडी घडेणं घडी पडेणं पडी करेणं करी एवामेव गोयमा! जीवेऽवि सोइंदियचक्खिदियघानिंदियजिम्भिदियफासिंदियाइं पहुच पोम्ाली, जीवे पहुच पोग्गले, से तेणद्वेणं गोयमा ! एवं बुच्चइ जीवे पोग्गलीबि पोग्गलेऽवि, नेरइए णं भंते! किं पोग्गली० १, एवं चेव, एवं जाव २४३ श्रीभगवत्यं सते है
मुनि दीपरत्नसागर
| SR No. | 003905 |
| Book Title | Aagam Manjusha 05 Angsuttam Mool 05 Bhagavati |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 248 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 169 MB |