Page Text
________________
IMALARVAMINDIA2420MKINBARBARISS4392905843RRABVPRABINDIARYRAMAIRBALORSHIVBAITHILIAR
है जातीया मविया भवित्ता कालमासे कालं किचा अन्नयरेसु देवलोएसु देवत्ताए उववत्तारो भवंति । ३२९ । कतिविहा गं भंते ! देवलोगा पं० १, गोयमा : चउब्विहा देवलोगा पं०
तं०-भवणवासिवाणमंतरजोइसवेमाणिया। सेवं भंते !२।३३० ॥ श०८ उ०५॥ समणोवासगस्स णं भंते!तहारूवं समणं वा माहणं वा फासुएसणिजेणं असणपाणखाइमसाइमेणं पडिलामेमाणस्स कि कजति ?, गोयमा! एगंतसो निजरा कजइ, नत्थि य से पावे कम्मे कजाति, समणोवासगस्स णं भंते ! तहारूवं समणं वा माहणं वा अफासुएणं अणेसणिजेणं असणपाण जाव पडिलामेमाणस्स किं कजइ?, गोयमा! बहुतरिया से निजरा कजइ, अप्पतराए से पाये कम्मे कजइ, समणोवासगस्स णं भंते! तहारूवं अस्संजयअविरयपढिहयपचक्खायपावकम्मं फासुएण वा अफासुएण वा एसणिज्जेण वा अणेसणिजेण वा असणपाण जाव किं कज्जइ, गोय । ३३१। निग्गं चणं गाहावाकुलं पिंटवायपडियाए अणुप्पविट्ट केई दोहिं पिंडेहिं उबनिमंतेजा-एगं आउसो ! अप्पणा मुंजाहि एग घेराणं दलयादि, से य त पिंडं पडिगहिजा, थेरा य से अणुगवेसियव्या सिया, जत्थेव अणुगवेसमाणे धेरे पासिजा तत्थेवाणुप्पदायब्वे सिया, नो चेव णं अणुगवेसमाणे येरे पासिज्जा तं नो अप्पणा भुंजेज्जा नो अन्नेसि दावए एगते अणावाए अचित्ते बहुफासुए थंडिले पडिलेहेत्ता पमजित्ता परिट्ठावेयव्ये सिया, निम्थं च णं माहावइकुलं पिंढवायपडियाए अणुप्पविटुं केति तीहिं पिंडेहिं उवनिमंतेजा-एर्ग आउसो! अप्पणा भुंजाहि दो थेराणं दलयाहि, से य ते पडिम्गहेजा, थेरा य से अणुगवेसेयव्वा सेसं तं चेव जाव परिहावेयब्बे सिया, एवं जाब दसहिं पिंडेहिं उवनिमंतेजा, नवरं एग आउसो! अप्पणा मुंजाहिं नव येराणं दलयाहि सेसं तं चेव जाव परिहावेयब्वे सिया, निम्गंथं च णं गाहावइ जाव केई दोहिं पडिग्गहेहिं उबनिमंतेजा एगं आउसो! अप्पणा पडिभंजाहि एर्ग थेराणं दलयाहि, से य तं पडिग्गहेजा तहेव जाव तं नो अप्पणा पडि जेजा नो अन्नेसिं दावए सेसं तं चेव जाव परिहावेयव्ये सिया, एवं जाय दसहिं पडिग्गहेहि, एवं जहा पडिग्गहवत्तव्वया भणिया एवं गोच्छगरयहरणचोलपट्टगकंबललट्ठीसंथारगवत्तव्वया भाणियव्वा जाव दसहि संधारएहिं उवनिमंतेजा जाव परिहावेयब्वे सिया। ३३२॥ निग्गयेण य गाहावइकुलं पिंडवायपडियाए पविद्वेणं अनयरे अकिच्चट्ठाणे पडिसेविए, तस्स णं एवं भवति-इहेव ताव अहं एयरस ठाणस्स आलोएमि पडिकमामि निंदामि गरिहामि विउहामि विसोहेमि अकरणयाए अभडेमि अहारिहं पायच्छित्तं तवोकम्म पडिवजामि, तओ पच्छा थेराणं अंतियं आलोएस्सामि जाव तवोकम्मं पढिवजिस्सामि, से य संपतिए असंपले थेरा य पुष्यामेव अमुहा सिया से णं भंते ! किं आराहए विराहए?, गोयमा! आराहए नो विराहए, से य संपढिए असंपत्ते अप्पणा य पुवामेव अमुहे सिया से णं भंते ! कि आराहए विराहए?, गोयमा ! आराहए नो विराहए, से य संपट्टिए असंपत्ते थेराय पुवामेव कालं करेजा से गं भंते! किं आराहए विराहए, गोयमा! आराहए नो विराहए, से य संपट्टिए असंपत्ते अप्पणा य पुब्बामेव कालं करेजा से णं भंते ! किं आराहए विराहए', गोयमा ! आराहए नो विराहए, से य संपट्ठिए संपत्ते येरा य अमुहा सिया से णं भंते ! किं आरा. हए विराहए?.गोयमा! आराहए नो विराहए, से य संपढिए संपत्ते अप्पणा य० एवं संपत्तेणवि चत्तारि आलावगा भाणियब्वा जडेव असंप बिहारभूमि वा निक्खंतेणं अन्नयरे अकिचट्ठाणे पडिसेविए तस्स णं एवं भवति-इहेव ताव अहं एवं एत्यवि एते चेव अट्ठ आलावगा भाणियव्वा जाव नो विराहए, निग्गंथेण य | गामाणगाम नबजमाणेणं अभयरे अकिचट्ठाणे पडिसेविए तस्स णं एवं भवति इहेव ताव अहं एत्यवि ते चेव अट्ट आलावगा भाणियव्या जाव नो विराहए. निरगंथीए य गाहावडकुलं पिंडवायपडियाए अणुपविहाए अन्नयरे अकिञ्चट्ठाणे पडिसेविए तीसे णं एवं भवइ-इहेव ताव अहं एयस्स ठाणस्स आलोएमि जाव तबोकम्म पडिवजामि तओ पच्छा पबत्तिणीए अंतियं आलोएस्सामि जाच पडिवजिस्सामि, सा व संपट्टिया असंपत्ता पवत्तिणी य अमुद्दा सिया सा णं भंते! किं आराहिया विराहिया ?, गोयमा! आराहिया नो विराहिया, सा य संपविया जहा निग्गंथस्स तिमि गमा भणिया एवं निमगंधीएऽवि तिमि आलावगा भाणियव्या जाव आराहिया नो विराहिया, से केणटेणं भंते! एवं वुच्चइ-आराहए नो विराहए?, गोयमा ! से जहानामए कई पुरिसे एर्ग महं उन्नालोमं वा गयलोमं वा सणलोमं वा कप्पासलोमं वा तणसूयं वा दुहा या तिहा या संखेजहा वा छिदिता अगणिका. यंसि पक्खिवेजा से नूर्ण गोयमा! छिज्जमाणे छिन्ने पक्खिप्पमाणे पक्खित्ते दज्झमाणे दड्ढेत्ति वत्तव्यं सिया ?, हंता भगवं! छिजमाणे छिन्ने जाव बढेत्ति वत्तब्बं सिया, से जहा वा केई पुरिसे वत्थं अहतं वा घोतं वा तंतुम्गयं वा मंजिहादोणीए पक्खिवेजा से नूर्ण गोयमा! उक्खिप्पमाणे उक्सित्ते पक्खिप्पमाणे पक्खित्ते रजमाणे रत्तेत्ति वत्तव्वं सिया ?, हंता भगवं! उक्खिप्पमाणे उक्खित्ते जाव रत्तेत्ति वत्तब्वं सिया, से तेणतुणं गोयमा! एवं बुचइ-आराहए नो विराहए।३३३। पईवस्स गं भंते! झियायमाणस्स किं पदीवे झियाति लट्ठी झियाइ वत्ती झियाइ तेले झियाइ दीवचंपए झियाइ जोती झियाइ ?, गोयमा ! नो पदीवे झियाइ जाव नो पदीवचंपए झियाइ जोई झियाइ, अगारस्सणं भंते! नियायमाणस्स २३३ श्रीभगवत्यंग -सत
मुनि दीपरत्नसागर
| SR No. | 003905 |
| Book Title | Aagam Manjusha 05 Angsuttam Mool 05 Bhagavati |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 248 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 169 MB |