Page Text
________________
असासया, नेरइया णं भंते! किं सासया असासया ?, एवं जहा जीवा तहा नेरइयावे, एवं जाव वमाणिया जाव सिय सासया सिय असासया सब भत सब भतः । २७३ ॥ २० ७० २ ॥ वणस्सइकाइया णं भंते! किंकालं सव्वप्पाहारगा वा सव्यमहाहारगा वा भवंति ? गोयमा पाउसवरिसारत्तेसु णं एत्थ णं वणस्सइकाइया सव्वमहाहारगा भवति तदाणंतरं च णं सरए तयाणंतरं च णं हेमंते तदाणंतरं च णं वसंते तदाणंतरं च णं गिम्हे गिम्हासु णं वणस्सइकाइया सव्वप्पाहारगा भवंति, जइ णं भंते! गिम्हासु वणस्स इकाइया सव्व प्पाहारगा भवंति कम्हाणं भंते! गिम्हासु बहवे वणस्सइकाइया पत्तिया पुष्फिया फलिया हरियगरेरिजमाणा सिरीए अईब २ उवसोभेमाणा २ चिट्ठति ? गोयमा गिम्दासु णं बहवे उसिणजोणिया जीवा य पोग्गला य वणस्सइकाइयत्ताए वकमंति विउकमंति चयंति उपजंति, एवं खलु गोयमा ! गिम्हासु बहवे वणस्सइकाइया पत्तिया पुष्फिया जाव चिद्वेति | २७४ । से नूर्ण भंते! मूला मूलजीवकुडा कंदा कंदजीवफुडा जाव बीया बीयजीवफुडा ?, हंता गोयमा ! मूला मूलजीवफुडा जाव बीया बीयजीवकुडा, जति णं भंते! मूला मूल. जीवफुडा जाब बीया बीयजीवफुडा कम्हा णं भंते! वणस्सइकाइया आहारेति कम्हा परिणार्मेति ? गोयमा ! मूला मूलजीवफुडा पुढबीजीवपडिबद्धा तम्हा आहारंति तम्दा परिणा मेंति कंदा कंदजीवफुडा मूलजीवपडिबद्धा तम्हा आहारेन्ति तम्हा परिणामेन्ति, एवं जाव बीया बीयजीवफुडा फलजीवपडिबद्धा तम्हा आहारेन्ति तम्हा परिणामेन्ति । २७५। अह भंते! आहुए मूलए सिंगबेरै हिरिली सिरिलि सिस्सिरिली किडिया छिरिया छीरिचिरालिया कण्हकंदे वज्जाकंदे सूरणकंदे खेलूडे अदए भद्दमुत्था पिंडहलिदा लोही णीहू बीह थिरुगा मुग्गकन्नी अस्सकनी सीहंडी मुंसुंदी जे यावन्ने तहम्पगारा सब्बे ते अनंतजीवा विविहसन्ता ?, हंता गोयमा आलए मूलए जाव अनंतजीवा विविहसत्ता २७६ सिय भंते! कण्ह लेसे नेरइए अप्पकम्मतराए नीललेसे नेरइए महाकम्मतराए ?. हंता सिया से केणट्टेणं० एवं बुच्चइ-कण्डलेसे नेरइए अप्पकम्मतराए नीललेसे नेरइए महाकम्मतराए १. गोयमा ! ठिति पच्च, से तेणट्टेणं गोयमा! जाव महाकम्मतराए, सिय भंते! नीललेसे नेरइए अप्पकम्मतराए काउलेसे नेरइए महाकम्मतराए ?. हंता सिया से केणट्टेणं भंते! एवं बुच्चतिनीललेसे० अप्पकम्मतराए काउलेले नेरइए महाकम्मतराए १, गोयमा ठितिं पडुच्च से तेणद्वेणं गोयमा जाव महाकम्मतराए, एवं असुरकुमारेऽवि नवरं तेउलेसा अन्मदिया. एवं जाव वैमाणिया, जस्म जइ लेस्साओ तस्स तत्तिया भाणियव्वाओ, जोइसियस्स न भन्नइ, जाब सिय भंते! पहलेसे वैमाणिए अप्पकम्मतराए सुकलेसे बेमाणिए महाकम्मतराए ?, हंता सिया से केणद्वेणं० सेसं जहा नेरइयस्स जाव महाकम्मतराए । २७७। से नूणं भंते! जा वेदणा सा निजरा जा निज्जरा सा वेदणा ? गोयमा णां तिणडे समठ्ठे से केणट्टणं भंते! एवं बच्चइ जा वेयणा न सा निज्जरा जा निजरा न सा वेयणा ? गोयमा कम्मं वेदणा णोकम्मं निज्जरा से तेणद्वेणं गोयमा! जाव न सा वेदणा, नेरइयाणं भंते! जा वेदणा सा निज्जरा जा निज्जरा सा वेयणा ?, गोयमा ! णो तिणट्टे समड़े से केणद्वेणं भंते! एवं बुच्चइ नेरइयाणं जा बेयणा न सा निजरा जा निजरा न सा बेयणा ? गोयमा नेरइयाणं कम्म वेदणा णोकम्मं निजरा से तेणट्टेणं गोयमा जाव न सा वेयणा, एवं जाव वैमाणियाणं, से नृणं भंते! जं वेदसु तं निज्जरिंसु जं निज्जरिसु तं वेदेसु ? णो तिणट्टे समट्टे से केणट्टेणं भंते! एवं बुबइ जं वेदेसु नो तं निज्जरें जं निजरेंसु नो तं वेदेंसु ?, गोयमा कम्मं वेदेंसु नोकम्मं निज्जरिंसु से तेणट्टेणं गोयमा जाव नो तं वेदेंसु, नेरइया णं भंते! जं वेदेंख तं निज्जरि० ?, एवं नेरइयावि, एवं जाव वैमाणिया, से नूणं भंते! जं वेदेति तं निजरेंति जं निजरिति तं वेदेति ?, गोयमा! णो तिणट्टे समड़े से केणणं भंते! एवं बुच्चइ जाव नो तं वेदेति ?, गोयमा कम्मं वेदेति नोकम्मं निज्जरेंति से तेणट्टेणं गोयमा! जाव नो तं वेदेति, एवं नेरइयाचि जाव बेमाणिया से नूणं भंते! जं वेदिस्संति तं निजरिस्संति जं निज रिस्संति तं वेदिस्संति ?, गोयमा ! णो तिणट्टे समट्टे, से केणट्टेणं जाव णो तं वेदेस्संति ? गोयमा कम्मं वेदिस्संति नोकम्मं निज्वरिस्संति से तेणट्टेणं जाब नो तं निज्जरिस्संति, एवं नेरइयावि जाय बेमाणिया, से णूणं भंते! जे वेदणासमए से निजरासमए जे निज्जरासमए से वेदणासमए ?, नो तिणट्टे समट्टे से केणद्वेगं भंते! एवं बुच्चइ जे वेयणासमए न से निजरासमए जे निज्जरासमए न से वेदणासमए ? गोयमा जंसमयं वेदेति नो तंसमयं निज्जरंति जंसमयं निजरेंति नो तंसमयं वेदेति, अन्नस्मि समए वेदेति अन्नम्मि समए निजरेंति अन्ने मे वेदणासमए अन्ने से निज्जरासमए, से तेणट्टेणं जाय न से वेदणासमए न से निज्जरासमए, नेरइयाणं भंते! जे वेदणासमए से निजरासमए जे निजरासमए से वेदणासमए ?. गोयमा! णो तिण सम, सेकेणट्टेणं भंते! एवं बुच्च नेरइयाण जे वेदणासमए न से निज्जरासमए जे निज्जरासमए न से वेदणासमए ? गोयमा नेरइया णं जंसमयं वेदेति णो समयं निजरेंति जंसमयं निज्जरंति नो तंसमयं वेदेति अन्नम्म समए वेदंति अनंमि समए निज्जरेंति अने से वेदणासमए अन्ने से निजरासमए से तेणट्टेणं जाव न से वेदणासमए, एवं जाव वैमाणिया । २७८ । नेरइया णं भंते किं सासया असासया ? गोयमा सिय सासया सिय असासया से केणट्टणं भंते! एवं बुधइ नेरइया सिय सासया सिय असासया ?, गोयमा ! अवोच्छित्तिणयट्टयाए सासया वोच्छित्तिणयट्टयाए असासया, से तेणद्वेणं जाव सिय असासया, एवं जाव वैमाणिया जाव सिय असासया सेवं भंते! सेवं भंते ति । २७९ । (५४) २१६ श्रीभगवत्यं सतं मुनि दीपरत्नसागर
1
| SR No. | 003905 |
| Book Title | Aagam Manjusha 05 Angsuttam Mool 05 Bhagavati |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 248 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 169 MB |