Page Text
________________
नेरइया णं भंते! जे पोग्गले अत्तमायाए आहारैति ते किं आयसरीरखेत्तोगाढे पोग्गले अत्तमायाए आहारैति अणंतरखेत्तोगाडे पोग्गले अत्तमायाए आहारति परंपरखेत्तोगाडे पोगले अत्तमायाए आहारैति ?, गोयमा ! आयसरीरखेत्तोगाडे पोग्गले अत्तमायाए आहारंति नो अनंतरखेत्तोगाडे पोग्गले अत्तमायाए आहारैति नो परंपरखेत्तोगाढे०. जहा नेरझ्या तहा जाव माणियाणं दंडओ | २५७। केवली णं भंते! आयाणेहिं जाणति पासति ?, गोयमा! नो तिणट्टे०, से केणट्टेणं० १. गोयमा! केवली णं पुरच्छिमेणं मियंपि जाणइ अभियंपि जाणह जाव निव्वुडे दंसणे केवलिस्स, से तेणट्टेणं० 'जीवाण सुहं दुक्खं जीवे जीवति तहेव भविया य एगंतदुक्खवेयण अत्तमायाय केवली ॥ ५२ ॥ सेवं भंते! सेवं भंते! | २५८ उ०१० इति पष्ठं शतकं ॥ [ आहार १ विरति २ थावर ३ जीवा ४ पक्खी ५ य आउ ६ अणगारे ७ छउमत्थ ८ असंवुड ९ अनउत्थि १० दस सत्तमंमि सए ॥ ५३ ॥ तेणं काले जाव एवं वदासी जीवे णं भंते! कं समयमणाहारए भवइ ?, गोयमा ! पढमे समए सिय आहारए सिय अणाहारए चितिए समए सिय आहारए सिय अणाहारए ततिए समए सिय आहारए सिय अणाहारए चउत्थे समए नियमा आहारए, एवं दंडओ, जीवा य एगिंदिया य चउत्थे समए सेसा ततिए समए, जीवे णं भंते! कं समयं सव्वप्पाहारए भवति ?. गोयमा ! पढमसमयोववन्नए वा चरमसमए भवत्थे वा एत्थ णं जीवे णं सब्वप्पाहारए भवइ, दंडओ भाणियन्त्रो जाव वैमाणियाणं । २५९। किंसंठिए णं भंते! लोए पं० १. गोयमा ! सुपट्टगसंठिए लोए पं०, हेट्टा विच्छिन्ने जाव उप्पि उड्ढमुइंगागारसंठिए तंसि च णं सासयंसि लोगंसि हेट्टा विच्छिन्नंसि जाव उप्पि उड्ढमुइंगागारसंठियंसि उप्पन्ननाणदंसणधरे अरहा जिणे केवली जीवेऽवि जाणइ पासइ अजीवेऽवि० तो पच्छा सिज्झति जाव अंतं करेइ। २६० । समणोवासगस्स णं भंते! सामाइयकडस्स समणोवस्सए अच्छमा णस्स तस्स णं भंते! किं ईरियावहिया किरिया कज्जइ संपराइया किरिया कज्जइ ?, गोयमा ! णो ईरियावहिया किरिया कजति संपराइया किरिया कबड़, से केणद्वेणं जाव संप० किरिया कजति ?, गोयमा समणोवसयस्स णं सामाइयकडस्स समणोवस्सए अच्छमाणस्स आया अहिगरणीभवइ आयाहिगरणवत्तियं च णं तस्स नो ईरियावहिया किरिया कज्जइ संपराइया किरिया कज्जइ, से तेणद्वेणं जाय संपराइयाः । २६१। समणोवासगस्स णं भंते! पुव्वामेव तसपाणसमारंभ पञ्चक्खाए भवति पुढवीसमारंभ अपचक्खाए भवइ से य पुढविं खणमाणे अण्णयरं तसं पाणं विहिंसेज्जा से णं भंते! तं वयं अतिचरति ?, णो तिणट्टे समट्टे, नो खलु से तस्स अतिवायाए आउट्टति, समणोवासयस्स णं भंते! पुब्वामेव वणस्वहसमारंभ पञ्चक्खाए से य पुढविं खणमाणे अन्नयरस्स रक्खस्स मूलं छिंदेज्जा से णं भंते! तं वयं अतिचरति !, णो तिणट्टे समट्टे, नो खलु तस्स अइवायाए आउट्टति । २६२ । समणोवासए णं भंते! तहारूवं समणं वा माहणं वा फासुएसणिज्जेणं असणपाणखाइमसाइमेणं परिलाभेमाणे किं लभइ ?, गोयमा! समणोवासए णं तहारूवं समणं वा जान पडिलाभेमाणे तारूवस्स समणस्स वा माहणस्स वा समाहिं उप्पाएति, समाहिकारए णं तमेव समाहिं पडिलभइ, समणोवासए णं भंते! तहारूवं समणं वा जाव पडिलाभेमाणे किं चयति ?, गोयमा जीवियं चयति दुचयं चयति दुकरं करेति दुलहं लहइ बोहि बुज्झइ तओ पच्छा सिज्झति जाव अंतं करेति । २६३ । अस्थि णं भंते! अकम्मस्स गती पन्नायति ?, हंता अस्थि कहनं भंते! अकम्मस्स गती पन्नायति ?, गोयमा ! निस्संगयाए निरंगणयाए गविपरिणामेणं बंधणच्छेयणयाए निरिघणयाए पुव्वपओगेणं अकम्मस्स गती पं० कह भंते! निस्संगयाए निरंगणयाए गइपरिणामेणं बंधणच्छेयणयाए निरिधणयाए पुष्वप्पओगेणं अकम्मस्स गती पन्नायति ?, से जहानामए- केई पुरिसे सुकं तुंबं निच्छि निरुवहयंति आणुपुच्चीए परिकम्मेमाणे २ दम्भेहि य कुसेहि य वेढेइ त्ता अट्ठहिं मट्टियालेवेहिं लिंपइ ता उन्हे दलयति भूर्ति २ सुकं समाणं अत्थाहमतारमपोरिसियंसि उदगंसि पक्खिवेज्जा से नूणं गोयमा ! से तुंबे तेसिं अण्डं महियालेवाणं गुरुयत्ताए भारियत्ताए गुरुसंभारियत्ताए सलिलतलमविवदत्ता अहे धरणितलपट्टाणे भवइ ?, हंता भवइ, अहे णं से तंत्रे अदृष्टं मट्टि यावाणं परिक्लएणं धरणितलमतिबइत्ता उप्पिं सलिलतलपड्डाणे भवइ ?, हंता भवइ, एवं खलु गोयमा ! निस्संगयाए निरंगणयाए गइपरिणामेणं अकम्मस्स गई पञ्चायति, कह भंते! बंधणच्छेदणयाए अकम्मस्स गई पं० १, गोयमा ! से जहानामए-कलसिंबलियाइ वा मुग्गसिंबलियाइ वा माससिबलियाइ वा सिंबलिसिबलियाइ वा एरंडमिंजियाइ वा उण्हे दिना सुका समाणी फुडित्ताणं एगंतमंतं गच्छइ, एवं खलु गोयमा ०. कहलं भंते! निरिंधणयाए अकम्मस्स गती ? गोयमा से जहानामए-धूमस्स इंधणविष्पमुकस्स उद्धं बीससाए निव्वाधारण गती पवत्तति एवं खलु गोयमा १०, कहनं भंते! पुव्वप्पओगेणं अकम्मस्स गती पं० १, गोयमा से जहानामए-कंडस्स कोदंडविप्पमुकस्स लक्खाभिमुही निव्वाघाएणं गती पवत्त एवं खलु गोयमा ! पुञ्वप्पओगेणं अकम्मस्स गई पवत्तइ एवं खलु गोयमा ! नीसंगयाए निरंगणयाए जाव पुव्वप्यओगेणं अकम्मस्स गती पं० । २६४ । दुक्खी भंते! दुक्खेणं फुडे अदुक्खी दुक्खेणं फुडे ?, गोयमा ! दुक्खी दुक्खेणं फुडे नो अदुक्खी दुक्खेणं फुडे, दुक्खी णं भंते! नेरतिए दुक्खेणं फुडे अदुक्खी नेरतिए दुक्खेणं फुडे ?, गोयमा ! २१३ श्रीभगवत्थंग - संत 9
मुनि दीपरत्नसागर
| SR No. | 003905 |
| Book Title | Aagam Manjusha 05 Angsuttam Mool 05 Bhagavati |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 248 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 169 MB |