Page Text
________________
ग०,
अणगारे णं भंते! भावियप्पा देविं वेउब्वियसमुग्धाएणं समोहयं जाणरूवेणं जायमाणं जाणइ पासइ ?, गोयमा! एवं चेव, अणगारे णं भंते! भावियप्पा देवं सदेवीयं वेउब्वियसमुग्धाएवं समोहयं जाणरुवेणं जायमाणं जाणइ पासइ १, गोयमा! अत्येगइए देवं सदेवीयं पासइ नो जाणं पासइ एएणं अभिलावेणं चत्तारि भंगा, अणगारे णं भंते! भावियप्पा रुक्खस्स किं अंतो पासइ बाहिं पासइ ?, चउभंगो, एवं किं मूलं पासइ कंदं पा० १, मूलं पा० खंधं पा० १, चउभंगो, एवं मूलेणं बीजं संजोएयब्वं, एवं कंदेणचि समं संजोएयव्वं जाव बीयं, एवं जाव पुष्फेणं समं श्रीयं संजोएयव्यं, अणगारे णं भंते! भावियप्पा रुक्खस्स किं फलं पा० बीयं पा० १, चउभंगो । १५५। पभू णं भंते! वाउकाए एवं महं इत्थिरूवं वा परिसरूवं वा इत्थिरूवं वा जाणरूवं वा एवं जुग्गगिल्लिथिलिसीयसंदमाणियारूचं वा विउब्वित्तए ?, गोयमा ! णो तिणट्टे समट्ठे, वाउक्काएणं विकुच्वमाणे एवं महं पडागासंठियं रूवं विकुब्बइ, पभू णं भंते! बाउकाए एवं महं पडागासंठियं रूवं विउव्वित्ता अणेगाई जोयणाई गमित्तए ?, हंता ! पभू, से भंते! किं आयडीए गच्छइ परिड्ढीए गच्छइ ?, गोयमा ! आयड्ढीए ग० णो परिढीए ग०, जहा आयटीए एवं चेव आयकम्मुणावि आयप्पओगेणवि भाणियव्वं, से भंते! किं ऊसिओदगं गच्छ पयतोदगं ग० १, गोयमा ! ऊसिओदयंपि ग० पयतोदयंपि , से भंते! किं एमओपडागं गच्छइ दुहुओपडागं गच्छइ ?, गोयमा ! एगओ पडागं गच्छइ नो दुहओ पडागं गच्छइ, से णं भंते! किं वाउकाए ? पडागा ?, गोयमा ! वाउकाए णं से, नो खलु सा पढागा । १५६ । पभू णं भंते! बलाहगे एगं महं इत्थिरूवं वा जाव संद्माणियारूवं वा परिणामेत्तए ?, हंता पभू, पभू णं भंते! बलाहए एवं महं इत्थिरूवं० परिणामेत्ता अणेगाई जोयणाई गमित्तए ?, हंता पभू, से भंते! किं आयड्ढीए गच्छइ परिढीए गच्छइ ?, गोयमा ! नो आयडीए गच्छति परिड्ढीए ग०, एवं नो आयकम्मुणा परकम्मुणा नो आयपओगेणं परप्पओगेणं ऊसितोदयं वा गच्छइ पयोदयं वा गच्छइ, से भंते! किं बलाहए ? इत्थी ?, गोयमा ! बलाहए णं से, णो खलु सा इत्थी, एवं पुरिसेण, आसे हत्थी, पभू णं भंते! बलाहए एवं महं जाणरूवं परिणामेत्ता अणेगाई जोयणाई गमित्तए ? जहा इत्थिरुवं तहा भाणियव्वं, णवरं एगओचक्कवालंपि दुहओचक्कवालंपि गच्छत्ति भाणियव्वं, जुग्गगिल्लिथिल्लिसीयासंदमाणियाणं तहेव । १५७॥ जीवे णं भंते! जे भविए नेरइएस उववज्जित्तए से णं भंते! किंलेसेसु उववज्जति ?, गोयमा ! जलेसाई दवाई परियाइत्ता कालं करेइ तलेसेसु उववज्जइ, तं० कण्हलेसेसु वा नीललेसेसु वा काउलेसेसु वा एवं जस्स जा लेस्सा सा तस्स भाणियचा जाव जीवे णं भंते! जे भविए जोतिसिएस उपवजित्तए पुच्छा, गोयमा! जलेसाइं दब्बाई परियाइत्ता कालं करेइ तलेसेसु उववज्जइ, तं० तेउलेस्सेसु, जीवे णं भंते! जे भविए वेमाणिएसु उववज्जित्तए से णं भंते! किंलेस्सेसु उववज्जइ ?, गोयमा ! जल्लेस्साई दवाई परियाइत्ता कालं करेइ तलेसेसु उववज्जइ, तं० तेउलेस्सेसु वा पहलेसेसु वा सुकलेसेसु वा १५८। अणगारे णं भंते! भावियप्पा बाहिरए पोग्गले अपरियाइत्ता पभू बेभारं पव्वयं उत्तए वा लंघेत्तए वा ? गोयमा ! णो तिणट्टे समद्वे, अणगारे णं भंते! भावियप्पा बाहिरए पोग्गले परियाइत्ता पभू वेभारं पव्वयं उत्तए वा पलंघत्तए वा ?, हंता पभू, अणगारे णं भंते! भावियप्पा बाहिरए पोग्गले अपरियाइत्ता जावइयाई रायगिहे नगरे रूवाई एवइयाई विकुव्वित्ता वैभारं पव्वयं अंतो अणुष्पविसित्ता पभू समं वा विसमं करेत्तए विसमं वा समं करेत्तए ?, गोयमा ! णो इणट्टे समद्वे, एवं चैव बीतिओऽवि आलावगो णवरं परियातित्ता पभू, से भंते! किं माई विकुव्वति अमाई विकुव्वइ ?, गोयमा ! माई विकुब्वइ नो अमाई विकुव्वति, से केणट्टेणं भंते! एवं बुम्बइ जाव नो अमाई विकुब्वड १. गोयमा ! माईणं पणीयं पाणभोयणं भोच्चा वामेति तस्स णं तेणं पणीएणं पाणभोयणेणं अट्ठि अट्ठिमिंजा बहुलीभवति पयणुए मंससोणिए भवति, जेऽविय से अहाचायरा पोम्गला तेऽविय से परिणमंति, तं०- सोविंदयत्ताए जाव फासिंदियत्ताए अद्विअद्विमिंज केसमंसुरोमनहत्ताए सुकत्ताए सोणियत्ताए, अमाई णं लूहं पाणभोयणं भोच्चा २ णो वामेइ, तस्स णं तेणं लूहेणं पाणभोयणेणं अद्विअट्टिमिंजा० पयणू भवंति वहले मंससोणिए, जेऽविय से अहाबादरा पोग्गला तेऽविय से परिणमंति, तं० उच्चारत्ताए पासवणत्ताए जाव सोणियत्ताए, से तेणट्टेणं जाव नो अमाई विकुब्बइ, माई णं तस्स ठाणस्स अणालोइयपडिकंते कालं करेइ नत्थि तस्स आराहणा, अमाई णं तस्स ठाणस्स आलोइयपडिकंते कालं करेइ अत्थि तस्स आराहणा, सेवं भंते! सेवं भंते! त्ति । १५९ ॥ श० ३ उ० ४ ॥ अणगारे णं भंते! भावियप्पा बाहिरए पोग्गले अपरियाइत्ता पभू एगं महं इत्थिरूवं वा जाव संदमाणियारूवं वा विउब्वित्तए ?, णो ति०, अणगारे णं भंते! भावियप्पा बाहिरए पोग्गले परियाइत्ता पभू एवं महं इत्थिरूवं वा जाव संदमणियारूवं वा विव्वित्तए ?, हंता पभू, अणगारे णं भंते! भावि० केवतियाई पभू इत्थिरुवाई विकुव्वित्तए ?, गोयमा ! से जहानामए जुवई जुवाणे हत्थेणं हत्ये गेण्हेज्जा चकस्स वा नाभी अरगाउत्ता सिया एवामेव अणगारेऽवि भावियप्पा वेउव्वियसमुग्धाएणं समोहण्णइ जाव पभू णं गोयमा! अणगारे णं भावियप्पा केवलकप्पं जंबुद्दीवं २ बहिं इत्थीरूवेहिं आइ वितिकिन्नं जाव एस णं गोयमा ! अणगारस्स भावि० अयमेयारूवे विसए विसयमेत्ते बुम्बइ, नो चेव णं संपत्तीए विकुब्विँसु वा०, एवं परिवाडीए नेयव्वं जाव संदमाणिया, से जहा१९० श्रीभगवत्यं सत-श
मुनि दीपरत्नसागर
| SR No. | 003905 |
| Book Title | Aagam Manjusha 05 Angsuttam Mool 05 Bhagavati |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 248 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 169 MB |