Page Text
________________
नो तेयोया सिय दावरजुम्मा नो कलियोगा विहाणादेसेणं नो कड० नो तेयोया दावर० नो कलियोगा, तिपएसिया णं० पुच्छा, गोयमा ! ओघादेसेणं सिय कड० जाव सिय कलियोगा विहाणादेसेणं नो कड० तेयोगा नो दावर० नो कलियोगा, चउप्पएसियाणं पुच्छा, गोयमा! ओघादेसेणवि विहाणादेसेणवि कडजुम्मा नो तेयोगा नो दायरा नो कलियोगा, पंचपएसिया जहा परमाणुपोग्गला उपएसिया जहा दुप्पएसिया सत्तपएसिया जहा तिपएसिया अट्ठपएसिया जहा चउप्पएसिया नवपएसिया जहा परमाणुपोग्गला दसपएसिया जहा दुपएसिया, संखेजपएसियाण पुच्छा, गोयमा! ओघादेसेणं सिय कडजुम्मा जाव सिय कलियोगा विहाणादेसेणं कडजम्मावि जाव कलियोगाधि, एवं असंखेजपएसियावि अणंतपए. सियावि, परमाणुपोग्गले णं भंते ! किं कडजुम्मपएसोगाढे०? पुच्छा, गोयमा! नो कडजुम्मपएसोगाढे नो तेयोग० नो दावरजुम्म० कलियोगपएसोगाढे, दुपएसिए ण० पुच्छा, गोयमा! नो कडजुम्मपएसोगादे णो तेयोग० सिय दावरजुम्मपएसोगाढे सिय कलियोगपएसोगाढे, तिपएसिए पं० पुच्छा, गोयमा! णो कडजुम्मपएसोगाढे सिय तेयोगपएसोगाढे सिय दावर० सिय कलियोगपएसोगाडे, चउप्पएसिए पं० पुच्छा, गोयमा ! सिय कडजुम्मपएसोगाढे जाव सिय कलियोगपएसोगाढे, एवं जाव अणंतपएसिए, परमाणुपोग्गला णं भंते ! किं कड. पुच्छा, गोयमा! ओघादेसेणं कडजम्मपएसोगाढा णो तेयोग० नो दावर नो कलियोग विहाणादेसेणं नो कडजम्मपएसोगाढा णो तेयोग० नो दावर० कलिओगपएसोगाढा, दुष्पएसियाणं पुच्छा, गोयमा ! ओघादेसेणं कडजुम्मपएसोगाढा नो तेयोग० नो दावर० नो कलिओग० विहाणादेसेणं नो कडजुम्मपएसोगाढा नो तेयोगपएसोगाढा दावरजुम्मपएसोगाढापि कलियोगपएसोगाढावि, तिप्पएसियाणं पुच्छा, गोयमा ! ओघादेसेणं कडजुम्मपएसोगाढा नो तेयोग० नो दावर नो कलि विहाणादेसेणं नो कडजुम्मपएसोगाढा तेओगपएसोगाढावि दावरजुम्मपएसोगाढापि कलिओगपएसोगाढापि, चउप्पएसियाणं पुच्छा, गोयमा ! ओघादेसेणं कडजुम्मपएसोगाढा नो नेयोग नो दावर नो कलिओग विहाणादेसेणं कडजुम्मपएसोगाढावि जाव कलिओगपएसोगाढावि, एवं जाव अणंतपएसिया, परमाणुपोग्गले णं भंते ! किं कडजुम्मसमयहितीए०? पुच्छा, गोयमा ! सिय कडजुम्मसमयद्वितीए जाव सिय कलिओगसमयद्वितीए, एवं जाव अणंतपएसिए, परमाणुपोग्गला णं भंते! किं कडजुम्म०? पुच्छा, गोयमा ! ओघादेसेणं सिय कडजुम्मसमयठितीया जाब सिय कलियोगसमयद्वितीया विहाणादेसेणं कहजम्मसमयद्वितीयापि जाव कलियोगसमयद्वितीयावि, एवं जाव अणंतपएसिया, परमाणुपोग्गले णं भंते ! कालपनपजहिं कि कडजम्मे तेओगे०१, जहा ठितीए पत्तव्यया, एवं वनेवि सब्वेसु, गंधसुवि एवं चेव, रसेमुवि जाव महुरो रसोति, अणंतपएसिए णं भंते ! बंध कक्खडफासपनवेहि किं कटजम्मे०१ पच्छा, गोयमा ! सिय कडजुम्मे जाव सिय कलिओगे, अणंतपएसिया णं भंते! खंधा कक्खडफासपजवेहिं किं कडजुम्मा०? पुच्छा, गोयमा! ओघादेसेणं सिय कडजुम्मा जाय सिय कलियोगा विहाणादेसेणं कडजुम्मावि जाव कलियोगावि, एवं मउयगरुयलहुयावि भाणियब्वा, सीयउसिणनिदलुक्खा जहा बना । ७४३ । परमाणुपोग्गले णं भंते ! किं सड्ढे अणड्ढे ?, गोयमा ! नो सड्ढे अणइटे, दुपएसिए णं० पुच्छा, गोयमा ! सड्ढे नो अणड्ढे, तिपएसिए जहा परमाणुपोग्गले, चउपएसिए जहा दुपएसिए, पंचपएसिए जहा निपएसिए, छप्पएसिए जहा दुपएसिए सत्तपएसिए जहा तिपएसिए अट्ठपएसिए जहा दुपएसिए नवपएसिए जहा तिपएसिए दसपएसिए जहा दुपएसिए, संखेजपएसिए णं भंते ! खंधे० पुच्छा, गोयमा ! सिय सढे सिय अणड्ढे, एवं असंखेजपएसिएऽपि, एवं अणंतपएसिएवि, परमाणुपोग्गला णं भंते! किं सड्दा अणड्ढा?, गोयमा! सड्ढा वा अणड्ढा या, एवं जाव अणं. तपएसिया७४४ा परमाणुपोग्गले णं भंते ! कि सेए निरेए ?, गोयमा ! सिय सेए सिय निरेए, एवं जाच अणंतपएसिए, परमाणुपोग्गला णं भंते ! कि सेया निरेया ?, गोयमा ! सेयावि निरेयावि, एवं जाव अणंतपएसिया, परमाणुपोग्गले णं भंते ! सेए कालओ केवचिरं होइ?, गोयमा! जह० एक समयं उक्को आवलियाए असंखेजाइभार्ग, परमाणुपोग्गले णं भंते! निरेए कालओ केवचिरं होइ?, गोयमा ! जह• एक समय उकोसेणं असंखेनं कालं, एवं जाव अणंतपएसिए, परमाणुपोग्गला णं भंते ! सेया कालओ केवचिरं होन्ति ?, गोयमा ! सव्वदं, परमाणुपोग्गलाणं भंते ! निरेया कालओ केवचिरं होन्ति ?, गोयमा ! सव्वदं, एवं जाव अणंतपएसिया, परमाणुपोग्गलस्सणं भंते ! सेयस्स केवतियं कालं अंतर होइ?, गोयमा ! सट्ठाणंतरं पडुच जहनेणं एक समयं उक्कोसेणं असंखेनं कालं परट्ठाणंतरं पडुच जहन्नेणं एक समयं उकोसेणं असंखेज कालं, निरेयस्स केवतियं कालं अंतर होइ?, गोयमा! सट्ठाणंतरं पहुंच जहन्नेणं एक समयं उक्कोसेणं आवलियाए असंखेजइभागं परट्ठाणंतरं पहुंच जहन्नेणं एक समयं उकोसेणं असंखेज कालं, दुपएसियस्सणं भंते ! खंधस्स सेयस्स. पुच्छा, गोयमा ! सट्ठाणंतरं पड़च जहनेणं एक समयं उक्कोसेणं असंखेज कालं परहाणंतरं पटुच जहन्नेणं एक समयं उकोसेणं अणतं कालं, निरेयस्स केवनियं कालं अंतर होइ?, गोयमा ! सट्ठाणंतरं पड़ जहनेणं एक समयं उकोसेणं आवलियाए असंखेजइभागं परहाणंतरं पहुंच जहन्नेणं एकं समयं उकोसेणं अणतं कालं, एवं जाय अर्णतपएसियस्स, परमा. ३७१ श्रीभगवत्यंग २५
मुनि दीपरनसागर
| SR No. | 003905 |
| Book Title | Aagam Manjusha 05 Angsuttam Mool 05 Bhagavati |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 248 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 169 MB |