Page Text
________________
वनपज्जवेहिं, एवं पंचहिं वनेहिं दोहिं गंधेहिं पंचहिं रसेहिं अट्टहिं फासेहिं जाव लुक्खफासपज्जवेहिं । ७२८ । सेढीओ णं भंते! दब्बट्टयाए किं संखेज्जाओ असंखेजाओ अनंताओ ?, गोयमा ! नो संखेज्जाओ नो असंखे० अणंताओ, पाईणपडीणायताओ णं भंते! सेढीओ दव्वट्टयाए किं संखेजाओ० एवं चेव, एवं दाहिणुत्तरायताओऽवि, एवं उड्ढमहायताओऽवि, लोगागाससेढीओ णं भंते! दब्बट्टयाए किं संखेजाओ असंखेज्जाओ अणंताओ ?, गोयमा ! नो संखेजाओ असंखेजाओ नो अनंताओ, पाईणपडीणायताओ णं भंते! लोगागाससेढीओ दब्बट्टयाए किं संखेजाओ एवं चेव, एवं दाहिणुत्तराययाओऽवि एवं उढमहायताओऽवि, अलोयागाससेढीओ णं भंते! दब्बट्टयाए किं संखेज्जाओ असंखेज्जाओ अणताओ ?, गोयमा! नो संखेज्जाओ नो असंखेजाओ अणंताओ, एवं पाईणपडीणाययाओऽवि, एवं दाहिणुत्तराययाओऽवि एवं उड्ढमहायताओऽवि, सेढीओ णं भंते! पएसट्टयाए किं संखेज्जाओ जहा दब्बट्टयाए तहा पएसट्टयाएऽवि जाव उढमहाययाओऽवि सब्बाओ अणंताओ, लोयागाससेढीओ णं भंते! पएस० किं संखेजाओ० पुच्छा, गोयमा! सिय संखेजा सिय असं० नो अणताओ एवं पाईणपडीणायताओऽवि दाहिणुत्तरायताओऽवि एवं चेव उड्ढमहायताओऽवि नो संखेजाओ असंखे० नो अनंताओ, अलोगागाससेढीओ णं भंते! पएसइयाए० पुच्छा, गोयमा ! सिय संखेज्जा सिय असं० सिय अनंताओ, पाईणपडीणाययाओ णं भंते! अलोया० पुच्छा, गोयमा ! नो संखेज्जाओ नो असंखेज्जाओ अणंताओ एवं दाहिणुत्तरायताओऽवि, उढमहायताओ पुच्छा, गोयमा! सिय संखेजाओ सिय असं सिय अनंताओ। ७२९। सेडीओ णं भंते! किं साइयाओ सपज्जवसियाओ साईयाओ अपज्जवसि० अणादीयाओ सपज्जवसियाज अणादीयाओ अप० १, गोयमा ! नो सादीयाओ सप० नो सादीयाओ अप० णो अणादीयाओ सप० अणादीयाओ अप०, एवं जाब उड्ढमहायताओ, लोयागाससेढीओ गं भंते! किं सादीयाओ सप० पुच्छा, गोयमा! सादीयाओ सपज्जवसियाओ नो सादीयाओ अपज्जबसियाओ नो अणादीयाओ सपज्जव नो अणादीयाओ अपन एवं जाव उड्ढमहायताओ, अलोयागाससेढीओ णं भंते! किं सादीयाओ सप० पुच्छा, गोयमा सिय साइयाओ सपज्जवसियाओ सिय साइयाओ अपज्जवसियाओ सिय अणादीयाओ सपाबसियाओ सिय अणाइयाओ अपजबसियाओ, पाईणपडीणाययाओ दाहिणुत्तरायताओ य एवं चेव, नवरं नो सादीयाओ सपज्जवसियाओ सिय साईयाओ अपजवसियाओ से तं चेव, जाव उढमहायताओ, जहेब ओहियाओ तहेब चउभंगा, सेढीओ णं भंते! दव्वट्टयाए किं कडजुम्माओ तेओयाओ ०१ पुच्छा, गोयमा ! कडजुम्माओ नो तेओयाओ नो दावरजुम्माओ नो कलिओगाओ, एवं जाव उड्ढमहायताओ, लोगागाससेढीओ एवं चेव, एवं अलोगागाससेढीओऽवि, सेटीओ णं भंते! पएसट्टयाए किं कडजुम्माओ० पुच्छा, एवं चेव, एवं जात्र उड्ढमहायताओ, लोयागाससेढीओ णं भंते! पएसट्टयाए० पुच्छा, गोयमा! सिय कडजुम्माओ नो तेओयाओ सिय दावरजुम्माओ नो कलिओगाओ, एवं पाईणपडीणायताओऽवि दाहिणुत्तरायताओऽवि, उड्ढमहाययाओ णं पुच्छा, गोयमा ! कडजुम्माओ नो तेओगाओ नो दावरजुम्माओ नो कलियोगाओ, अलोगागाससेढीओ णं भंते! पएसइयाए पुच्छा, गोयमा ! सिय कडजुम्माओ जाव सिय कलिओगाओ, एवं पाईणपडीणायताओऽवि एवं दाहिणुत्तरायताओऽवि, उढमहायताओऽवि एवं चेव, नवरं नो कलिओगाओ सेसं तं चैव । ७३० । कति णं भंते! सेडीओ पं०१, गोयमा ! सत्त सेडीओ पं० तं० उज्जुआयता एगओवंका दुहओवंका एगओखहा दुहओखहा चकवाला अद्धचकवाला, परमाणुपोग्गलाणं भंते! अणुसेटींगती पवत्तति विसेटिं गती पवत्तति १, गोयमा ! अणुसेटिं गती पवत्तति नो विसेटिं गती पवत्तति, दुपएसियाणं भंते! खंधाणं अणुसेटीं गती पवत्तति बिसेटीं गती पवत्तति ?, एवं चेव, एवं जाव अणतपएसियाणं खंधाणं, नेरइयाणं भंते! किं अणुसेढीं गती पवत्तति विसेटीं गती पवत्तति १, एवं चेव, एवं जाव वेमाणियाणं । ७३१ । इमीसे णं भंते! रयणप्पभाए पुढवीए केवतिया निरयावाससयसहस्सा पं० १, गोयमा! तीसं निरयावाससयसहस्सा पं० एवं जहा पढमसते पंचमुद्देसगे जाव अणुत्तरविमाणत्ति । ७३२। कइविहे णं भंते! गणिपिडए पं० १, गोयमा! दुवालसंगे गणिपिडए पं० तं० आयारो जाव दिट्टिवाओ से किं तं आयारो ?, आयारे णं समणाणं निम्गंधाणं आयारगो० एवं अंगपरूवणा भाणियव्या जहा नंदीए, जाव 'सुत्तत्यो खलु पढमो बीओ निजुत्तिमीसिओ भणिओ। तइओ य निरवसेसो एस विही होइ अणुओगे ॥ ९४ ॥ ७३३। एएसिं णं भंते! नेरतियाणं जाव देवाणं सिद्धाण य पंचगतिसमासेणं कयरे० १ पुच्छा, गोयमा ! अप्पाबहुयं जहा बहुवत्तब्वयाए अट्टगइसमासअप्पा बहुगं च, एएसिं णं भंते! सइंदियाणं एमिंदियाणं जाव अनिंदियाण य कयरे ०१, एयंपि जहा बहुवत्तव्ययाए तहेव ओहियं पयं भाणियव्वं, सकाइयअप्पाचहुगं तहेव ओहियं भाणियच्यं, एएसिं णं भंते! जीवाणं पोम्गलाणं जाव सव्वपजवाण व कयरे ०? जाव बहुवत्तब्वयाए, एएसिं णं भंते! जीवाणं आउयस्स कम्मस्स बंधगाणं अबंधगाण० जहा बहुवत्तव्वयाए जाव आउयस्स कम्मस्स अबंधगा विसेसाहिया सेवं भंते! सेवं भंते! ति ॥७३४॥ श ० २५.३०३ ॥ कति णं भंते! जुम्मा पं०१, गोयमा ! चत्तारि जुम्मा पं० तं० कडजुम्मे जाव कलिओगे, से केणट्टेणं एवं बु० चत्तारि जुम्मा पं० तं० कडजुम्मे जहा अट्टारसमसते ३६७ श्रीभगवत्यंग रातंर
मुनि दीपरत्नसागर
| SR No. | 003905 |
| Book Title | Aagam Manjusha 05 Angsuttam Mool 05 Bhagavati |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 248 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 169 MB |