Page Text
________________
खंधे कतिवन्ने ?, जहा पंचपएसिए तहेव निरवसेसं, बादरपरिणए णं भंते ! अणंतपएसिए खंधे कतिवन्ने० पुच्छा, गोयमा! सिय एगवन्ने जाब सिय पंचवन्ने सिय एगगंधे सिय दुगंधे सिय एगरसे जाव सिय पंचरसे सिय चउफासे जाव सिय अट्टफासे पं० । सेवं भंते २त्ति । ६३२॥श०१८ उ०६॥ रायगिहे जाव एवं बयासी-अन्नउत्थिया णं भंते! एवमाइक्खंति जाव परुति-एवं खलु केवली जक्खाएसेणं आइस्सति एवं खलु केवली जक्खाएसेणं आतिट्टे समाणे आहञ्च दो भासाओ भासति, तं०- मोसं वा सच्चामोसं वा, से कहमेयं भंते ! एवं ?, गोयमा ! जण्णं ते अनउत्थिया जाय जे ते एबमाइंसु मिच्छं ते एवमाहंसु, अहं पुण गोयमा! एवमाइक्खामि०-नो खलु केवली जक्खाएसेणं आइस्सति, नो खलु केवली जक्खाएसेणं आतिढे समाणे आहच दो भासाओ भासति तं०- मोसं वा सच्चामोसं वा, केवली णं असावजाओ अपरोवघाइयाओ आच दो भासाओ भासति, तं- सच्चं वा असचामोसं वा । ६३३ । कतिचिहे णं भंते ! उवही पं०१, गोयमा! विविहे उबही पं०२०-कम्मोवही सरीरोवही बाहिरगभंडमत्तोवगरणोवही, नेरइयाणं भंते ! पुच्छा, गोयमा! दुबिहे उवही पं०२०-कम्मोवही य सरीरोवही य, सेसाणं तिविहा उवही एगिदियवज्जाणं जाव वेमाणियाणं, एगिदियाणं दुविहे पं० २०-कम्मोवही य सरीरोचही य, कतिविहे णं भंते! उवही पं०?, गोयमा तिबिहे उवही पं० त०- सचित्ते अचित्ते मीसए, एवं नेरइयाणवि, एवं निरवसेसं जाव वेमाणियाण, कतिविहे णं भंते परिग्गहे पं०?, गोयमा ! तिविहे परिग्गहे पं० तं०-कम्मपरिग्गहे सरीरपरिग्गहे बाहिरगभंडमत्तोवगरणपरिग्गहे, नेरइयाणं भंते! एवं जहा उबहिणा दो दंडगा भणिया तहा परिग्गहेणवि दो दंडगा भाणियव्वा, कहविहे णं भंते! पणिहाणे पं० १, गोयमा ! तिविहे पणिहाणे पं० त०-मणपणिहाणे वइपणिहाणे कायपणिहाणे, नेरइयाणं भंते ! कइविहे पणिहाणे पं०१, एवं चेव, एवं जाव थणियकुमाराणं, पुढवीकाइयाणं पुच्छा, एगे कायपणिहाणे पं०, एवं जाव वणस्सइकाइयाणं, बेइंदियाणं पुच्छा, गोयमा ! दुविहे पणिहाणे पं० २०-वइपणिहाणे य कायपणिहाणे य, एवं जाव चाउरिदियाणं, सेसाणं तिविहेऽवि जाव वेमाणियाणं, कतिविहे णं भंते! दुष्यणिहाणे पं०?, गोयमा ! तिविहे दुप्पणिहाणे पं० तं०-मणदुप्पणिहाणे जहेब पणिहाणेणं दंडगो भणिओ तहेव दुप्पणिहाणेणवि भाणियब्यो, कतिविहे णं भंते! सुप्पणिहाणे पं०, गोयमा ! तिचिहे सुप्पणिहाणे पं० तं०-मणसुप्पणिहाणे वइसुप्पणिहाणे कायसुप्पणिहाणे, मणुस्साणं भंते! कइविहे सुप्पणिहाणे पं०१, एवं चेव । सेवं भंते २ जाव विहरति, तए णं समणे भगर्व महावीरे जाव बहिया जणवयविहारं विहरइ । ६३४। तेणं कालेणं० रायगिहे नामं नगरे गुणसिलए चेइए वनओ जाव पुढवीसिलापट्टओ, तस्स णं गुणसिलस्स चेइयस्स अदूरसामंते बहवे अन्नउस्थिया परिवसंति, तं०-कालोदायी सेलोदायी एवं जहा सत्तमसए अन्नउस्थिउद्देसए जाव से कहमेयं मन्ने एवं?, तत्थ णं रायगिहे नगरे मदुए नाम समणोवासए परिवसति अढे जाव अपरिभूए अभिगयजीवाजीवे जाब विहरति, वए णं समणे भगवं म० अन्नया कदायि पुव्वाणुपुब्बि चरमाणे जाव समोसढे परिसा पडिगया जाव फजुवासति, तए णं मददुए समणोवासए इमीसे कहाए लट्टे समाणे हट्टतुट्ट जाब हियए हाए जाब सरीरे साओ गिहाओ पडिनिक्खमति त्ता पादबिहारचारेणं रायगिहें नगरं जाव निग्गच्छति त्ता तेसिं अन्नउत्थियाणं अदूरसामंतेणं बीयीवयति, तए णं ते अनउस्थिया मदुयं समणोवासयं अदूरसामंतेणं बीयीवयमाणं पासंति त्ता अन्नमनं सहावेंति त्ता एवं क्यासी-एवं खलु देवाणुप्पिया! अम्हं इमा कहा अविउप्पकडा इमं च णं मदुए समणोवासए अम्हं अदूरसामंतेणं बीइबयइतं सेयं खलु देवाणुप्पिया! अम्हं मन्यं समणोवासयं एयमढे पुच्छित्तएत्तिकटु अन्नमस्स अंतियं एयमझु पडिसुणेति त्ता जेणेय मडुए समणोवासए तेणेव उवा त्ता मदुयं समणोवासयं एवं वदासी-एवं खलु मद्या ! तव धम्मायरिए धम्मोवदेसए समणे णायपुत्ते पंच अस्थिकाये पन्नवेइ जहा सत्तमे सए अनउत्थिउद्देसए जाव कहमेयं मद्रुया ! एवं ?, तए णं से मदुए समणोवासए ते अन्नउत्थिए एवं वयासी-जति कज्ज कजति जाणामो पासामो अह कजं न कज्जति न जान पा०, तए णं ते अन्नउस्थिया मद्यं समणोवासयं एवं बयासी-केसणं तुम मदुया! समणोवासगाणं भवसि जे णं तुमं एयमहूं न जाणसि न पाससि ?, तए णं से मदुए समणोवासए ते अन्नउत्थिए एवं वयासी अस्थि णं आउसो ! वाउयाए वाति ?, हंता अस्थि, तुझे णं आउसो ! बाउयायस्स वायमाणस्स एवं पासह ?, णो तिणढे समट्टे, अस्थि णं आउसो ! घाणसहगया पोग्गला ?, हंता अस्थि, तुज्झेणं आउसो!
घाणसहगयाणं पोग्गलाणं रूवं पासह?,णो विणढे०, अस्थि णं आउसो! अरणिसहगए अगणिकाये?,हंता अस्थि, तुझे णं आउसो! अरणिसहगयस्स अगणिकायस्स एवं पासह ?, णो ति०, अस्थि &ा गयाई रुवाई,हंता अस्थि, तुझे णं आउसो! समरस्स पारगयाई रुवाई पासह, णो ति०, अस्थि णं आउसो ! देवलोगगयाइं रूबाई,हंता अस्थि, तुझे णं आउसो देवलोगगयाई रुवाई पासह, णो वि०, एवामेव आउसो!
अहं वा तुझे वा अन्नो वा छउमत्थो जइ जो ज न जाणइ न पासइ तं सव्वं न भवति एवं ते सुबहुए लोए ण भविस्सतीतिकटु ते अन्नउस्थिए एवं पडिहणइ त्ता जेणेव गुणसिलए चेइए जेणेव समणे भ० महा० तेणेव उवाग. त्ता समणं भगवं महावीरं पंचविहेण अभिगमेणं जाव पजुवासति, मदुयादी! समणे भ० महा० मद्दुयं समणोवासग एवं वयासी-सुलु णं मद्या ! तुमं ते अन्नउथिए एवं वयासी, साहु णं मद्या ! तुम ते अन्नउ० एवं वयासी, जे णं मवुया ! अटुं वा हेर्ड वा पसिणं वा वागरणं वा अन्चायं अदिटुं अस्सुतं अमय अविष्णायं बहुजणमझे आघवेति पन्नवेति जाब उवदंसेति से णं अरिहंताणं आसायणाए वदति अरिहंतपन्नत्तस्स धम्मस्स आसायणाए वहति केवलीणं आसायणाए वहति केवलीपन्नत्तस्स धम्मस्स आसायणाए वहति तं सुट्ठ णं तुम मद्या! ते अन्नउ० एवं वयासी साहु णं तुम मद्या! एवं क्यासी, तए णं मदुए समणोवासए समणेणं भग० महा० एवं यु० समाणे हद्वतुढे समणं भ० महावीर 40नत्ता पचासन्ने जाव पजुवासइ, तए णं सम० भ०म० मद्यस्स समणोवासगस्स तीसे य जाव परिसा पडिगया, तए णं मद्ये० समणस्स भ०म० जाव निसम्म हट्ट पसिणाई पुच्छति त्ता अट्ठाई परियातिइ त्ता उठाए उढेइ त्ता समणं भगवं महा०व० नमत्ता जाव पडिगए, भंतेत्ति भगवं गोयमे समणं भगवं महा०व० नमत्ता एवं बयासी-पभू णं भंते ! मदुए समणोवासए देवाणुप्पियाणं अंतियं जाव पव्वइत्तए?, णो तिणढे समढे, एवं जहेव संखे तहेच अरुणाभे जाव अंतं काहिति।६३५। देवे णं भंते! महड्ढिए जाव महेसक्खे रूवसहस्सं विउवित्ता पभू अन्नमन्नेणं सद्धिं संगाम संगामित्तए?,हंता पभू, ताओ ३३१ श्रीभगवत्यंग - १८
मुनि दीपरत्नसागर
SOYIELOPENASHIONARYGARSHEMISPHILOYENACTIONASHEELAMISSPEARIYAJYEARPCLICHIERRHARYANA
| SR No. | 003905 |
| Book Title | Aagam Manjusha 05 Angsuttam Mool 05 Bhagavati |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 248 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 169 MB |