Page Text
________________
मुंडेण परसुणा अवकमेज्जा, तए णं से पुरिसे महंताई २ सद्दाई करेइ नो महंताई २ दलाई अवहालेइ, एवामेव गोयमा ! नेरइयाणं पावाई कम्माई गाढीकयाई चिक्कणीकयाई एवं जहा छट्टसए जाव नो महापजवसाणा भवंति से जहानामए केई पुरिसे अधिकरणिं आउडेमाणे महया जाव नो महापज्जवसाणा भवंति से जहानामए-केई पुरिसे तरुणे बलवं जाव मेहावी निउणसिप्पोवगए एवं महं सामलिगंडियं उल्लं अजडिलं अगतिलं अचिकणं अवाइदं संपत्तियं तिक्खेण परसुणा अकमेजा, तए णं से पुरिसे नो महंताई २ सदाई करेति महंताई २ दलाई अवदालेति, एवामेव गोयमा ! समणाणं निम्गंथाणं अहाबादराई कम्माई सिढिलीकयाइं गिट्टियाई जाव खिप्पामेव परिविद्धत्याई भवंति जावतियं तावतियं जाव महापज्जवसाणा भवंति से जहा वा केई पुरिसे सुकतणहत्थगं जायतेयंसि पक्खिवेज्जा एवं जहा छट्ठसए तहा अयोकडिलेऽवि जाव महाप० भवंति से तेणट्टेणं गोयमा ! एवं चुच्चड जावतियं अन्नलाय समणे निम्थे कम्मं निः तं चैव जाव वासकोडाकोडीए वा नो खत्रयंति। सेवं भंते! सेवं भंते! जाव विहरइ । ५७३ ॥ श० १६ उ० ४ ॥ तेणं कालेणं० उड्डयतीरे नाम नगरे होत्था वन्नओ, एगजंबृए चेइए वन्नाओ, तेणं कालेणं० सामी समोसढे जाव परिसा पज्जुवासति, तेणं कालेणं० सके देविंदे देवराया वज्रपाणी एवं जहेब बितियउद्देसए तहेव दिव्वेणं जाणविमाणेणं आगओ जाव जेणेव समणे भगवं महावीरे तेणेव उवागच्छ ता जाव नमसित्ता एवं क्यासी- देवे णं भंते! महड्डिए जाव महेसक्खे बाहिरए पोग्गले अपरियाइत्ता पभू आगमित्तए ?, नो तिणट्टे समट्टे, देवे णं भंते! महड्डिए जाब महेसक्खे बाहिरए पोग्गले परियाइत्ता पम् आगमित्तए ?. हंता पभू. देवे णं भंते! महड्डिए एवं एएणं अभिलावेणं गमित्तए, एवं भासित्तए वा वागरितए वा उम्मिसावेत्तए वा निमिसावेत्तए वा, आउट्टावेत्तए वा पसारेत्तए वा, ठाणं वा सेज्जं वा निसीहियं वा चेइत्तए वा एवं विउस्सवित्तए वा. एवं परियारित्तए वा जाव हंता पभू, इमाई अट्ठ उक्खित्तपसिणत्रागरणाई पुच्छइ त्ता संभंतियवंदणपुणं वंदति त्ता तमेव दिव्वं जाणविमाणं दुरूहति ता जामेव दिसिं पाउब्भूए तामेव दिसिं पडिगए । ५७४ । भंतेत्ति भगवं गोयमे समणं भगवं महावीरं बंदति नम॑सति त्ता एवं बयासी अन्नदा णं भंते! सक्के देविंदे देवराया देवाणुप्पियं वंदति नम॑सति सकारेति जाव पज्जुवासति, किण्डं भंते! अज्ज सके देविंदे देवराया देवाणुप्पियं अट्ट उक्खित्तपसिणवागरणाई पुच्छ संभंतियवंदणएणं वंदति णमंसति ता जाव पडिगए ?, गोयमादी समणे भगवं म० भगवं गोयमं एवं वयासी एवं खलु गोयमा ! तेणं कालेणं महासुके कप्पे महासामाणे विमाणे दो देवा महड्डिया जाव महसक्खा एगविमादेवताए उववन्ना, तं०- मायिमिच्छादिट्टिउववन्नए य अमायिसम्मदिट्टिउववन्नए य, तए णं से मायिमिच्छादिट्टिउववन्नए देवे तं अमाथिसम्मदिडिउववन्नगं देवं एवं बयासी परिणममाणा पोग्गला नो परिणया अपरिणया परिणमंतीति पोग्गला नो परिणया अपरिणया, तए णं से अमायिसम्मदिडीउववन्नए देवे तं मायिमिच्छादिडीउववन्नगं देवं एवं वयासी परिणममाणा पोग्गला परिणया नो अपरिणया परिणमंतीति पोग्गला परिणया नो अपरिया तं मायिमिच्छादिट्ठीउववन्नगं एवं पडिहणइ ता ओहिं पउंजइ त्ता ममं ओहिणा आभोएड ता अयमयारूवे जाव समुप्पज्जित्था एवं खलु समणे भगवं महावीरे जंबुद्दीवे २ जेणेव भारहे वासे जेणेव उदयतीरे नगरे जेणेव एगजंचुए चेइए अहापडिरूवं जाव विहरति तं सेयं खलु मे समणं भगवं महावीरं वंदित्ता जाव पज्जुवासित्ता इमं एयारूवं वागरणं पुच्छित्तएत्तिकट्टु एवं संपेहेइ त्ता चउहिवि सामाणियसाहस्सीहि परियारो जहा सरियाभस्स जाव निग्घोसनाइयरवेणं जेणेव जंबुद्दीवे २ जेणेव भारहे वासे जेणेव उद्यातीरे नगरे जेणेव एगजंबुए चेइए जेणेव ममं अंतियं तेणेव पहारेत्य गमणाए, तए णं से सक्के देविंदे देवराया तस्स देवस्स तं दिव्वं देवढि दिव्वं देवजुतिं दिव्वं देवाणुभागं दिव्वं तेयलेस्सं असहमाणे ममं अट्ठ उक्खित्तपसिणवागरणाई पुच्छइ संभंतिय जाव पडिगए । ५७५। जावं च णं समणे भगवं महावीरे भगवओ गोयमस्त एयमहं परिकहेति तावं च णं से देवे तं देस हब्वमागए, तए णं से देवे समणं भगवं महावीरं तिक्खुत्तो वंदति नम॑सति ता एवं वयासी एवं खलु भंते! महासुके कप्पे महासामाणे विमाणे एगे मायिमिच्छादिडिउववन्नए देवे ममं एवं बयासी- परिणममाणा पोग्गला नो परिणया अपरिणया परिणमंतीति पोग्गला नो परिणया अपरिणया, तए णं अहं तं मायिमिच्छादिट्टिउचलगं देवं एवं वयामि परिणममाणा पोग्गला परिणया नो अपरिणया परिणमंतीति पोग्गला परिणया णो अपरिणया से कहमेयं भंते! एवं?, गंगदत्तादी समणे भगवं महावीरे गंगदत्तं एवं वयासी- अहंपि णं गंगदत्ता ! एवमाइक्खामि० परिणममाणा पोग्गला जाव नो अपरिणया, सच्चे णमेसे अट्टे. तए णं मे गंगदत्ते देवे समणस्स भगवओ महावीरस्स अंतियं एयम सोच्चा निसम्म हडतुडे समणं भगवं महावीरं वंदति नम० ता नच्चासने जाव पज्जुवासति, नए णं समणे भः महावीरे गंगदत्तस्स देवस्स तीसे य जाव धम्मं परिकहेइ जाव आराहए भवति, तए णं से गंगदत्ते देवे समणस्स भगवओ : अंतिए धम्मं सच्चा निसम्म हडतुडे उड़ाए उट्ठेति त्ता समणं भगवं महावीरं वंदति नम॑सति त्ता एवं क्यासी अहण्णं भंते! गंगदत्ते देव किं भवसिद्धिए अभवसिद्धिए? एवं जहा सरियाभो जाव बत्तीसतिविहं नट्टविहिं उवदंसेति ता जाव तामेत्र दिसिं पडिगए । ५७६ । भंनेति भगवं गोयमे समणं भगवं महावीरं जाव एवं वयासी-गंगदत्तस्त्र णं भंते । देवस्स सा दिव्वा देवदवी दिव्वा देवजुली जाव अणुष्पविट्टा ? गोयमा सरीरं गया सरीरं अणुष्पविट्ठा, कृडागारसालादिहंतो जाव सरीरं अणुष्पविट्ठा, अहो णं भंते! गंगदत्ते देवे महइढिए जाव महेसक्खे, गंगदत्तेण भंते! देवेणं सा दिव्वा देवड्ढी दिव्वा देवजुती किष्णा लदा जाव गंगदत्तेणं देवेणं सा दिव्वा देवढी जाव अभिसमन्नागया ?, गोयमादी समणे भगवं महावीरे भगवं गोयमं एवं वयासी एवं खलु गोयमा! तेणं कालेणं इहेव जंबुद्रीवे दीवे भारहे वासे हथिणापुरे नाम नगरे होत्था वन्नओ. सहसंबवणे उज्जाणे वन्नओ. तत्थ णं हत्यिणापुरे नगरे गंगदत्ते नामं गाहावती परिवसति अड्ढे जाव अपरिभूए, तेणं कालेणं॰ मुणिसुव्वाए अरहा आदिगरे जाव सब्वन्नू सव्वदरिसी आगासगएणं चक्केणं जाव पकड़िढजमाणेणं २ सीसगणसंपरिवुडे पुव्वाणुपुव्विं चरमाणे गामाणुगामं जाव जेणेव सहसंबवणे उज्जाणे जाव विहरति, परिसा निग्गया जाव पज्जुवासति, तए णं से गंगदत्ते गाहावती इमीसे कहाए लदट्ठे समाणे हट्टतुट्ट जाव कयबलि जाव सरीरे साओ गिहाओ पडिनिक्खमति ता पायविहारचारेणं हत्थिणागपुरं नगरं मज्झमज्झेणं निम्गच्छति ता जेणेव सहसंबवणे उज्जाणे जेणेव मुणिसुष्वए अरहा तेणेव उवागच्छइ ता मुणिसुब्वयं अरहं तिक्खुत्तो आ० ता जाव तिविहाए पज्जुवासणाए पज्जुवासति. तए णं मुषि३२१ श्रीभगवत्यंग - सम- 25
मुनि दीपरत्नसागर
| SR No. | 003905 |
| Book Title | Aagam Manjusha 05 Angsuttam Mool 05 Bhagavati |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 248 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 169 MB |