Page Text
________________
PRAISHRAISPOSERIEMISPRARTYEARSHASHAIRATPORNSFERMISFI18570648PICHIEFRASHIARPRANSPIRMISS
नो अपुढे उद्दाइ, से भंते ! किं ससरीरी निक्खमइ एवं जहा खंदए जाव नो असरीरी निक्खमइ ।५६२। इंगालकारियाए णं भंते ! अगणिकाए केवतियं कालं संचिट्ठति ?. गोयमा ! जहन्नेणं अंतोमुद्दत्तं उकोसेणं तिन्नि राइंदियाई, अन्नेऽवि तत्थ वाउयाए वक्रमति, न विणा वाउयाएणं अगणिकाए उज्जलति ।५६३। पुरिसे णं भंते ! अयं अयकोटुंसि अयोमाणं संडासएणं उब्धिहमाणे वा पब्विहमाणे वा कतिकिरिए ?, गोयमा! जावं च णं से पुरिसे अयं अयकोमुसि अयोमएणं संडासएणं उब्विहिति वा पब्बिहिति वा तावं च णं से पुरिसे कातियाए जाव पाणाइवायकिरियाए पंचहि किरियाहिं पुढे, जेसिपिय णं जीवाणं सरीरेहितो अए निव्वत्तिए अयकोट्टे निव्वत्तिए संडासए निव्वत्तिए इंगाला निव्वत्तिया इंगालकडिणी निव्वत्तिया भत्था निव्वत्तिया तेऽवि णं जीवा काइयाए जाब पंचहि किरियाहि पुट्ठा, पुरिसे णं भंते ! अयं अयकोढाओ अयोमएणं संडासएणं गहाय अहिकरणिसि उक्विपमाणे वा निक्खिप्पमाणे वा कतिकिरिए ?, गोयमा ! जावं च णं से पुरिसे अयं अयकोट्टाओ जाव निक्खिबइ वा तावं च णं से पुरिसे काइयाए जाव पाणाइवायकिरियाए पंचहि किरियाहिं पुढे, जेसिपिणं जीवाणं सरीरेहितो अयो निव्वत्तिए संडासए निव्वत्तिए चम्मेढे निव्वत्तिए मुट्टिए नियत्तिए अधिकरणी णि अधिकरीणखोडी णि उदगदोणी णि अधिकरणसाला निव्वत्तिया तेऽवि णं जीवा काइयाए जाव पंचहि किरियाहिं पुट्ठा। ५६४। जीवे णं भंते ! किं अधिकरणी अधिकरणं ?, गोयमा ! जीवे अधिकरणीचि अधिकरणंपि, से केणट्टेणं भंते! एवं बुच्चइ जीवे अधिकरणीवि अधिकरणंपि?, गोयमा ! अविरतिं पडुच, से तेणडेणं जाव अहिकरणंपि, नेरइए णं भंते! किं अधिकरणी अधिकरणं?, गोयमा! अधिकरणाविक एवं जहेब जीवे तहेव नेरइएऽवि, एवं निरंतरं जाव बेमाणिए, जीवे णं भंते ! किं साहिकरणी निरहिकरणी?, गोयमा! साहिकरणी नो निरहिकरणी, मे केगडेणः पृच्छा, गोयमा! अविरतिं पडच, से तेणड्रेणं जाव नो निरहिकरणी, एवं जाव बेमाणिए, जीवे णं भंते ! किं आयाहिकरणी पराहिकरणी तदभयाहिकरणी?. गोयमा ! आयाहिकरणीवि पराटिकरणीवि तदुभयाहिकरणीवि, से केणडेणं भंते ! एवं वुच्चइ जाय तदुभयाहिकरणीवि?, गोयमा ! अविरतिं पडुच्च, से तेणतुणं जाच तदुभयाहिकरणीचि, एवं जाव चेमाणिए, जीवाणं भंते : अधिकरणे किं आयप्पओगनिव्यत्तिए परप्पयोगनिव्यत्तिए तदुभयप्पयोगनिव्वत्तिए?, गोयमा ! आयपयोगनिब्वत्तिएऽवि परप्पयोगनिव्वत्तिएऽवि तदुभयप्पयोगनिव्वत्तिएऽवि, से केणद्वेणं भंते ! एवं बुबइ०?, गोयमा ! अविरतिं पडुच्च, से तेणद्वेणं जाव तदुभयप्पओगणिव्वत्तिएऽवि. एवं जाब वेमाणियाणं ।५६५। कइ णं भंते ! सरीरगा पं०, गोयमा ! पंच सरीरगा पं० २०-ओरालिए जाप कम्मए, कति णं भंते ! इंदिया पं०, गोयमा ! पंच इंदिया पं० २० सोइंदिए जाव फासिदिए, कतिविहे णं भंते ! जोए पं०?. गोयमा ! तिविहे जाए पं०२०-मणजोए वइजोए कायजोए, जीवे णं भंते ! ओरालियसरीरं निव्वत्तेमाणे किं अधिकरणी अधिकरणं ?, गोयमा ! अधिकरणीवि अधिकरणंपि, से केणडेणं भंते! एवं बुच्चइ अधिकरणीवि अधिकरणंपि?, गोयमा! अविरत पडुच्च, से तेणडेणं जाव अधिकरणंपि, पुढचीकाइए णं भंते! ओरालियसरीरं निव्वत्तेमाणे किं अधिकरणी अधिकरणं ?, एवं चेब, एवं जाव मणुस्से, एवं वेठब्वियसरीरंपि नवरं जस्स अस्थि, जीवे णं भंते ! आहारगसरीरं निव्वत्तेमाणे किं अधिकरणी? पुच्छा, गोयमा ! अधिकरणीवि अधिकरणपि, से केण?णं जाव अधिकरणंपि?, गोयमा! पमायं पडुच्च, से तेण?णं जाव अधिकरणपि, एवं मणुस्सेऽवि, तेयासरीरं जहा ओरालियं, नवरं सव्वजीवाणं भाणियब्वं, एवं कम्मगसरीरंपि. जीवे णं भंते! सोइंदियं निव्वत्तेमाणे किं अधिकरणी अधिकरणं, एवं जहेब ओरालियसरीरं तहेब सोइंदियंपि भाणियव्यं, नवरं जस्स अस्थि सोइंदियं, एवं चक्खिदियघाणिदियजिभिदियफासिंदियाणवि, नवरं जाणियव्वं जस्स जं अस्थि, जीवे णं भंते ! मणजोगं निव्वत्तेमाणे किं अधिकरणी अधिकरणं?, एवं जहेब सोइंदियं तहेव निरवसेसं, वइजोगो एवं चेव, नवरं एगिदियवज्जाणं, एवं कायजोगोऽवि, नवरं सवजीवाणं जाव वेमाणिए। सेवं भंते!२त्ति ।५६६॥ श०१६ उ०१॥ रायगिहे जाव एवं वयासी-जीवाणं भंते ! किं जरा सोगे?, गोयमा! जीवाणं जरावि सोगेऽवि, से केणडेणं भंते ! एवं बु० जाव सोगेऽवि?, गोयमा ! जे णं जीवा सारीरं वेदणं वेदेति तेसिं णं जीवाणं जरा जेणं जीवा माणसं वेदणं वेदेति तेसि ण जीवाणं सोगे से तेणतुणं जाव सोगेऽवि, एवं नेरइयाणवि, एवं जाव थणियकुमाराणं, पुढवीकाइयाणं भंते ! किं जरा सोगे?, गोयमा ! पुढचीकाइयाणं जरा, नो सोगे, से केणद्वेणं जाब नो सोगे?. गोयमा! पुढवीकाइया णं सारीर वेदणं वेदेति नो माणसं वेदणं वेदेति से तेणद्वेणं जाय नो सोगे, एवं जाव चउरिदियाणं, सेसाणं जहा जीवाणं जाव वेमाणियाणं । सेवं भंते रत्ति जाव पजुवासति । ५६७। तेणं कालेणं० सके देविंद देवराया वजपाणी पुरंदरे जाव भुंजमाणे विहरइ, इमं च णं केवलं कप्पं जंबुद्दीवं दीवं विपुलेणं ओहिणा आभोएमाणे २ पामति समणं भगवं महावीरं जंबहीवे दीवे एवं जहा ईसाणे तइयसए तहेव सकोऽवि नवरं आभिओगेण सदावेति हरी पायत्ताणियाहिवई सुघोसा घंटा पालओ विमाणकारी पालगं विमाणं उत्तगिडे निजाणमग्गे दाहिणपुरच्छिमिाले रतिकरपचए सेसं तं चेव जाव नामगं सावेत्ता पजुवासति, धम्मकहा जाव परिसा पडिगया, तए णं से सके देविंदे देवराया समणस्स भगवओ महा३१९ श्रीभगवत्यंग-स-१६
मुनि दीपरत्नसागर
YEAROPIEWSPEARBY842SPIRMANPRATYANARASHIARPISISPCHOFERRESTENOPARPERSPIRMISPEASPORAIS&
| SR No. | 003905 |
| Book Title | Aagam Manjusha 05 Angsuttam Mool 05 Bhagavati |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 248 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 169 MB |