Page Text
________________
०.
पंचिदिएस एगोत्तरिया, विगलिदिएसु नत्थि, बइपोग्गलपरियट्टा एवं चेव, नवरं एगिंदिएस नत्थि भाणियच्या, आणापाणुपोग्गलपरियट्टा सव्वत्थ एकोत्तरिया जाव वैमाणियस्स वेमाणियत्ते, नेरइयाणं भंते! णेरइयत्ते केवतिया ओरालियपोग्गलपरियट्टा अतीया ?, नत्थि एकोऽवि, केवइया पुरेक्खडा ?, नत्थि एक्कोऽवि, एवं जाव थणियकुमारते, पुढवीकाइयत्ते पुच्छा, गोयमा! अणंता, केवइया पुरेक्खडा?, अणंता, एवं जाव मणुस्सते, याणमंतरजोइसियवेमाणियत्ते जहा नेरइयत्ते एवं जाव बेमाणियस्स वैमाणियत्ते, एवं सत्तवि पोग्गलपरियट्टा भाणियव्वा, जत्थ अस्थि तत्थ अतीयावि पुरेक्खडावि अणंता भाणियव्वा, जत्थ नत्थि तत्थ दोऽवि नत्थि भाणियव्वा जाव वैमाणियाणं वैमाणियत्ते केवतिया आणापाणुपोग्गलपरियट्टा अतीया ?, अनंता, केवतिया पुरेक्खडा, अनंता । ४४५ से केणट्टेणं भंते! एवं बुच्चइ ओरालियपोग्गलपरियट्टे २१, गोयमा ! जण्णं जीवेण ओरालियसरीरे वह्माणेणं ओरालिय सरीरपयोगाई सङ्घदवाई ओरालियसरीरत्ताए गहियाई बढाई पुट्ठाई कडाई पट्टवियाई निविद्वाई अभिनिविद्वाइं अभिसमन्नागयाइं परियाइयाइं परिणामियाई निजिन्नाई निसि रियाई निसिद्वाई भवंति से तेणट्टेणं गोयमा ! एवं बुवइ ओरालियपोग्गलपरियट्टे २ एवं वेउब्वियपोग्गलपरियहेऽवि, नवरं वेउब्वियसरीरे वट्टमाणेणं वेडव्वियसरीरप्पओगाई सेसं तं चेव सव्वं, एवं जाव आणापाणुपोग्गलपरियट्टे, नवरं आणापाणुपयोगाई सव्वदव्वाई आणापाणत्ताए सेसं तं चेत्र, ओरालियपोग्गलपरियट्टे णं भंते! केवइकालस्स निव्यत्तिज्जइ ?, गोयमा ! अणताहि उस्सप्पिणीओसप्पिणीहिं एवतिकालस्स निव्वत्तिज्जइ एवं वेडब्बियपोग्गलपरियट्ठेऽवि, एवं जाव आणापाणुपोग्गलपरियऽवि, एयस्स णं भंते! ओरालियपोग्गलपरियट्टनिव्वत्तणाकालस्स वेडव्वियपोग्गल जाव आणापाणुपोग्गलपरियइनिव्यत्तणाकालस्स कयरे कयरेहिंतो जाव विसेसाहिया वा?, गोयमा ! सव्वत्थोवे कम्मगपोग्गलपरियइनिव्वत्तणाकाले तेयापोग्गलपरियद्दनिव्वत्तणाकाले अणतगुणे ओरालियपोग्गलपरियट्ट० अनंतगुणे आणापाणुपोग्गल अनंतगुणे मणपोग्गलः अनंतगुणे वइपो० अनंतगुणे वेडव्वियपो० परियहनिव्वत्तणाकाले अनंतगुणे । ४४६ । एएसिं णं भंते! ओरालियपोग्गलपरियद्वाणं जाव आणापाणुपोग्गलपरियद्वाण य कयरे जाव विसेसाहिया वा १, गोयमा ! सव्वथोवा वेउब्वियपो० वइपो० परि० अणंतगुणा मणपोग्गल० अणतः आणापाणुपोग्गलः अनंतगुणा ओरालियपो० अनंतगुणा तेयापो० अणतः कम्मपोग्गल अणंतगुणा । सेवं भंते! सेवं भंते!त्ति भगवं जाब बिहर । ४४७ ॥ श० १२० ४ ॥ रायगिहे जाव एवं वयासी अद्द भंते! पाणाइवा० मुसा० अदि० मेहु० परि० एस णं कतिवन्ने कतिगंधे कतिरसे कतिफासे पं० १, गोयमा ! पंचवने पंचरसे दुगंधे चउफासे पं०, अह भंते! कोहे कोवे रोसे दोसे अखमा संजलणे कलहे चंडिके (प्र० ढंभे) भंडणे विवादे एस णं कतिवने जाव कतिफासे पं० १, गोयमा! पंचबने पंचरसे दुगंधे चउफासे पं०, अह भंते! माणे मदे दष्णे थंभे गये अत्तुको परपरिवाए उकासे अवकासे उन्नये उन्नामे दुन्नामे एस णं कतिवन्ने ०१, गोयमा ! पंचवन्ने जहा कोहे तहेब, अह भंते! माया उवही नियडी वलये गहणे णूमे कक्के कुरुए जिम्हे किव्वसे आयरणया गृहणया वंचणया पलिउंचणया सातिजोगे (प्र० जणया विउलंबणया) य एस णं कतिबन्ने० १, गोयमा ! पंचबन्ने जहेब कोहे, अह भंते! लोभे इच्छा मुच्छा कंखा गेही तण्हा भिज्झा अभिज्झा आसासणया पत्थणया लालप्पण्या कामासा भोगासा जीवियासा मरणासा नंदीरागे एस णं कतिबन्ने० १, जहेब कोहे, अह भंते! पेजे दोसे कलहे जाव मिच्छादंसणस एस णं कतिवन्ने० १, जहेब कोहे तहेव चउफासे । ४४८। अह भंते! पाणाइवायवेरमणे जाव परिग्गहवेरमणे कोहविवेगे जाव मिच्छादंसणस विवेगे एस णं कतिवन्ने जाव कतिफासे पं० १, गोयमा ! अबन्ने अगंधे अरसे अफासे पं०, अह भंते! उप्पत्तिया वेणइया कम्मिया परिणामिया एस णं कतिवन्ना तं चैव जाव अफासा पं०, अह भंते! उसाहे ईहा अवाये धारणा एस णं कतिन्ना० १, एवं चैव जाव अफासा पं०, अह भंते! उट्टाणे कम्मे बले वीरिए पुरिसक्कारपरकमे एस णं कविबन्ने ?, तं चेत्र जाव अफासे पं०, सत्तमे णं भंते! उवासंतरे कतिवन्ने० १, एवं चैव जाव अफासे, सत्तमे णं भंते! तणुवाए कतिवन्ने० १, जहा पाणाइबाए, नवरं अट्ठफासे पं०, एवं जहा सत्तमे तणुवाए तहा सत्तमे घणवाए घणोद्धी पुढवी, छडे उवासंतरे अवन्ने०, तणुवाए जाव छट्ठी पुढवी एयाइं अट्ठफासाई, एवं जहा सत्तमाए पुढवीए वत्तव्वया भणिया तहा जाब पढमाए पुढवीए भाणियब्वं, जंबुद्दीवे २ सयंभूरमणे समुद्दे सोहम्मे कप्पे जाव ईसिप भारा पुढवी नेरतियावासा जाव वेमाणियावासा एयाणि सव्वाणि अट्ठफासाणि, नेरइया णं भंते! कयन्त्रा जाव कतिफासा पं०१, गोयमा! वेउब्वियतेयाई पडुच पंचवन्ना पंचरसा दुग्गंधा अट्टफासा पं०, कम्मर्ग पहुच पंचचना पंचरसा दुगंधा चउफासा पं०, जीवं पडुच अवन्ना जाव अफासा पं०, एवं जाव थणिय०, पुढवीकाइयपुच्छा, गोयमा ! ओरालियतेयगाई पडुच पंचवन्ना जाव अट्ठफासा पं०, कम्मगं पडुच जहा नेर०, जीवं पच तहेव, एवं जाव चउरिंदि०, नवरं वाउकाइया ओरा० बेड० तेयगाई पडुब पंचवन्ना जाव अट्ठफासा पं०, सेसं जहा नेरइयाणं, पंचिदियतिरिक्खजोणिया जहा वाउकाइया, मणुस्साणं पुच्छा, ओरालियवेउच्चियआहारगतेयगाई पडुच्च पंचवन्ना जाव अट्ठफासा पं०, कम्मगं जीवं च पहुच जहा नेर०, वाणमंतरजोइसियवेमाणिया जहा २८५ श्रीभगवत्यं
सतं-१२
मुनि दीपरत्नसागर
| SR No. | 003905 |
| Book Title | Aagam Manjusha 05 Angsuttam Mool 05 Bhagavati |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 248 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 169 MB |