Page Text
________________
गंधोदयसित्तसुइयसंमजिओचलितं सुगंधवरपंचवन्नपुष्फोवयारकलियं कालागुरुपवरकुंदुरुक्क जाव गंधवट्टिभूयं करेह य करावेह य ता सीहासणं रएह ता ममेत जाव पञ्चप्पिणह, तए णं ते कोडुचिय जाव पडिसुणेत्ता खिप्पारोव सविसेसं बाहिरियं उवट्ठाणसालं जाव पञ्चप्पिणंति, तए णं से बले राया पचूसकालसमयंसि सयणिज्जाओ अब्भुढेइ त्ता पायपीढाओ पचोरुहइत्ता जेणेव अट्टणसाला तेणेव उवागच्छति त्ता अट्टणसालं अणुपविसई जहा उबवाइए तहेव अट्टणसाला तहब मज्जणघरे जाव ससिव्य पियदंसणे नरवई मजणघराओ पांडानक्खमइ ता जेणेच बाहिरिया उबट्टाणसाला तेणेव उवागच्छड तासीहासणवरंसि परच्छाभिमहे निसीयइत्ता अप्पणो उत्तरपूरच्छिमे दिसीभाए अट्ट भदासणाई सेयवत्वपजत्थयाई सिद्धत्थग कयमंगलोक्याराई स्यावेइ त्ता अप्पणो अदूरसामंते णाणामणिरयणमंडियं अहियपेच्छणिज्जं महग्यवरपट्टणुग्गय सण्हपट्टबहुभत्तिसयचित्तताणं ईहामियउसमजावभत्तिचित्तं अभि. तरियं जवणियं अंछावेइ त्ता नाणामणिरयणभत्तिचित्तं अच्छस्यमउयमसूरगोच्छग सेयवस्थपञ्चुत्युयं अंगसुहफासयं सुमउयं पभावतीए देवीए भदासणं रखावेइ-त्ता कोडुचियपुरिसे सद्दावेद ना एवं बयासी-खिप्पामेव भो देवाणुप्पिया! अटुंगमहानिमित्तसुत्तत्वधारए विविहसत्थकुसले सुविणलक्खणपाढए सहावेह, तए णं ते कोकुंबियपुरिसा जाय पडिसुणेत्ता बलस्स रनो अंतियाओ पडिनिक्वमहत्ता सिग्घं तुरियं चबलं चंडं वेइयं हत्यिणापुर नगरं मज्झमझेणं जेणेव तेसिं सुविणलक्वणपाढगाणं गिहाई तेणेव उवागच्छन्ति त्ता ते सुविणलक्खणपाढए सहावेति, तए णं ते सुविणलक्यणपाढगा बलस्स रन्नो कोटुंबियपुरिसेहिं सहाविया समाणा हट्टतुट्ठल पहाया कय जाव सरीरा सिद्धस्थगहरियालियाकयमंगलमुद्धाणा सएहिं २गिहेहिंतो निग्गच्छति त्ता हथिणापुरं नगर मज्झमज्झेणं जेणेव बलस्स रन्नो भवणवरवडेंसए तेणेव उवागच्छन्ति त्ता भवणवरवडेंसगपडिदुवारंसि एगयओ मिलंति ना जेणेव बाहिरिया उवट्ठाणसाला तेणेव उवागच्छति त्ता जेणेव बले राया तेणेव उवागच्छन्ति त्ता करयल० बलरायं जएणं विजएणं बद्धाति, तए णं ते सुविणलक्वणपाढगा चलेणं रन्ना बंदियपइ-5 यसकारियसम्माणिया समाणा पत्तेयं २ पुबन्नस्थेसु भद्दासणेसु निसीयंति, तए णं से चले गया पभावतिं देविं जबणियंतरियं ठावेइ त्ता पुष्फफलपडिपुन्नहत्थे परेणं विणएणं ते सुविणलक्षणपाढए एवं क्यासी-एवं खलु देवाणुप्पिया ! पभावती देवी अज्ज तंसि तारिसगंसि वासघरंसि जाव सीहं सुविणे पासित्ताणं पडिबुद्धा तण्णं देवाणुप्पिया! एयरस ओरालस्स जाब के मन्ने कल्डाणे फलवित्तिविससे भविस्सइ, तए णं ते सुविणलक्खणपाढगा बलस्स रन्नो अंतियं एयमह सोचा निसम्म हट्टतुट्ठ० तं मुविणं ओगिण्हइ त्ता इहं अणुष्पविसइ त्ता तस्स सुविणस्स अत्योम्गहणं करेइ त्ता अन्नमन्नेणं सद्धिं संचालेंति त्ता तस्स सुविणस्स लट्ठा गहियट्ठा पुच्छियट्ठा विणिच्छियट्ठा अभिगयट्ठा बलस्स रन्नो पुरओ सुविणसत्थाई उच्चारेमाणा२एवं वयासी-एवं खल देवाणप्पिया! अम्हं सुविणसत्थंसि बायालीसं सुविणा तीसं महासुविणा वायत्तरि सव्वसुविणा दिहा. तत्यण देवाणप्पिया! तित्थगरमायरोवा मायरो वा तित्थगरंसि वा चकवहिसि वा गर्भ वक्कममाणंसि एएसि तीसाए महासुविणाणं इमे चोइस महासुविणे पासित्ताणं पडिबुझंति, तं०-गयवसहसीहअभिसेयदामससिदिणयरं झयं कुंभ। पउमसरसागरविमाणभवणरयणुचयसिहिं च ॥७१॥ वासुदेवमायरो वा वासुदेवंसि गम्भं वक्कममाणंसि एएसिं चोहसण्हं महासुविणाणं अन्नयरे सत्त महासुविणे पासित्ताणं पडिबुझंति, बलदेवमायरो वा बलदेवंसि गम्भं वकममाणंसि एएर्सि चोदसण्हं महासुविणाणं अन्नयरे चत्तारि महासुविणे पासित्तार्ण पडिबुज्झति, मंडलियमायरो वा मंडलियंसि गर्भ वक्कममाणसि एतेसिं णं चउदसण्हं महासुविणाणं अन्नयरं एग महासुविणं पासित्ताणं पडिबुज्झन्ति, इमे य णं देवाणुप्पिया ! पभावतीए देवीए एगे महासुविणे दिढे ते ओराले ण | देवाणुप्पिया! पभावतीए देवीए सुविणे दिढे जाव आरोग्गतुविजावमंगलकारए ण देवाणुप्पिया! पभावतीए देवीए सुविणे दिट्टे अत्थलाभो देवाणुप्पिया ! भोग० पुत्त० रजलाभो देवा
णुप्पिया !, एवं खलु देवाणुप्पिया ! पभावती देवी नवण्हं मासाणं बहुपडिपुत्राणं जाव वीतिकंताणं तुम्हें कुलकेउं जाव पयाहिति, सेऽविय णं दारए उम्मुक्कचालभावे जाव रज्जवई राया भविस्सह अणगारे वा भावियप्पा, तं ओराले णं देवाणुप्पिया! पभावतीए देवीए सुविणे दिठे जाव आरोग्गतुट्ठिदीहाउयकाडाण जाव दिठे, तए णं से घले राया सुविणलक्वणपाढगाणं अंतिए एयमठं सोचा निसम्म हट्ठतुट्ठ करयल जाव कटु ते सुविणलक्खणपाढगे एवं वयासी एवमेयं देवाणुप्पिया! जाव से जहेयं तुम्भे बदहत्तिकटु तं सुविणे सम्म पडिच्छ। त्ता सुविणलक्खणपाढए विउलेणं असणपाणखाइमसाइमपुष्पवत्थगंधमलालंकारेणं सकारेति संमाणेति त्ता विउलं जीवियारिहं पीइदाणं दलयति त्ता पडिविसज्जेति त्ता सीहासणाओ अ
म्भुढेइत्ता जेणेव पभावती देवी तेणेव उवागच्छदत्ता पभावती देवीं ताहिं इहाहिं कंताहिं जाव संलवमाणे एवं वयासी-एवं खल देवाणुप्पिए ! सुविणसत्थंसि बायालीसं सुविणा तीसं महा| मुविणा पावत्तरि सव्वसुविणा दिवा, तत्थ णं देवाणुप्पिए! तित्वगरमायरो वा चकवाट्टिमायरो वा तं चेव जाव अन्नयरं एग महासुविणं पासित्ताणं पडिबुज्झति, इमे य णं तुमे देवाणु| प्पिए! एगे महासुविणे विद्वे तं ओराले तुमे देवी ! सुविणे दिढे जाव रज्जवई राया भविस्सइ अणगारे चा भावियप्पा, तं ओराले णं तुमे देवी ! सुविणे दिठे जाव दिठेत्तिकटु पभावति २७४ श्रीभगवत्यंगं - सन ११
मुनि दीपरत्नसागर
ASTROPRABPSPSIPRASPRE87888PCHASY8449PHARPRASP8NSPEARSPERMECHIRAMPRASHES
| SR No. | 003905 |
| Book Title | Aagam Manjusha 05 Angsuttam Mool 05 Bhagavati |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 248 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 169 MB |