Page Text
________________
परिक्खित्ते जमालिस्स खत्तियकुमारस्स पिटुओ २ अणुगच्छइ, तए णं तस्स जमालिस्स खत्तियकुमारस्स पुरओ महं आसा आसवरा उभओ पासिं जागा नागवरा पिट्ठओ रहा रहसंगेल्डी ०, नए णं से जमाली खत्तियकुमारे अम्भुम्गयभिंगारे परिग्गाहियतालियंटे ऊसवियसेतच्छत्ते पवीइयसेतचामरवालवीयणीए सब्विड्ढीए जाव णादितरवेणं०, तयाणंतरं च बहवे लग्गिाहा कुंग्गाहा जाय पुत्थयगाहा जात्र वीणागाहा, तयाणंतरं च णं असयं गयाणं असयं तुरयाणं अट्टसयं रहाणं० तयाणंतरं च णं लउडअसिकॉतहत्थाणं बहूणं पायताणीणं पुरओ संपट्टियं, तयाणंतरं च णं बहवे राईसरतलवरजावसत्थवाहप्पभिइओ पुरओ संपट्टिया जाव णादितरवेणं खत्तियकुंङग्गामं नगरं मज्झंमज्झेणं जेणेव माहणकुंडगामे नयरे जेणेव बहुसालए चेइए जेणेव समणे भगवं महावीरे तेणेव पहारेत्थ गमणाए, तए णं तस्स जमालिस्स खत्तियकुमारस्स खत्तियकुंडग्गामं नगरं मज्झमज्झेणं निम्गच्छमाणस्स सिंघाडगतियचउक्कजावपहेसु बहवे अत्थत्थिया जहा उववाइए जाव अभिनंदता य अभित्युनंता य एवं क्यासी जय जय णंदा! धम्मेणं जय जय गंदा ! तवेणं जय जय णंदा! भदं ते अभग्गेहिं णाणदंसणचरित्तमुत्तमेहिं अजियाई जिणाहि इंदियाई जियं च पालेहि समणधम्मं जियविग्धोऽवि य बसाहि तं देव ! सिद्धिमज्झे णिहणाहि य रागदोसम तवेण धितिधणियबद्धकच्छे महाहि अट्टकम्मसत्तू झाणेणं उत्तमेणं सुकेणं अप्पमत्तो हराहि याराहणपडागं च धीर! तेलोकरंगमज्झे पावय वितिमिरमणुत्तरं केवलं च णाणं गच्छय मोक्खं परं पदं जिणबरोवदिट्टेणं सिद्धिमम्गेणं अकुडिलेणं हंता परीसहचमूं अभिभविय गामकंटकोवसम्गाणं धम्मे ते अविग्धमत्युत्तिकट्टु अभिनंदंति य अभिधुणंति य, तए णं से जमाली खत्तियकुमारे नयणमालासहस्सेहिं पिच्छिजमाणे २ एवं जहा उनवाइए कूणिओ जाव णिग्गच्छति ता जेणेव माहणकुंङग्गामे नयरे जेणेव बहुसालए चेइए तेणेव उवागच्छ ता छत्तादीए तित्थगरातिसए पासइत्ता पुरिससहस्ववाहिणि सीयं ठबेइ त्ता पुरिससहस्सवाहिणीओ सीयाओ पचोरुहइ, तए णं तं जमालि खत्तियकुमारं अम्मापियरो पुरओ काउं जेणेव समणे भगवं महावीरे तेणेव उवागच्छन्ति त्ता समणं भगवं महावीरं तिक्खुत्तो जाव नमसित्ता एवं वदासी एवं खलु भंते! जमाली खत्तियकुमारे अम्हं एगे पुत्ते इहे कंते जाव किमंग पुण पासणयाए ?, से जहानामए- उप्पलेइ वा पउमेइ वा जाव पउमसहस्सपत्तेइ वा पंके जाए जले संबुड्ढे गोवलिप्पति पंकरएणं णोत्रलिप्पइ जलरएणं एवामेव जमालीवि खत्तियकुमारे कामेहिं जाए भोगेहिं संबुड्ढे गोवलिप्पइ कामरएणं णोवलिप्पा भोगरएणं णोवलिप्पइ मित्तणाइनियगसयणसंबंधिपरिजणेणं, एस णं देवाणुप्पिया! संसारभउब्विगे भीए जम्मणमरणाणं देवाणुप्पियाणं अंतिए मुंडे भवित्ता अगाराओ अणगारियं पव्वयइ, तं एयन्नं देवाणुप्पियाणं जम्हे सीसभिक्खं दलयामो, पडिच्छंतु णं देवाणुप्पिया ! सीसभिक्खं तए णं समणे ० तं जमालिं खत्तियकुमारं एवं वयासी- अहासुहं देवाणुप्पिया ! मा पडिबंधं०, तए णं से जमाली खत्तियकुमारे समणेणं भगवया महावीरेणं एवं वृत्ते समाणे हट्टतुट्टे समणं भगवं महावीरं तिक्खुत्तो जाव नमसित्ता उत्तरपुरच्छिमं दिसीभागं अवकमइ त्ता सयमेव आभरणमडालंकारं ओमुयद्द, तते णं से जमालिस्स खत्तियकुमारस्स माया हंसलक्खणेणं पडसाडएणं आभरणमद्दालंकारं पडिच्छति त्ता हारवारि जाय विणिम्मुयमाणी २ जमालिं खत्तियकुमारं एवं वयासी घडियष्वं जाया! जइयच्वं जाया ! पक्कमियव्वं जाया! अस्सि च णं अट्टे गो पमायेतव्वंतिकट्टु, जमालिस्स खत्तियकुमारस्स अम्मापियरो समणं भगवं महावीरं वंदइ णमंसइ त्ता जामेव दिसं पाउन्भूया तामेव दिसिं पडिगया, तए णं से जमाली खत्तिए सयमेय पंचमुट्टियं लोयं करेति त्ता जेणेव समणे भगवं महावीरे तेणेव उवागच्छइ ता एवं जहा उसमदत्तो तहेब पब्वइओ नवरं पंचहिं पुरिससएहिं सद्धिं तहेव जात्र सव्वं सामाइयमाइयाई एकारस अंगाई अहिज्जइ त्ता बहूहिं चउत्थच्छट्टमजावमासमासखमणेहिं विचित्तेहिं तवोकम्मेहिं अप्पाणं भावेमाणे विहरइ । ३८४ । तए णं से जमाली अणगारे अन्नया कयाइ जेणेव समणे भगवं महावीरे तेणेव उवागच्छइ ता समणं भगवं महावीरं वंदति नम॑सति त्ता एवं वयासी-इच्छामि णं भंते! तुज्झेहिं अम्भणुनाए समाणे पंचहिं अणगारसएहिं सद्धिं बहिया जणत्रयविहारं विहरित्तए, तए णं से समणे भगवं महावीरे जमालिस्स अणगारस्स एयमहं णो आढाइ णो परिजाणइ तुसिणीए संचिदृइ, तए णं से जमाली अणगारे समणं भगवं महावीरं दोचंपि तचंपि एवं वयासी- इच्छामि णं भंते! तुज्झेहिं अग्भणुन्नाए समाणे पंचहि अणगारसएहिं सद्धिं जाव विहरित्तए, तए णं समणे भगवं महावीरे जमालिस्स अणगारस्स दोपि तचंपि० एयमहं णो आढाइ जाव तुसिणीए संचिवइ, तए णं से जमाली अणगारे समणं भगवं महावीरं बंदइ णमंसइ त्ता समणस्स भगवओ महावीरस्स अंतियाज बहुसालाओ चेइयाओ पडिनिक्खमइ त्ता पंचहि अणगारसएहिं सद्धिं बहिया जणवयविहारं विहरइ, तेण कालेन सावत्थीनामं णयरी होत्था वनओ, कोइए चेइए वनओ जाव वणसंडस्स, तेणं कालेणं० चंपा नाम नयरी होत्था बन्नओ, पुन्नभद्दे चेइए बन्नओ जाव पुढवीसिलावट्टओ, तए णं से जमाली अणगारे अन्नया कयाई पंचहि अणगारसएहिं सद्धिं संपरिवुडे पुव्वाणुपुब्वि चरमाणे गामाणुगामं दूइजमाणे जेणेव सावत्वी नयरी जेणेव कोट्ठए चेइए तेणेव उवागच्छइ ता अहापडिरूवं उग्गहं उग्गिण्डति त्ता संजमेणं तवसा अप्पाणं २५९ श्रीभगवत्यंगं रात 05
मुनि दीपरत्नसागर
| SR No. | 003905 |
| Book Title | Aagam Manjusha 05 Angsuttam Mool 05 Bhagavati |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 248 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 169 MB |