Aagam Manjusha 02 Angsuttam Mool 02 Suyagado

SR No.: 003902
Original Sutra Author: N/A
Author: Anandsagarsuri, Sagaranandsuri
Publisher: Deepratnasagar
Publication Year: 2012
Total Pages: 39
Language: Prakrit
Classification: Book_Devnagari, Agam, Canon, & agam_sutrakritang
File Size: 28 MB

Page 18

SANShayalaNSCPS43984RRIORAKHARRARYAMANSHERSARYRALIABARKONKAROBARABAR
मुज्जो उवदंसेमि ॥८॥से बेमिलोयं च खलु मए अप्पाहङ समणाउसो ! सा पुक्खरिणी बुइया, कम्मं च खलु मए अप्पाहटु समणाउसो ! से उदए बुइए, कामभोगे य खलु मए अप्पाहटु समणाउसो ! से सेए चुइए, जणं जाणवयं च खलु मए अप्पाइसमणाउसो! ते वह पठमवरपॉडरीया वुझ्या, रायाणं च खलु मए अप्पाहटु समणाउसो ! से एगे महं पउमवरपॉडरीए बुइए, अन्नउत्थिया य खलु मए अप्पाहटु समणाउसो! ते चत्तारि पुरिसजाया बुइया, धम्मं च खलु मए अप्पाहटु समणाउसो ! से भिक्खू बुइए, धम्मतित्थं च खलु मए अप्पाहटु समणाउसो! से तीरे बुइए, धम्मकहं च खलु मए अप्पाहटु समणाउसो ! से सहे युइए, निवाणं च खलु मए अप्पाहटु समणाउसो! से उप्पाए बुइए, एवमेयं च खलु मए अप्पाहटु समणाउसो! से एवमेयं बुइयं॥९॥ इह खलु पाईर्ण वा पडीणं वा उदीणं वा दाहिणं वा० संगतिया मणुस्सा भवंति अणुपुत्वेणं लोगं (प० लोगत्त) उपवना, तंजहा- आरिया वेगे अणारिया वेगे उच्चागोता. वेगे णीयागोया वेगे कायमंता वेगे रहस्समंता वेगे सुवन्ना वेगे दुश्वना वेगे सुरूवा वेगे दुरूवा वेगे, तेसिं च णं मणुयाणं एगे राया भवइ, महया(प्र. महा). हिमवंतमलयमंदरमहिंदसारे अचंतविसुद्धरायकुलवंसप्पसूते निरंतररायलक्खणविराइयंगमंगे बहुयणबहुमाणपूइए सवगुणसमिद्धे खत्तिए मुदिए मुदाभिसित्ते माउपिउमुजाए दयप्पिए सीमंकरे सीमंधरे खेमंकरे खेमंधरे मणुस्सिदे जणवयपिया जणवयपुरोहिए सेउकरे केउकरे नरपवरे पुरिसपवरे पुरिससीहे पुरिसआसीविसे पुरिसवरपोंडरीए परिसवरगंधहवी अड्ढे दित्ते वित्ते विच्छिन्नविउलभवणसयणासणजाणवाहणाइण्णे बहुधणबहुजातरुवरतए आओगपओगसंपउत्ते विच्छड़ियपउरभत्तपाणे बदुदासीदासगोमहिसगवेलगप्पभूते पडिपुण्णकोसकोडागाराउहागा(प० ग)रे पल दुजातपचामित्ते ओहयकंटयं निहयकंटयं मलियकंटयं उद्धियकंटयं अकंटयं ओहयसत्तू निहयसत्त् मलियसत्त् उडियसन निजियसत्त् पराइय
सत्तू ववगयदुभिक्खमारिभयविष्पमुकं रायवन्नओ जहा उपवाइए जाव पसंतडिंबडमरं रज पसाहेमाणे विहरति। तस्स णं रन्नो परिसा भवइ- उग्गा उग्गपुत्ता भोगा भोगपुत्ता इक्खाश्री गाइइकखागाइपत्ता नाया नायपुत्ता कारब्बा कारवपुत्ता भट्ठा भट्टपुत्ता माहणा माणपत्ता लेच्छई लेच्छापत्ता पसस्थारो पसत्थपत्ता सेणावई सेणावडपत्ता. तेसिं चणं एगतीए
सड्ढी भवइ कामं तं समणा वा माहणा वा संपहारिसु गमणाए, तत्थ अन्नतरेणं धम्मेणं पन्नत्तारो वयं इमेणं धम्मेणं पनवइस्सामो, से एवमायाणह भयंतारो जहा मए एस धम्मे सुयक्खाए सुपनत्ते भवइ, तंजहा-उड्ढे पादतला अहे केसग्गमत्थया तिरियं तयपरियंते जीवे एस आयापज्जवे कसिणे एस जीवे जीवति एस मए णो जीवइ, सरीरे धरमाणे घरइ विणढुमि य णो धरइ, एयंत जीवियं भवति, आदहणाए परेहिं निजइ, अगणिझामिए सरीरे कवोतवन्नाणि अट्ठीणि भवंति, आसंदीपंचमा पुरिसा गाम पञ्चागच्छंति, एवं असंते असंविज्जमाणे जेसिं तं असंते असंविजमाणे तेसिं तं सुयक्खायं भवति, अन्नो भवति जीवो अन्नं सरीरं, तम्हा, ते एवं नो विपडिवेदेति-अयमाउसो ! आया दीहेति वा हस्सेति वा परिमंडलेति वट्टेति वा तंसेति वा चउरंसेति वा आयतेति वा छलंसिएति वा अटुंसेति वा किण्हेति वा णीलेति वा लोहियहालिदे (प. जाव) सुकिरडेति या सुभिगंधेति वा दुन्भिगंधेति वा तित्तेति वा कडुएति वा कसाएति वा अंचिलेति वा (प० जाव) महुरेति वा कक्खडेति वा मउएति वा गुरुएति वा लहुएति वा सिएति वा उसिणेति वा निद्धेति वा लुक्वेति वा, एवं असंते असंविजमाणे जेसिं तं सुयक्खायं भवति अन्नो जीवो अन्नं सरीरं, तम्हा, ते णो एवं उवलम्भंति से जहाणामए केइ पुरिसे कोसीओ असिं अभिनिवट्टित्नाणं उवदंसेज्जा अयमाउसो ! असी अयं कोसी, एवमेव णत्थि केइ पुरिसे अभिनिष्वहिताणं उवदंसेत्तारो (म० उवदंसेइ) अयमाउसो ! आया इयं सरीरं, से जहाणामए केइ पुरिसे मुंजाओ इसियं अभिनिबट्टित्ताणं उपदंसेजा अयमाउसो ! मुंजे इयं इसियं, एवमेव नस्थि केइ पुरिसे उबदंसेत्तारो अयमाउसो ! आया इयं सरीरं, से जहानामए केड परिसे मंसाओ अढि अभिनिवहत्ताणं उबदंसेज्जा अयमाउसो! मंस अयं अट्ठी, एवमेव नत्थि कई पुरिस उबदसत्तारा अयमाउसा आया इय सरार,स जहाणामए कह पुरिस करयलाआ आमलग आभानवाट्टत्ताण उबदसज्जा
करतले अयं आमलए एमेव नस्थि के परिसे उवदंसेत्तारो अयमाउसो! आया इयं सरीरं, से जहाणामए केइ परिसे दहिओ नवनीयं अभिनिवहिताणं उवदंसेवा अयमाउसो ! नवनीयं अयं तु दही, एवमेव णस्थि केइ पुरिसे जाव सरीरं, से जहाणामए केइ पुरिसे तिलहितो तिलु अभिनिवद्वित्ताणं उबदसेजा अयमाउसो! तेडं अयं पिन्नाए, एवमेव जाव सरीरं, से जहाणामए केइ पुरिसे इक्खूतो खोतरसं अभिनिश्चट्टित्ताणं उबदंसेज्जा अयमाउसो! खोतरसे अयं छोए एवमेव जाव सरीरं, से जहाणामए केइ पुरिसे अरणीतो अम्गि अभिनिवहिताणं उवदंसेजा अयमाउसो! अरणी अयं अग्गी एवमेव जाव सरीरं, एवं असंते असंविजमाणे जेसिं तं सुयक्खायं भवति, तं० अन्नो जीवो अन्नं सरीरं, तम्हा ते मिच्छा, से हंता त हणह खणद्द छणह डहह पयह आलुपह विलुपह सहसाकारेह विपरामुसह, एतावताव जीवे णस्थि परलोए, ते णो एवं विप्पडिवेदेति, तं०-किरियाइ वा अकिरियाइ वा सुकडेइ वा दुकडेइ वा कडाणेइ वा पावएइ वा साहुइ वा असाहुइ वा सिदीइ वा असिद्धीइ वा निरएइ वा अनिरएइवा, एवं ते विरूवरूवेहि कम्मसमारंभेहिं विरूवरूवाई कामभोगाई समारभंति भोयणाए, एवं एगे पागम्भिया णिक्खम्म मामगं धम्मं पनवेति तं सद्दहमाणा तं पत्तियमाणात रोएमाणा साहु सुयक्खाए समणेति वा माहणेति वा (१३) ५२ सूत्रकृतांगं - अन्सा -१
मुनि दीपरत्नसागर