Page Text
________________
उद्देसो-२
[११५] जे भिक्खू सागारियं-संतियं सेज्जा-संथारयं आयाए अविगरणं कट्टु अणप्पिणित्ता संपव्वयइ संपव्वयंतं वा सातिज्जति ।
[११६] जे भिक्खू पाडिहारियं वा सागारिय-संतियं वा सेज्जा-संथारयं विप्पणटुं न गवसति न गवसंतं वा सातिज्जति ।
[११७] जे भिक्खू इत्तरियपि उवहिं न पडिलेहेति न पडिलेहेंतं वा सातिज्जति । - तं सेवमाणे आवज्जइ मासियं परिहारहाणं उग्घातियं ।
• बिइओ उद्देसो समत्तो .
० तइओ-उद्देसो ० [११८] जे भिक्खू आगंतारेसु वा आरामागारेसु वा गाहावतिकुलेसु वा परियावसहेसु वा अन्नउत्थियं वा गारत्थियं वा असनं वा पानं वा खाइमं वा साइमं वा ओभासति ओभासंतं वा सातिज्जति ।
[११९] जे भिक्खू आगंतारेसु वा आरामागारेसु वा गाहावतिकुलेसु वा परियावसहेसु वा अन्नउत्थिया वा गारत्थिया वा असनं वा पानं वा खाइमं वा साइमं वा ओभासति ओभासंतं वा सातिज्जति ।
[१२०] जे भिक्खू आगंतारेसु वा आरामागारेसु वा गाहावतिकुलेसु वा परियावसहेसु वा अन्नउत्थिणी वा गारत्थिणी वा असनं वा पानं वा खाइमं वा साइमं वा ओभासति ओभासंतं वा सातिज्जति ।
[१२१] जे भिक्खू आगंतारेसु वा आरामगारेसु वा गाहावतिकुलेसु वा परियावसहेसु वा अन्नउत्थिणीओ वा गारत्थिणीओ वा असनं वा पानं वा खाइमं वा साइमं वा ओभासति ओभासंतं वा सातिज्जति ।
१२२] जे भिक्खू आगंतारेसु वा० कोउहल्ल-पडियाए पडियागतं समाणं अन्नउत्थियं वा गारत्थियं वा असनं वा पानं वा खाइमं वा साइमं वा ओभासति ओभासंतं वा सातिज्जति |
[१२३] जे भिक्खू आगंतारेसु वा० कोउहल्ल-पडियाए पडियागता समाणा अन्नउत्थिया वा गारत्थिया वा असनं वा पानं वा खाइमं वा साइमं वा ओभासति ओभासंतं वा सातिज्जति ।
[१२४] जे भिक्खु आगंतारेस वा० कोउहल्ल-पडियाए पडियागत्तं समाणं अन्नउत्थिणी वा गारत्थिणी वा असनं वा पानं वा खाइमं वा साइमं वा ओभासति ओभासंतं वा सातिज्जति |
[१२५] जे भिक्खू आगंतारेसु वा० कोउहल्ल-पडियाए पडियागत्तं समाणं अन्नउत्थिणीओ वा गारत्थिणीओ वा असनं वा पानं वा खाइमं वा साइमं वा ओभासति ओभासंतं वा सातिज्जति ।
[१२६] जे भिक्खू आगंतारेसु वा आरामगारेसु वा गाहावतिकूलेसु वा परियावसहेसु वा अन्नउत्थिएण वा गारथिएण वा असनं वा पानं वा खाइमं वा साइमं वा अभिहडं आहट्ट दिज्जमाणं पडिसेहेत्ता तमेव अनुवत्तिय-अनुवत्तिय परिवेढिय-परिवेढिय परिजविय-परिजविय ओभासति ओभासंतं वा सातिज्जति ।
[१२७] जे भिक्खू आगंतारेसु वा जाव परियावसहेसु वा अन्नउत्थिएण वा गारत्थिएण वा
[दीपरत्नसागर संशोधितः]
[7]
[३४-निसीह
Jain Education International
For Private & Personal Use Only
www.jainelibrary.org
| SR No. | 003767 |
| Book Title | Agam 34 Nisiham Padhamam Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 34, & agam_nishith |
| File Size | 3 MB |