Agam 34 Nisiham Padhamam Cheyasuttam Mulam PDF File

SR No.: 003767
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 85
Language: Prakrit
Classification: Book_Devnagari, Agam, Canon, Agam 34, & agam_nishith
File Size: 3 MB

Page 78

[१३१५] जे भिक्खू चित्तमंताए पुढवीए वत्थं आयावेज्ज वा० सातिज्जति । [१३१६] जे भिक्खू चित्तमंताए सिलाए वत्थं आयावेज्ज वा० सातिज्जति । [१३१७] जे भिक्खू चित्तमंताए लेलूए वत्थं आयावेज्ज वा० सातिज्जति । [१३१८] जे भिक्खू कोलावासंसि वा दारुए जीवपइट्ठिए सअंडे सपाणे सबीए सहरिए
उद्देसो-१८
सओस्से सउदए सउत्तिंग-पणग-दग-मट्टिय-मक्कडा संताणगंसि वत्थं आयावेज्ज वा पयावेज्ज वा आयातं वा पयावेंतं वा सातिज्जति ।
[१३१९] जे भिक्खू थूणंसि वा गिहेलुयंसि वा उसुकालंसि वा कामजलंसि वा अन्नयरंसि वा तहप्पगारंसि अंतरिक्खजायंसि दुब्बद्धे दुन्निक्खित्ते अनिकंपे चलाचले वत्थं आयावेज्ज वा पयावेज्ज आयातं वा पयावेतं वा सातिज्जति |
[१३२०] जे भिक्खू कुलियंसि वा भित्तिसि वा सिलंसि वा लेलुंसि वा अन्नयरंसि वा तहप्पगारंसि अंतरिक्खजायंसि दुब्बद्धे दुन्निक्खित्ते अनिकंपे चलाचले वत्थं आयावेज्ज वा पयावेज्ज वा आयातं वा पयावेंतं वा सातिज्जति ।
[१३२१] जे भिक्खू कुलियंसि वा भित्तिसि वा सिलसि वा लेलुंसि वा अन्नयरंसि वा तहप्पगारंसि अंतरिक्खजायंसि दुब्बद्धे दुन्निक्खित्ते अनिकंपे चलाचले वत्थं आयावेज्ज वा पयावेज्ज वा आयातं वा पयावेंतं वा सातिज्जति ।
[१३२२] जे भिक्खू वत्थाओ पुढवीकार्य नीहरति नीहरावेति नीहरियं आहट्ट देज्जमाणं पडिग्गाहेति पडिग्गाहेंतं वा सातिज्जति ।
[१३२३] जे भिक्खू वत्थाओ आउकायं नीहरति नीहरावेति नीहरियं आहट्ट देज्जमाणं पडिग्गाहेति पडिग्गाहेंतं वा सातिज्जति ।
_[१३२४] जे भिक्खू वत्थाओ तेउक्कायं नीहरति नीहरावेति नीहरियं आहट्ट देज्जमाणं पडिग्गाहेति पडिग्गाहेंतं वा सातिज्जति ।
___ [१३२५] जे भिक्खू वत्थाओ कंदाणि वा मूलाणि वा पत्ताणि वा पुप्फाणि वा फलाणि वा बीजाणि वा नीहरति नीहरावेति नीहरियं आहट्ट देज्जमाणं पडिग्गाहेति पडिग्गाहेंतं वा सातिज्जति |
[१३२६] जे भिक्खू वत्थाओ ओसहिबीयाइं नीहरति नीहरावेति नीहरियं आहट्ट देज्जमाणं पडिग्गाहेति पडिग्गाहेंतं वा सातिज्जति ।
[१३२७] जे भिक्खू वत्थाओ तसपाणजातिं नीहरति नीहरावेति नीहरियं आहट्ट देज्जमाणं पडिग्गाहेति पडिग्गाहेंतं वा सातिज्जति ।
[१३२८] जे भिक्खू वत्थं निक्कोरेति निक्कोरावेति निक्कोरियं आहट्ट देज्जमाणं पडिग्गाहेति पडिग्गाहेंतं वा सातिज्जति ।
[१३२९] जे भिक्खू नायगं वा अनायगं वा उवासगं वा अनुवासगं वा गामंतरंसि वा गामपहंतरंसि वा वत्थं ओभासिय जायति जायंतं वा सातिज्जति ।
[१३३०] जे भिक्खू नायगं वा अनायगं वा उवासगं वा अनवासगं वा परिसामज्झाओ उद्ववेत्ता वत्थं ओभासिय-ओभासिय जायति जायंतं वा सातिज्जति |
[१३३१] जे भिक्खू वत्थनीसाए उइबद्धं वसति वसंतं वा सातिज्जति ।। [दीपरत्नसागर संशोधितः]
[77]
[३४-निसीह]