Page Text
________________
[१२५४] जे भिक्खू आसजुद्धाणि वा हत्थिजुद्धाणि वा उजुद्धाणि वा गोणजुद्धाणि वा महिसजुद्धाणि वा सूकरजुद्धाणि वा कण्णसोयपडियाए अभिसंधारेति अभिसंधारेंतं वा सातिज्जति |
[१२५५] जे भिक्खू उज्जूहियठाणाणि वा हयजूहियठाणाणि वा गयजहियठाणाणि वा उद्देसो-१७
कण्णसोयपडियाए अभिसंधारेति अभिसंधारेतं वा सातिज्जति ।
[१२५६] जे भिक्खू अभिसेयट्ठाणाणि वा अक्खाइयट्ठाणाणि वा मानम्मानियट्ठाणाणि वा महयाहय-नटट्-गीय-वादिय-तंती-तल-ताल-तुडिय-पडुप्पवाइयट्ठाणाणि वा कण्णसोयपडियाए अभिसंधारेति अभिसंधारेतं वा सातिज्जति ।
[१२५७] जे भिक्खू डिंबाणि वा डमराणि वा खाराणि वा वेराणि वा महाजुद्धाणि वा महासंगामाणि वा कलहाणि वा बोलाणि वा कण्णसोयपडियाए अभिसंधारेति अभिसंधारेतं वा सातिज्जति ।
११२५८ जे भिक्ख विरूवरूवेस महस्सेवेस इत्थीणि वा परिसाणि वा थेराणि वा मज्झिमाणि वा डहराणि वा अणलंकियाणि वा सुअलंकियाणि वा गायंताणि वा वायंताणि वा नच्चंताणि वा हसंताणि वा रमंताणि वा मोहंताणि वा विउलं असनं वा पानं वा खाइमं वा साइमं वा परिभाएंताणि वा परिभंजंताणि वा कण्णसोयपडियाए अभिसंधारेति अभिसंधारेंतं वा सातिज्जति |
[१२५९] जे भिक्खू इहलोइएसु वा सद्देसु परलोइएसु वा सद्देसु दिढेसु वा सद्देसु अदिढेसु वा सद्देसु सुएसु वा सद्देसु असुएसु वा सद्देसु विण्णाएसु वा सद्देसु अविण्णाएसु वा सद्देसु सज्जति रज्जति गिज्झति अज्झोववज्जति सज्जमाणं वा रज्जमाणं वा गिज्झमाणं वा अज्झोववज्जमाणं वा सातिज्जतितं सेवमाणे आवज्जइ चाउम्मासियं परिहारहाणं उग्घातियं ।
. सत्तरमो उद्देसो समत्तो..
• अद्वारसमो-उद्देसो . [१२६०] जे भिक्खू अणट्ठाए नावं दुरुहति दुरुहंतं वा सातिज्जति । [१२६१] जे भिक्खू नावं किणति किणावेति कीयमाहट्ट देज्जमाणं दुरुहति दुरुहंतं वा सा०।
[१२६२] जे भिक्खू नावं पामिच्चति पामिच्चावेति पामच्चमाह? देज्जमाणं दुरुहति दुरुहंतं वा सातिज्जति ।
[१२६३] जे भिक्खू नावं परियट्टेति परियट्टावेति परियट्टमाहटु देज्जमाणं दुरुहति दुरुहंतं वा सातिज्जति ।
[१२६४] जे भिक्खू नावं अच्छेज्जं अनिसिढे अभिहडमाहट देज्जमाणं दुरुहति दुरुहंतं वा सातिज्जति ।
[१२६५] जे भिक्खू थलाओ नावं जले ओकासावेति ओकसावेंतं वा सातिज्जति | [१२६६] जे भिक्ख जलाओ नावं थले उक्कसावेति उक्कसावेंतं वा सातिज्जति | [१२६७] जे भिक्खू पुण्णं नावं उस्सिंचति उस्सिंचंतं वा सातिज्जति ।। [१२६८] जे भिक्खू पडिणावियं कट्ट नावाए दुरुहति दुरुहंतं वा सातिज्जति । [१२६९] जे भिक्खू पडिणावियं कट्ट नावाए दुरुहति दुरुहंतं वा सातिज्जति । [१२७०] जे भिक्खू उड्ढगामिणिं वा नावं अहोगामिणिं वा नावं दुरुहति दुरुहंतं वा सा० |
[दीपरत्नसागर संशोधितः]
[74]
[३४-निसीह
Jain Education International
For Private & Personal Use Only
www.jainelibrary.org
| SR No. | 003767 |
| Book Title | Agam 34 Nisiham Padhamam Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 34, & agam_nishith |
| File Size | 3 MB |