Page Text
________________
[१२२३] जे निग्गंथे निग्गंथीए अच्छीणि अन्नउत्थिएण वा गारत्थिएण वा सीओदगवियडेण वा उसिणोदग-वियडेण वा उच्छोलावेज्ज वा पधोवावेज्ज वा उच्छोलावेंतं वा पधोवावेंतं वा सा० । उद्देसो-१७
[१२२४] जे निग्गंथे निग्गंथीए अच्छीणि अन्नउत्थिएण वा गारत्थिएण वा फुमावेज्ज वा रयावेज्ज वा फमावेंतं वा रयातं वा सातिज्जति ।
[१२२५] जे निग्गंथे निग्गंथीए दीहाइं भमुग-रोमाइं अन्नउत्थिएण वा गारत्थिएण वा कप्पावेज्ज वा संठवावेज्ज वा कप्पावेंतं वा संठवावेंतं वा सातिज्जति ।
[१२२६] जे निग्गंथे निग्गंथीए दीहाई पास रोमाइं अन्नउत्थिएण वा गारत्थिएण वा कप्पावेज्ज वा संठवावेज्ज वा कप्पावेंतं वा संठवावेंतं वा सातिज्जति ।
[१२२७] जे निग्गंथे निग्गंथीए कायाओ सेयं वा जल्लं वा पंकं वा मलं वा अन्नउत्थिएण वा गारत्थिएण वा नीहरावेज्ज वा विसोहावेज्ज वा नीहरावेंतं वा विसोहावेंतं वा सातिज्जति |
[१२२८] जे निग्गंथे निग्गंथीए अच्छिमलं वा कण्णमलं वा दंतमलं वा नहमलं वा अन्नउत्थिएण वा गारत्थिएण वा नीहरावेज्ज वा विसोहावेज्ज वा नीहरावेंतं वा विसोहावेंतं वा सा० ।
[१२२९] जे निग्गंथे निग्गंथीए गामानुगामं दूइज्जमाणीए अन्नउत्थिएण वा गारत्थिएण वा सीसवारियं कारवेति कारवेंतं वा सातिज्जति ।
[१२३०] जे निग्गंथे निग्गंथस्स सरिसगस्स अंते ओवासे संते ओवासं न देति न देंतं वा सातिज्जति ।
[१२३१] जे निग्गंथे निग्गंथीए सरिसियाए अंते ओवासे संते ओवासं न देति न देंतं वा सातिज्जति ।
___ [१२३२] जे भिक्खू मालोहडं असनं वा पानं वा खाइमं वा साइमं वा देज्जमाणं पडिग्गाहेति पडिग्गाहेंतं वा सातिज्जति ।
[१२३३] जे भिक्खू कोट्ठियाउत्तं असनं वा पानं वा खाइमं वा साइमं वा उक्कुज्जिय अवकुज्जिय ओहरिय देज्जमाणं पडिग्गाहेति पडिग्गाहेंतं वा सातिज्जति ।
[१२३४] जे भिक्खू मट्टियाओलित्तं असनं वा पानं वा खाइमं वा साइमं वा उभिदिय देज्जमाण पडिग्गाहेति पडिग्गाहेंतं वा सातिज्जति ।
[१२३५] जे भिक्खू असनं वा० पुढविपतिट्ठियं पडिग्गाहेति पडिग्गाहेंतं वा सातिज्जति | [१२३६] जे भिक्ख असनं वा० आउपतिट्ठियं पडिग्गाहेति पडिग्गाहेंतं वा सातिज्जति । [१२३७] जे भिक्ख असनं वा० तेउपतिट्ठियं पडिग्गाहेति पडिग्गाहेंतं वा सातिज्जति | [१२३८] जे भिक्खू असनं वा० वणप्फतिकायपतिट्ठियं पडिग्गाहेति पडिग्गाहेंतं वा सा० |
[१२३९] जे भिक्खू अच्चुसिणं असनं वा० सुप्पेण वा विहणेण वा तालियंटेण वा पत्तेण वा साहाए वा साहाभंगेण वा पिहणेण वा पिहणहत्थेण वा चेलेण वा चेलकण्णेण वा हत्थेण वा महेण वा फुमित्ता वीइत्ता आह१ देज्जमाणं पडिग्गाहेति पडिग्गाहेंतं वा सातिज्जति ।
[१२४०] जे भिक्खू उस्सेइमं वा संसेइमं वा चाउलोदगं वा वारोदगं वा तिलोदगं वा तुसोदगं वा उवोदगं वा आयामं वा सोवीरं वा अंबकंजियं वा सुद्धवियडं वा अहणाधोयं अणंबिलं अवक्कंतं अपरिणयं अविद्धत्थं पडिग्गाहेति पडिग्गाहेंतं वा सातिज्जति ।
दीपरत्नसागर संशोधितः]
[72]
[३४-निसीह
Jain Education International
For Private & Personal Use Only
www.jainelibrary.org
| SR No. | 003767 |
| Book Title | Agam 34 Nisiham Padhamam Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 34, & agam_nishith |
| File Size | 3 MB |