Page Text
________________
उद्देसो-१७
कक्केण वा चण्णेण वा वण्णेण वा उल्लोलावेज्ज वा उव्वट्टावेज्ज वा उल्लोलावेंतं वा उव्वट्टावेंतं वा सातिज्जति ।
[११९२] जे निग्गंथे निग्गंथीए कायंसि वणं अन्नउत्थिएण वा गारत्थिएण वा सीओदगवियडेण वा उसिणोदग-वियडेण वा उच्छोलावेज्ज वा पधोवावेज्ज वा उच्छोलावेंत पा पधोवावेंतं वा सा० ।
[११९३] जे निग्गंथे निग्गंथीए कायंसि वणं अन्नउत्थिएण वा गारत्थिएण वा फमावेज्ज वा रयावेज्ज वा फुमातं वा रयातं वा सातिज्जति ।
[११९४] जे निग्गंथे निग्गंथीए कायंसि गंडं वा पिडयं वा अरइयं वा असियं वा भगंदलं वा अन्नउत्थिएण वा गारत्थिएण वा अन्नयरेणं तिक्खेण सत्थजाएणं अच्छिंदावेज्ज वा विच्छिंदावेज्ज वा अच्छिंदावेंतं वा विच्छिंदावेंतं वा सातिज्जति |
[११९५] जे निग्गंथे निग्गंथीए कायंसि गंडं वा जाव सत्थजाएणं अच्छिंदावेत्ता वा विच्छिंदावेत्ता वा पूयं वा सोणियं वा नीहरावेज वा विसोहावेज्ज वा नीहरावेंतं वा विसोहावेंतं वा सा० |
[११९६] जे निग्गंथे निग्गंथीए कायंसि गंडं वा जाव नीहरावेत्ता वा विसोहावेत्ता वा सीओदग-वियडेण वा उसिणोदग-वियडेण वा उच्छोलावेज्ज वा पधोवावेज्ज वा उच्छोलावेंतं वा पधोवावेंतं वा सा० ।
[११९७] जे निग्गंथे निग्गंथीए कायंसि गंडं वा जाव उच्छोलावेत्ता वा पधोवावेत्ता वा अन्नयरेण आलेवणजाएणं आलिंपावेज्ज वा विलिंपावेज्ज वा आलिंपावेंतं वा विलिंपावेंतं वा सातिज्जति ।
[११९८] जे निग्गंथे निग्गंथीए कायंसि गंडं वा जाव तेल्लेण वा घएण वा वसाए वा नवनीएण वा अब्भंगावेज्ज वा मक्खावेज्ज वा अब्भंगावेंतं वा मक्खावेंतं वा सातिज्जति ।।
[११९९] जे निग्गंथे निग्गंथीए कायंसि गंडं वा जाव अब्भंगावेत्ता वा मक्खावेत्ता वा अन्नयरेणं आलेवणजाएणं धुवावेज्ज वा पधुवावेज्ज वा धुवावेंतं वा पधुवावेंतं वा सातिज्जति ।
__ [१२००] जे निग्गंथे निग्गंथीए पालुकिमियं वा कुच्छिकिमिंय वा अन्नउत्थिएण वा गारत्थिएण वा अंगलीए निवेसाविय-निवेसाविय नीहरावेति नीहरावेंतं वा सातिज्जति ।
[१२०१] जे निग्गंथे निग्गंथीए दीहाओ नह-सिहाओ अन्नउत्थिएण वा गारत्थिएण वा कप्पावेज्ज वा संठवावेज्ज वा कप्पावेंतं वा संठवावेंतं वा सातिज्जति ।।
[१२०२] जे निग्गंथे निग्गंथीए दीहाइं जंघ-रोमाइं अन्नउत्थिएण वा गारत्थिएण वा कप्पावेज्ज वा संठवावेज्ज वा कप्पावेंतं वा संठवावेंतं वा सातिज्जति ।।
[१२०३] जे निग्गंथे निग्गंथीए दीहाइं वत्थि-रोमाइं अन्नउत्थिएण वा गारत्थिएण वा कप्पावेज्ज वा संठवावेज्ज वा कप्पावेंतं वा संठवावेंतं वा सातिज्जति ।।
[१२०४] जे निग्गंथे निग्गंथीए दीहाइं चक्खु रोमाइं अन्नउत्थिएण वा गारत्थिएण वा कप्पावेज्ज वा संठवावेज्ज वा कप्पावेंतं वा संठवावेंतं वा सातिज्जति ।
[१२०५] जे निग्गंथे निग्गंथीए दीहाइं कक्खाण-रोमाइं अन्नउत्थिएण वा गारत्थिएण वा कप्पावेज्ज वा संठवावेज्ज वा कप्पावेंतं वा संठवावेंतं वा सातिज्जति |
[१२०६] जे निग्गंथे निग्गंथीए दीहाई मंसु-रोमाइं अन्नउत्थिएण वा गारत्थिएण वा कप्पावेज्ज वा संठवावेज्ज वा कप्पावेंतं वा संठवावेंतं वा सातिज्जति ।
दीपरत्नसागर संशोधितः]
[70]
[३४-निसीह
Jain Education International
For Private & Personal Use Only
www.jainelibrary.org
| SR No. | 003767 |
| Book Title | Agam 34 Nisiham Padhamam Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 34, & agam_nishith |
| File Size | 3 MB |