Page Text
________________
उद्देसो-१७
वा सातिज्जति ।
[११४४] जा निग्गंथी निग्गंथस्स कायंसि गंडं वा जाव उच्छोलावेत्ता वा पधोयावेत्ता वा अन्नयरेणं आलेवणजाएणं आलिंपावेज्ज वा विलिंपावेज्ज वा आलिंपिवेंतं वा विलिंपावेंतं वा सातिज्जति ।
[११४५] जा निग्गंथी निग्गंथस्स कायंसि गंडं वा जाव आलिंपावेत्ता वा विलिंपावेत्ता वा तेल्लेण वा घएण वा वसाए वा नवनीएण वा अभंगावेज्ज वा मक्खावेज्ज वा अब्भंगावेंतं वा मक्खावेंतं वा सातिज्जति ।
[११४६] जा निग्गंथी निग्गंथस्स कायंसि गंड वा जाव अब्भंगावेत्ता वा मक्खावेत्ता वा अन्नयरेणं धूवणजाएणं धूवावेज्ज वा पधूवावेज्ज वा धूवावेंतं वा पधूवावेंतं वा सातिज्जति ।
[११४७] जा निग्गंथी निग्गंथस्स पालुकिमियं वा कुच्छिकिमियं वा अन्नउत्थिएण वा गारत्थिएण वा अंगुलीए निवेसाविय-निवेसाविय नीहरावेति नीहरावेंतं वा सातिज्जति ।
[११४८] जा निग्गंथी निग्गंथस्स दीहाओ नह-सिहओ अन्नउत्थिएण वा गारत्थिएण वा कप्पावेज्ज वा संठवावेज्ज वा कप्पावेंतं वा संठवावेंतं वा सातिज्जति ।
[११४९] जा निग्गंथी निग्गंथस्स दीहाई जंघ-रोमाइं अन्नउत्थिएण वा गारत्थिएण वा कप्पावेज्ज वा संठवावेज्ज वा कप्पावेंतं वा संठवावेंतं वा सातिज्जति ।
[११५०] जा निग्गंथी निग्गंथस्स दीहाइं वत्थि-रोमाइं अन्नउत्थिएण वा गारत्थिएण वा कप्पावेज्ज वा संठवावेज्ज वा कप्पावेंतं वा संठवावेंतं वा सातिज्जति ।
[११५१] जा निग्गंथी निग्गंथस्स दीहाइं चक्खु रोमाइं अन्नउत्थिएण वा गारत्थिएण वा कप्पावेज्ज वा संठवावेज्ज वा कप्पावेंतं वा संठवावेंतं वा सातिज्जति ।
[११५२] जा निग्गंथी निग्गंथस्स दीहाइं कक्खाण-रोमाइं अन्नउत्थिएण वा गारत्थिएण वा कप्पावेज्ज वा संठवावेज्ज वा कप्पावेंतं वा संठवावेंतं वा सातिज्जति |
___ [११५३] जा निग्गंथी निग्गंथस्स दीहाइं मंसु-रोमाइं अन्नउत्थिएण वा गारत्थिएण वा कप्पावेज्ज वा संठवावेज्ज वा कप्पावेंतं वा संठवावेंत वा सातिज्जति ।
[११५४] जा निग्गंथी निग्गंथस्स दंते अन्नउत्थिएण वा गारत्थिएण वा आघंसावेज्ज वा पघंसावेज्ज वा आघंसावेंतं वा पघंसावेंतं वा सातिज्जति ।
[११५५] जा निग्गंथी निग्गंथस्स दंते अन्नउत्थिएण वा गारत्थिएण वा उच्छोलावेज्ज वा पधोयावेज्ज वा उच्छोलावेंतं वा पधोयावेतं वा सातिज्जति ।
[११५६] जा निग्गंथी निग्गंथस्स दंते अन्नउत्थिएण वा गारत्थिएण वा फुमावेज्ज वा रयावेज्ज वा फुमातं वा रयातं वा सातिज्जति ।
[११५७] जा निग्गंथी निग्गंथस्स उडे अन्नउत्थिएण वा गारत्थिएण वा आमज्जावेज्ज वा पमज्जावेज्ज वा आमज्जावेंतं वा पमज्जावेंतं वा सातिज्जति ।
[११५८] जा निग्गंथी निग्गंथस्स उढे अन्नउत्थिएण वा गारत्थिएण वा संवाहावेज्ज वा पलिमद्दावेज्ज वा संवाहावेंतं वा पलिमद्दावेंतं वा सातिज्जति ।
[११५९] जा निग्गंथी निग्गंथस्स उडे अन्नउत्थिएण वा गारत्थिएण वा तेल्लेण वा घएण वा वसाए वा नवनीएण वा अब्भंगावेज्ज वा मक्खावेज्ज वा अब्भंगावेंतं वा मक्खावेंतं वा सातिज्जति ।
[दीपरत्नसागर संशोधितः]
[67]
[३४-निसीह]
Jain Education International
For Private & Personal Use Only
www.jainelibrary.org
| SR No. | 003767 |
| Book Title | Agam 34 Nisiham Padhamam Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 34, & agam_nishith |
| File Size | 3 MB |