Page Text
________________
[७४७] जे भिक्खू कोलुणपडियाए अन्नयरिं तसपाणजातिं तणपासएण वा जपास कट्ठपासएण वा चम्मपासएण वा वेत्तपासएण वा रज्जुपासएण वा सुत्तपासएण वा बंधति बंधंतं वा सातिज्जति ।
[७४८] जे भिक्खू कोलुणपडियाए जाव सुत्तपासएण वा बद्धेल्लयं मुयति मुतं वा सा० । [७४९] जे भिक्खू अभिक्खणं अभिक्खणं पच्चक्खाणं भजति भंजंतं वा सातिज्जति । [७५०] जे भिक्खू परित्तकायसंजुत्तं आहारं आहारेति आहारेंतं वा सातिज्जति । [७५१] जे भिक्खू सलोमाइं चम्माई धरेइ धरंतं वा सातिज्जति ।
[७५२] जे भिक्खू तणपीढगं वा पलालपीढगं वा छगणपीढगं वा वेत्तपीढगं वा कट्ठपीढगं वा परवत्थेणोच्छण्णं अहिट्ठेति अहितं वा सातिज्जति ।
[७५३] जे भिक्खू निग्गंथीए संघाडिं अन्नउत्थिएण वा गारत्थिएण वा सिव्वावेति सिव्वावेंतं
वा सातिज्जति ।
[७५४] जे भिक्खू पुढवीकायस्स कलमायमवि समारंभति समारंभंतं वा सातिज्जति एवं आउक्कायस्स वा तेउकायस्स वा वाउकायस्स वा वणप्फइकायस्स वा कलमायमवि समारंभति समारंभंतं वा सातिज्जति ।
[७५५] जे भिक्खू सचित्तरुक्खं दुरुहति दुरुहंतं वा सातिज्जति । [७५६] जे भिक्खू गिहिमत्ते भुंजति भुंजंतं वा सातिज्जति । [७५७] जे भिक्खू गिहिवत्थं परिहेति परिर्हेतं वा सातिज्जति । [७५८] जे भिक्खू गिहिनिसेज्जं वाहेति वार्हेतं वा सातिज्जति । [७५९] जे भिक्खू गिहितिगिच्छं करेति करेंतं वा सातिज्जति ।
[७६०] जे भिक्खू पुरेकम्मकडेण हत्थेण वा मत्तेण वा दव्वीए वा भायणेण वा असनं वा पानं वा खाइमं वा साइमं वा पडिग्गाहेति पडिग्गार्हतं वा सातिज्जति ।
[७६१] जे भिक्खू गिहत्थाण वा अन्नउत्थियाण वा सीओदग - परिभोएण हत्थेण वा जाव भायणेण वा असनं वा पानं वा खाइमं वा साइमं वा [पडिग्गाहेति पडिग्गार्हतं वा सातिज्जति । [७६२] जे भिक्खू कट्ठकम्माणि वा चित्तकम्माणि वा पोत्थकम्माणि वा दंतकम्माणि वा मणिकम्माणि वा सेलकम्माणि वा गंठिमाणि वा वेढिमाणि वा पूरिमाणि वा संघातिमाणि वा पत्तच्छेज्जाणि वा विविहाणि वा वेहिमाणि वा चक्खुदंसणवडियाए अभिसंधारेति अभिसंधारेंतं वा सातिज्जति ।
[७६३] जे भिक्खू वप्पाणि वा फलिहाणि वा उप्पलाणि वा पल्ललाणि वा उज्झराणि वा
उद्देसो- १२
निज्झराणि वा वावीणि वा पोक्खराणि वा दीहियाणि वा गुंजालियाणि वा सराणि वा सरपंतियाणि वा सरसरपंतियाणि वा चक्खु दंसणपडियाए अभिसंधारेति अभिसंधारेंतं वा सातिज्जति ।
[७६४] जे भिक्खू कच्छाणि वा गहनानि वा नूमाणि वा वनानि वा वनविदुग्गा पव्वयाणि वा पव्वयविदुग्गाणि वा चक्खु दंसणपडियाए अभिसंधारेति अभिसंधारेंतं वा सातिज्जति ।
[दीपरत्नसागर संशोधितः]
Jain Education International
[46]
For Private & Personal Use Only
[३४- निसीह]
www.jainelibrary.org
| SR No. | 003767 |
| Book Title | Agam 34 Nisiham Padhamam Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 34, & agam_nishith |
| File Size | 3 MB |