Page Text
________________
[६७९] जे भिक्खू अन्नउत्थियस्स वा गारत्थियस्स वा कार्यसि वणं तेल्लेण वा घएण वा वसाए वा नवनीएण वा अब्भंगेज्ज वा मक्खेज्ज वा अभंगेंतं वा मक्खेंतं वा सातिज्जति |
[६८०] जे भिक्खू अन्नउत्थियस्स वा गारत्थियस्स वा कायंसि वणं लोद्धेण वा कक्केण वा चुण्णेण वा वण्णेण व उल्लोलेज्जा वा उव्वदे॒ज्ज वा उल्लोलेंतं वा उव्वदे॒त वा सातिज्जति ।
६८१] जे भिक्ख अन्नउत्थियस्स वा गारत्थियस्स वा कायंसि वणं सीओदग-वियडेण वा उसिणोदग-वियडेण वा उच्छोलेज्ज वा पधोएज्ज वा उच्छोलेंतं वा पधोएंतं वा सातिज्जति |
[६८२] जे भिक्खू अन्नउत्थियस्स वा गारत्थियस्स वा कायंसि वणं फुमेज्ज वा रएज्ज वा फुमंतं वा रएंतं वा सातिज्जति ।
[६८३] जे भिक्खू अन्नउत्थियस्स वा गारत्थियस्स वा कायंसि गंडं वा पिडयं वा अरइयं वा असियं वा भगंदलं वा अन्नयरेणं तिक्खेणं सत्थजाएणं अच्छिंदेज्ज वा विच्छिंदेज्ज वा अच्छिंदेतं वा विच्छिंदेंतं वा सातिज्जति ।
[६८४] जे भिक्खू अन्नउत्थियस्स वा गारत्थियस्स वा कायंसि गंडं वा पिडयं वा अरइयं वा असियं वा भगंदलं वा अन्नयरेणं तिक्खेणं सत्थजाएणं अच्छिंदित्ता वा विच्छिंदित्ता वा पूयं वा सोणियं वा नीहरेज्ज वा विसोहेज्ज वा नीहरेंतं वा विसोहेंतं वा सातिज्जति ।
[६८५] जे भिक्खू अन्नउत्थियस्स वा जाव सोणियं वा नीहरेत्ता वा विसोहेत्ता वा सिओदग-वियडेण वा उसिणोदग वियडेण वा उच्छोलेज्ज वा पधोएज्ज वा उच्छोलेंतं वा पधोएंतं वा सातिज्जति ।
[६८६] जे भिक्खू अन्नउत्थियस्स वा गारत्थियस्स वा जाव उच्छोलेत्ता वा पधोएत्ता वा अन्नयरेणं आलेवण-जाएणं आलिंपेज्ज वा विलिंपेज्ज वा आलिंपंतं वा विलिंपतं वा सातिज्जति |
[६८७] जे भिक्खू अन्नउत्थियस्स वा गारत्थियस्स वा जाव आलेवणजाएणं आलिंपित्ता वा विलिंपित्ता वा तेल्लेण वा घएण वा वसाए वा नवनीएण वा अभंगेज्ज वा मक्खेज्ज वा अब्भंगेंतं वा मक्खेंतं वा सातिज्जति ।
[६८८] जे भिक्खू अन्नउत्थियस्स वा गारत्थियस्स वा जाव नवणीएण वा अब्भंगेत्ता वा मक्खेत्ता वा अन्नयरेणं धूवणजाएणं धूवेज्ज वा पधूवेज्ज वा धूतं वा पधूवेंतं वा सातिज्जति । उद्देसो-११
[६८९] जे भिक्खू अन्नउत्थियस्स वा गारत्थियस्स वा पालुकिमियं वा कुच्छिकिमियं वा अंगुलीए निवेसिय-निवेसिय नीहरेइ नीहरेंतं वा सातिज्जति ।
६९०] जे भिक्ख अन्नउत्थियस्स वा गारत्थियस्स वा दीहाओ नह-सिहाओ कप्पेज्ज वा संठवेज्ज वा कप्तं वा संठवेंतं वा सातिज्जति ।।
[६९१] जे भिक्खु अन्नउत्थियस्स वा गारत्थियस्स वा दीहाइं जंघ-रोमाइं कप्पेज्ज वा संठवेज्ज वा कप्तं वा संठवेंतं वा सातिज्जति ।
[६९२] जे भिक्खू अन्नउत्थियस्स वा गारत्थियस्स वा दीहाइं वत्थि-रोमाइं कप्पेज्ज वा संठवेज्ज वा कप्तं वा संठवेंतं वा सातिज्जति ।
[६९३] जे भिक्खू अन्नउत्थियस्स वा गारत्थियस्स वा दीहाइं चक्खु-रोमाइं कप्पेज्ज वा संठवेज्ज वा कप्तं वा संठवेंतं वा सातिज्जति ।
दीपरत्नसागर संशोधितः]
[42]
[३४-निसीह
Jain Education International
For Private & Personal Use Only
www.jainelibrary.org
| SR No. | 003767 |
| Book Title | Agam 34 Nisiham Padhamam Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 34, & agam_nishith |
| File Size | 3 MB |