Page Text
________________
[६४३] जे भिक्खू गिलाणं सोच्चा न गवेसति न गवसंतं वा सातिज्जति । [६४४] जे भिक्खू गिलाणं सोच्चा उम्मग्गं वा पडिपहं वा गच्छति गच्छंतं वा सातिज्जति |
[६४५] जे भिक्खू गिलाणवेयावच्चे अब्भुट्ठियस्स सएण लाभेण असंथरमाणस्स जो तस्स न पडितप्पति न पडितप्पंतं वा सातिज्जति ।
[६४६] जे भिक्खू गिलाणवेयावच्चे अब्भुट्ठिए गिलाणपाउग्गे दव्वजाए अलब्भमाणे जो तं न पडियाइक्खति न पडियाइक्खंतं वा सातिज्जति ।।
[६४७] जे भिक्खू पढमपाउसंसि गामाणुग्गामं दूइज्जति दूइज्जतं वा सातिज्जति । [६४८] जे भिक्खू वासावासंसि पज्जोसवियंसि दूइज्जति दूइज्जंतं वा सातिज्जति । [६४९] जे भिक्खू पज्जोसवणाए न पज्जोसवेति न पज्जोसवेंतं वा सातिज्जति । [६५०] जे भिक्खू अपज्जोसवणाए पज्जोसवेति पज्जोसवेंतं वा सातिज्जति ।
[६५१] जे भिक्खू पज्जोसवणाए गोलोममाइं पि वालाइं उवाइणावेति उवाइणावेंतं वा सातिज्जति |
[६५२] जे भिक्खू पज्जोसवणाए इत्तिरियं पि आहारं आहारेति आहारेंतं वा सातिज्जति । [६५३] जे भिक्खू अन्नउत्थियं वा गारत्थियं वा पज्जोसवेति पज्जोसवेंतं वा सातिज्जति ।
[६५४] जे भिक्खू पढमसमोसरणुद्देसे पत्ताई चीवराइं पडिग्गाहेति पडिग्गाहेंतं वा सातिज्जति -तं सेवमाणे आवज्जइ चाउम्मासियं परिहारहाणं अनुग्घातियं ।
दसमो उद्वेसो समत्तो .
० एक्कारसमो-उद्देसो . [६५५] जे भिक्खू अयपायाणि वा कंसपायाणि वा तंबपायाणि वा तउयपायाणि वा सुवण्णपायाणि वा रुप्पपायाणि वा जायरूवपायाणि वा हारपुडपायाणि वा मणिपायाणि वा मुत्तापायाणि वा कायपायाणि वा कनगपायाणि वा दंतपायाणि वा सिंगपायाणि वा चम्मपायाणि वा सेलपायाणि वा उद्देसो-११
चेलपायाणि वा अंकपायाणि वा संखपायाणि वा वइरपायाणि वा करेति करेंतं वा सातिज्जति ।
_[६५६] जे भिक्खू अयपायाणि वा कंसपायाणि वा जाव संखपायाणि वा वइरपायाणि वा धरेति धरेतं वा सातिज्जति ।
६५७] जे भिक्ख अयपायाणि वा कंसपायाणि वा जाव संखपायाणि वा वइरपायाणि वा परि जति परिभुजंतं वा सातिज्जति ।
[६५८] जे भिक्खू अयबंधणाणि वा कंसबंधणाणि वा जाव संखबंधणाणि वा वइरबंधणाणि वा करेति करेंतं वा सातिज्जति ।
[६५९] जे भिक्ख अयबंधणाणि वा कंसबंधणाणि वा जाव संखबंधणाणि वा वइरबंधणाणि वा धरेति धरेतं वा सातिज्जति ।
[६६०] जे भिक्खू अयबंधणाणि वा कंसबंधणाणि वा जाव संखबंधणाणि वा वइरबंधणाणि वा परि जति परिभुंजतं वा सातिज्जति ।
दीपरत्नसागर संशोधितः]
[40]
[३४-निसीह
Jain Education International
For Private & Personal Use Only
www.jainelibrary.org
| SR No. | 003767 |
| Book Title | Agam 34 Nisiham Padhamam Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 34, & agam_nishith |
| File Size | 3 MB |