Page Text
________________
[२०९] जे भिक्खू देसारक्खियं अत्तीकरेति अत्तीकरेंतं वा सातिज्जति ।
उद्देसो-४
[२१०] जे भिक्खू देसारक्खियं अच्चीकरेति अच्चीकरेंतं वा सातिज्जति । [२११] जे भिक्खू देसारक्खियं अत्थीकरेति अत्थीकरेंतं वा सातिज्जति । [२१२] जे भिक्खू सव्वारक्खियं अत्तीकरेति अत्तीकरेंतं वा सातिज्जति । [२१३] जे भिक्खू सव्वारक्खियं अच्चीकरेति अच्चीकरेंतं वा सातिज्जति । [२१४] जे भिक्खू सव्वारक्खियं अत्थीकरेति अत्थीकरेंतं वा सातिज्जति । [२१५] जे भिक्खू कसिणाओ ओसहीओ आहारेति आहारेंतं वा सातिज्जति |
[२१६] जे भिक्खू आयरिय-उवज्झाएहिं अविदिन्नं विगतिं आहारेति आहारेंतं वा सातिज्जति ।
[२१७] जे भिक्खू ठवण-कुलाइं अजाणिय अपुच्छिय अगवेसिय पुव्वामेव पिंडवाय-पडियाए अनुप्पविसति अनुप्पविसंतं वा सातिज्जति ।
[२१८] जे भिक्खू निग्गंथीणं उवस्सयंसि अविहीए अनुप्पविसति अनुप्पविसंतं वा सातिज्जति ।
[२१९] जे भिक्खू निग्गंथीणं आगमनपहंसि दंडगं वा लट्ठियं वा रयहरणं वा मुहप्पोत्तियं वा अन्नयरं वा उवगरणजायं ठवेति ठवेंतं वा सातिज्जति ।
[२२०] जे भिक्खू नवाइं अनुप्पणाई अहिगरणाइं उप्पाएति उप्पाएंतं वा सातिज्जति ।
[२२१] जे भिक्खू पोराणाई अहिगरणाइं खामिय विओसमियाइं पुणो उदीरेति उदीरेंतं वा सातिज्जति ।
[२२२] जे भिक्खू मुहं विप्फालिय-विप्फालिय हसति हसंतं वा सातिज्जति | [२२३] जे भिक्खू पासत्थस्स संघाडयं देति देंतं वा सातिज्जति । [२२४] जे भिक्खू पासत्थस्स संघाडयं पडिच्छति पडिच्छंतं वा सातिज्जति । [२२५] जे भिक्खू ओसन्नस्स संघाडयं देति देंतं वा सातिज्जति । [२२६] जे भिक्खू ओसन्नस्स संघाडयं पडिच्छति पडिच्छंतं वा सातिज्जति । [२२७] जे भिक्खू कुसीलस्स संघाडयं देति देंतं वा सातिज्जति । [२२८] जे भिक्खू कुसीलस्स संघाडयं पडिच्छति पडिच्छतं वा सातिज्जति । [२२९] जे भिक्खू नितियस्स संघाडयं देति देंतं वा सातिज्जति । [२३०] जे भिक्खू नितियस्स संघाडयं पडिच्छति पडिच्छंतं वा सातिज्जति । [२३१] जे भिक्खू संसत्तस्स संघाडयं देति देंतं वा सातिज्जति । [२३२] जे भिक्खू संसत्तस्स संघाडयं पडिच्छत्ति पडिच्छंतं वा सातिज्जति ।
[२३३] जे भिक्खू उदओल्लेण वा ससिणिद्धेण वा हत्थेण वा मत्तेण वा दव्वीए वा भायणेण वा असनं वा पानं वा खाइमं वा साइमं वा पडिग्गाहेति पडिग्गाहेंतं वा सातिज्जति ।
[२३४] एवं एक्कवीसं हत्था भाणियव्वा । जे भिक्खू ससिणिद्धेण वा ससरक्खेण वा मट्टिया संसटेण वा ऊससंसटेण वा लोणसंसटेणं वा हरियालसंसटेण वा मनोसिला संसटेण वा वण्णिय संसटेण वा
[दीपरत्नसागर संशोधितः]
[13]
[३४-निसीह]
Jain Education International
For Private & Personal Use Only
www.jainelibrary.org
| SR No. | 003767 |
| Book Title | Agam 34 Nisiham Padhamam Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 34, & agam_nishith |
| File Size | 3 MB |