Page Text
________________
उद्देसो-३
पधोवेज्ज वा उच्छोलेंतं वा पधोवेंतं वा सातिज्जति ।
___ [१४४] जे भिक्खू अप्पणो कायं फुमेज्ज वा रएज्ज वा फुतं वा रएंतं वा सातिज्जति |
[१४५] जे भिक्खू अप्पणो कार्यसि वणं आमज्जेज्ज वा पमज्जेज्ज वा आमज्जंतं वा पमज्जंतं वा सातिज्जति ।
[१४६] जे भिक्खू अप्पणो कार्यसि वणं संवाहेज्ज वा पलिमद्देज्ज वा संवाहतं वा पलिमदेतं वा सातिज्जति ।
[१४७] जे भिक्खू अप्पणो कार्यसि वणं तेल्लेण वा घएण वा वसाए वा नवनीएण वा अब्भंगेज्ज वा मक्खेज्ज वा अब्भंगेंतं वा मक्खेंतं वा सातिज्जति ।
[१४८] जे भिक्खू अप्पणो कार्यसि वणं लोद्धेण वा क्ककेण वा चुण्णेण वा वण्णेण वा उल्लोलेज्ज वा उव्वट्टेज्ज वा उल्लोलेंतं वा उव्वटेंतं वा सातिज्जति |
_[१४९] जे भिक्खू अप्पणो कार्यसि वणं सीओदग-वियडेण वा उसिणोदग-वियडेण वा उच्छोलेज्ज वा पधोवेज्ज वा उच्छोलेंतं वा पधोवेंतं वा सातिज्जति |
[१५०] जे भिक्खू अप्पणो कायंसि वणं फुमेज्ज वा रएज्ज वा फुमेंतं वा रएंतं वा सातिज्जति ।
[१५१] जे भिक्खू अप्पणो कायंसि गंडं वा पिडयं वा अरइयं वा असियं वा भगंदलं वा अन्नयरेणं तिक्खेणं सत्थजाएणं अच्छिंदेज्ज वा विच्छिंदेज्ज वा अच्छिंदंतं वा विच्छिंदंतं वा सातिज्जति ।
[१५२] जे भिक्खू अप्पणो कायंसि गंडं वा पिडयं वा अरइयं वा असियं वा भगंदलं वा अन्नयरेणं तिक्खेणं सत्थजाएणं अच्छिंदित्ता वा विच्छिंदित्ता वा पूर्व वा सोणियं वा नीहरेज्ज वा विसोहेज्ज वा नीहरतं वा विसोहेंतं वा सातिज्जति ।
[१५३] जे भिक्खू अप्पणो कायंसि गंडं वा पिडयं वा अरइयं वा असियं वा भगंदलं वा अन्नयरेणं तिक्खेणं सत्थजाएणं अच्छिंदित्ता वा विच्छिंदित्ता वा पूर्व वा सोणियं वा नीहरित्ता वा विसोहेत्ता वा सीओदग-वियडेण वा उसिणोदग-वियडेण वा उच्छोलेज्जा व पधोवेज्ज वा उच्छोलेंतं वा पधोवेंत वा सातिज्जति |
[१५४] जे भिक्खू अप्पणो कायंसि गंडं वा पिडयं वा अरइयं वा असियं वा भगंदलं वा अन्नयरेणं तिक्खेणं सत्थजाएणं अच्छिंदित्ता वा विच्छिंदित्ता वा पयं वा सोणियं वा नीहरित्ता वा विसोहेत्ता वा सीओदग-वियडेण वा उसिणोदग-वियडेण वा उच्छोलेत्ता वा पधोएत्ता वा अन्नयरेणं आलेवणजाएणं आलिंपेज्ज वा विलिंपेज्ज वा आलिंपतं वा विलिंपतं वा सातिज्जति ।
। [१५५] जे भिक्खू अप्पणो कार्यसि गंडं वा पिडयं वा अरइयं वा असियं वा भगंदलं वा अन्नयरेणं तिक्खेणं सत्थजाएणं अच्छिंदित्ता वा विच्छिंदित्ता वा पूयं वा सोणियं वा नीहरित्ता वा विसोहेत्ता वा सीओदग-वियडेण वा उसिणोदग-वियडेण वा उच्छोलेत्ता वा पधोएत्ता वा अन्नयरेणं
ना वा विलिंपित्ता वा तेल्लेण वा घएण वा वसाए वा नवनीएण वा अब्भंगेज्ज वा मक्खेज्ज वा अब्भंगेंतं वा मक्खेंतं वा सातिज्जति ।
[१५६] जे भिक्खु अप्पणो कायंसि गंडं वा पिडयं वा अरइयं वा असियं वा भगंदलं वा
दीपरत्नसागर संशोधितः]
[9]
[३४-निसीह
Jain Education International
For Private & Personal Use Only
www.jainelibrary.org
| SR No. | 003767 |
| Book Title | Agam 34 Nisiham Padhamam Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 34, & agam_nishith |
| File Size | 3 MB |