________________
गाहा-३३
[३३] तं नाऊण कसाए चउरो पंचहि य पंच हंतूणं ।
पंचासवे उदिण्णे पंचहि य महव्वय गणेहिं || [३४] छज्जीवनिकाए रक्खिऊण छलदोसवज्जिया जइणो । तिगलेसा-परिहीणा पच्छिम-लेसा-तिगजुआ य ।। [३५] एक्कग-दुग-तिग-चठ-पण सत्तट्ठग-नवदसग-ठाणेसु ।
असुहेसु विप्पहीणा सुभेसु सय संठिया जे उ ।। [३६] वेयण वेयावच्चे इरियट्ठए य संजमट्ठाए ।
तह पाणवतियाए छठं पुण धम्मचिंताए । [३७] छसु ठाणेसु इमेसु य अन्नयरे कारणे समुप्पन्ने ।
कडजोगी आहारं करंति जयणा निमित्तं तु ।। [३८] जोएसु किलायंता सरीर संकप्प चेह्रमचयंता ।
अविकप्पऽवज्जभीरू उवेंति अब्भुज्जयं मरणं ।। [३९] आयंके उवसग्गे तितिक्खया बंभचेर गुत्तीसु ।
पाणि-दया तव-हेडं सरीर-परिहार वोच्छेयो [४०] पडिमासु सीहनिक्कीलियासु घोरे अभिग्गहाईसु ।
छच्चिय अभिंतरए बज्झे य तवे समनुरत्ता ।। [४१] अविकलसीलाऽऽयारा पडिवन्ना जे उ उत्तमं अट्ठ |
पुव्विल्लाण इमाण य भणिआ आराहणा चेव ।। [४२] जह पुव्वद्दयगमणो करणविहीणोऽवि सागरे पोओ
तीरासन्नं पावइ रहिओऽवि अवल्लगाईहिं ।। [४३] तह सुकरणो महेसी तिकरण आराहओ धुवं होइ ।
अह लहइ उत्तमळं तं अइलाभत्तणं जाणं ।। [४४] एस समासो भणिओ परिणामवसेण सुविहियजनस्स |
इत्तो जह करणिज्जं पंडियमरणं तहा सुणह ।। [४५] फासेहिंति चरितं सव्वं सुहसीलयं पयहिऊणं ।
घोरं परीसहचमु अहियासिंतो धिइबलेणं ।। [४६] सद्दे रुवे गंधे रसे य फासे य निग्घिण धिईए |
सव्वेसु कसाएसु य निहंतु परमो सया होहि ।। [४७] चइऊण कसाए इंदिए य सव्वे य गारवे हंतुं ।
तो मलिय राग दोसो करेह आराहणासुद्धिं ।। [४८] दंसण-नाण-चरिते पव्वज्जाईसु जो अ अइयारो । तं सव्वं आलोएहि निरवसेसं पणिहियप्पा ।। [४९] जह कंटएण विद्धो सव्वंगे वेयणद्दिओ होइ । तह चेव उद्धियंमि उ निस्सल्लो निव्वुओ होइ ।।
दीपरत्नसागर-संशोधितः
[4]
[३३/१|मरणसमाहित
