________________
गाहा ४२४
[४२४] कंचनपुरम्मि सिट्ठी जिनधम्मो नाम सावओ आसी । तस्स इमं चरियपयं तउ एयं कित्तिम मुनिस्स || [४२५] जह तेन वितथमुणिणा उवसग्गा परमदूसहा सहिया । तह उवसग्गा सुविहिय ! सहियव्वा उत्तमट्ठमि || [४२६] निप्फेडियाणि दुन्नि वि सीसावेढेण जस्स अच्छीणि । न य संजमा चलिओ मेअज्जो मंदरगिरि व्व ।। [४२७] जो कुंचगावराहे पाणिदया कुंचगं पि नाऽऽइक्खे | जीवियमनुपेतं मेयज्जरिसिं नम॑सामि ||
[४२८] जो तिहिं पएहिं धम्मं समइगओ संजमे समारूढो । उवसम विवेग संवर चिलाइपुत्तं नम॑सामि ||
[४२९] सोएहिं अइगयाओ लोहियगंधेण जस्स कीडीओ । खायंति उत्तमंगं तं दुक्करकारयं वंदे ।।
[४३०] देहो पिपीलियाहिं चिलाइपुत्तस्स चालणि व्व कओ । तनुओ वि मनपओसो न य जाओ तस्स तानुवरिं । [४३१] धीरो चिलाइपुत्तो मूइंगलियाहिं चालिणि व्व कओ । न य धम्माओ चलिओ तं दुक्करकारयं वंदे ॥ [४३२] गयसुकुमालमहेसी जह दड्ढो पिइवनंसि ससुरेणं । न य धम्माओ तं दुक्कर- कारयं वंदे ।।
[४३३] जह तेन सो हुयासो सम्मं अइरेग दूसहो सहिओ । तह सहियव्व सुविहिय ! उवसग्गो देहदुक्खं च ।। [४३४] कमलामेलाहरणे सागरचंदो सुईहिं नभसेनं । आगंतूण सुरत्ता संपइ संपाइणो वारे ।।
[४३५] जा तस्स खमा तइया भावो जा य दुक्करा पडिमा । तं अणगार ! गुणागर तुमं पि हियएण चिंतेहि ।। [४३६] सोऊण निसासमए नलिनिविमानस्स वण्णणं धीरो । संभरिय देवलोओ उज्जेनि अवंतिसुकुमालो ।।
[४३७] घितूण समणदिक्खं नियमुज्झिय सव्व दिव्वआहारो । बाहिं वंसकुडंगे पायवगमनं निवण्णो उ ।।
[४३८] वोसट्ठ निसट्ठंगो तहिं सो भुल्लुंकियाइ खइओ उ । मंदरगिरीनिक्कंपं तं दुक्करकारयं वंदे ।।
[४३९] मरणंमि जस्स मुक्कं सुकुसुम गंधोदयं च देवेहिं । अज्ज वि गंधवई सा तं च कुडंगीसर ट्ठाणं ।।
[४४०] जह तेन तत्थ मुणिणा सम्मं सुमणेण इंगिणी तिण्णा । तह तूरह उत्तमट्ठ तं च मने सन्निवेसेह ||
[दीपरत्नसागर-संशोधितः]
[27]
[३३ / १ | मरणसमाहि]
