________________
गाहा १८६
[१८६] अज्झवसाणविसुद्धी विवज्जिया जे तवं विगिट्ठमवि । कुव्वंति बाललेसा न होइ सा केवला सुद्धी । [१८७] एयं सरागसंलेहणा - विहिं जइ जई समायरइ । अज्झप्पसंजुयमई सो पावइ केवलं सुद्धिं ।। [१८८] निखिला फासेयव्वा सरीरसंलेहणाविही एसा । एत्तो कसायजोगा अज्झप्पविहिं परमं वुच्छं ।।
[१८९] कोहं खमाइ मानं मद्दवया अज्जवेण मायं च । संतोसेण व लोहं निज्जिण चत्तारि वि कसाए । [१९०] कोहस्स व मानस्स व माया-लोभेसु वा न एएसिं । वच्चई वसं खणंपि हु दुग्गगईवड्ढणकराणं ।।
[१९१] एवं तु कसायग्गिं संतोसेणं तु विज्झवेयव्वो । राग-द्दोसपवत्तिं वज्जेमाणस्स विज्झाइ ||
[१९२] जावंति केइ ठाणा उदीरगा हुंति हु कसायाणं । सावज्जं विमुत्तसंगो मुनी विहरे ।। [१९३] संतोवसंत-धिइमं परीसहविहिं व समहियासंतो । निस्संगयाइ सुविहिय ! संलिह मोहे कसाए य ।। [१९४] इट्ठाऽनिट्ठेसु सया सद्द-फरिस - रस- रुव-गंधेहिं । सुहदुक्खनिव्विसेसो जियसंगपरीसहो विहरे ।।
[१९५] समिईसु पंचसमिओ जिणाहि तं पंच इंदिए सुठु । तिहिं गारवेहिं रहिओ होइ तिगुत्तो य दंडेहिं ।।
[१९६] सन्नासु आसवेसु अ अट्टे रुद्दे अ तं विसुद्धप्पा | राग-द्दोस-पवंचे निज्जिणिरं सव्वणोज्जुत्तो ||
? कस्स य सुक्खेहिं विम्हओ हुज्जा
[१९७] को दुक्ख पाविजा को वा न लभिज्ज मुक्खं ? राग-द्दोसा जइ न हुज्जा ।। [१९८] नवि तं कुणइ अमित्तो सुठु विय विराहिओ समत्थो वि । जं दो वि अनिग्गहिया करेंति रागो य दोसो य ।। [१९९] तं मुयह राग-दोसे सेयं चिंतेह अप्पणो निच्चं ।
जं तेहिं इच्छह गुणं तं बुक्कह बहुतरं पच्छा ।। [२००] इहलोए आयासं अयसं च करेंति गुणविनासं च । पसवंति य परलोए सारीर - मनोगए दुक्खे | [२०१] धिद्धी अहो अकज्जं जं जाणंतोऽवि राग-दोसेहिं । फलमउलं कडुयरसं तं चेव निसेवए जीवो ||
[२०२] तं जइ इच्छसि गंतुं तीरं भवसायरस्स घोरस्स । तो तव-संजमभंडं सुविहिय
[दीपरत्नसागर-संशोधितः]
[13]
! गिण्हाहि तूरंतो ।।
?I
[३३ / १ | मरणसमाहि]
