________________ मरण-पुणब्भवरहिया आलोयण-निंदणा साहू / / [156] एक्कं ससल्लमरणं मरिऊण महब्भयम्मि संसारे / पुणरदि भमंति जीवा जम्मण-मरणाइं बहुयाइं / / [157] पंचसमिओ तिगुत्तो सुचिरं कालं मुणी विहरिऊणं / मरणे विराहयतो धम्ममणाराहओ भणिओ / / [158] बहुमोहो विहरित्ता पच्छिमकालम्मि संवुडो सो उ / आराहणोवउत्तो जिणेहिं आराहओ भणिओ / / [159] तो सव्वाभावसुद्धो आराहणमइमुहो विसंमंतो / संयारं पडिवन्नो इमं च हियणए चिंतेज्जा / / [160] एगो मे सासओ अप्पा नाण-दंसणसंजुओ / सेसा मे बाहिरा भावा सव्वे संजोगलक्खणा / / [161] एक्को हं नत्थि मे कोई नत्थि वा कस्सई अहं / न तं पेक्खामि जस्साहं न तं पेक्खामि जो महं / / [162] देवत्त माणुसत्तं तिरिक्खजोणिं तहेव नरयं च / पत्तो अनंतखुत्तो पुट्विं अन्नाणदोसेणं / / [163] ___ न य संतोसं पत्तो सएहिं कप्पेहिं दुक्खमूलेहिं / न य लद्धा परिसुद्धा बुद्धी सम्मत्तसंजुत्ता / / [164] सुचिरं पि ते मणूसा भमंति संसारसायरे दुग्गे | जे ह करेति पमायं दुक्खविमोक्खम्मि धम्मम्मि / / [165] दुक्खाण ते मणूसा पारं गच्छंति जे दढधिईया | पुव्वपुरिसामुचिण्णं जिणवयणपहं न मुंचंति || [166] मग्गंति परमसोक्खं ते पुरिसा जे खवंति उज्जुत्ता / कोहं मानं मायं लोभं तह राग-दोसं च / / [167] न वि माया न वि य पिया न बंधवा न वि पियाइं मित्ताई पुरिसस्स मरणकाले न होंति आलंबणं किंचि / / [168] न हिरण्ण-सुवण्णं वा दासी दासं च जाण जुग्गं च | [दीपरत्नसागर-संशोधितः ..... 'आगम सूत्र 302 चंदावेज्झयं' Page 15
